Os 1:6 - Kaqchiquel Bible

⁶ Ri wixjayil xyawej chik k'a jun bey y xk'oje' chik jun ti ral xten y ri Dios xubij k'a chuwe: Ri ti ami'al xtubini'aj: Man Jun Xtijoyowan ruwech,*f1* roma yin kan man xtinjoyowaj ta chik ruwech ri tinamit Israel y kan man xtinkoch' ta chik.

Os 1:6 Iomraidhean Croise

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

2 Rey 17:6

K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Os 1:8

Toq ri wixjayil xrelesaj rutz'um ri ak'ual ri rubini'an: Man Jun Xtijoyowan ruwech, xyawej chik k'a kan jun bey y xk'oje' jun chik ti ral ala'.

Os 2:23

Xkenbenya' chik k'a ri nutinamit chupan ri ruwach'ulew. Xtinjoyowaj chik k'a ruwech ri Man Jun Xtijoyowan Ruwech; xtinbij chik k'a chire ri Ri Man Nutinamit Ta; Rat Kan at Nutinamit, xkicha' chire. Rija' kan xtubij chik k'a chuwe: ¡Ja rat ri at nu-Dios!, xticha' chuwe, xcha' ri Dios.

Os 2:4

Jajun ri e ral, kan man xtinjoyowaj ta kiwech roma xa e ral jun ixoq ri itzel ruk'aslen.

Am 7:8

Y xuk'utuj chuwe: ¿Achike ri natz'et?, xcha'. Y yin xinbij chire: Nintz'et jun plomo ri nukusaj ri aj-tz'aq, xicha'. Y ri Jehová xubij chuwe: Rik'in re jun plomo re' yin yitikir nintz'et chi man choj ta kik'aslen ri awinaq israelita. Y roma ri' kan man jun bey chik xtinkuy ri kimak.

Am 9:8

Yin Jehová xintz'et yan k'a chi rix kan ix janila aj-maki'. Roma ri' kan xkixinwelesaj-el chuwech re ruwach'ulew. Jak'a man xkixink'is ta el jumul.

1 Pedro 2:10

Ri rubanon kan, man ix jun tinamit ta, jak'a re wakami xixok rutinamit ri Dios. Man ik'ulun ta rutzil rija' jak'a re wakami xik'ul ri rutzil.