Wuj Richin ri Q'axanri'il 8:22 - Kaqchiquel Bible

²² Y xeri' ri levita xkichop k'a ri kisamaj ri k'o chi nikiben chupan ri rachoch ri Dios y ja ri Aarón y ri e ruk'ajol jari' ri yebin ri samaj. Ri Aarón y ri e ruk'ajol kan xkiben achi'el ri rubin ri Jehová chire ri Moisés.

Wuj Richin ri Q'axanri'il 8:22 Iomraidhean Croise

2 Crón 30:27

Chirij ronojel re', ri e sacerdote y ri e levita keri' e pa'el xkiya' urtisanik pa kiwi' ri winaqi'. Y ri Dios kan xrak'axaj k'a ri kich'owen k'a chila' chikaj, akuchi k'o-wi Rija'.

2 Crón 31:2

K'ari' ri Ezequías xuch'arala' k'a ri samaj chikiwech ri e sacerdote y ri e levita: Ri rusujik ri chikop ri niporox chijun ri pa taq nimaq'a' y ri tiqaq'ij, ri sipanik ri niq'alajirisan chi ri winaqi' junan kiwech rik'in ri Dios, ri matioxinik y ri bix ri yebixex chuchi' ri rachoch.

Ex 12:50

Keri' xkiben konojel ri winaqi' israelita, achi'el ri xubij ri Jehová chire ri Moisés y chire ri Aarón.

Wuj Richin ri Q'axanri'il 1:50

Roma ri levita jari' ri xkebesamej chupan ri wachoch richin ri nujikibel-tzij y xkek'oje' chuqa' pa ruwi' ri samajibel y ronojel ri ch'aqa' chik ri ek'o chiri'. Ja chuqa' rije' ri xke'uk'uan ri wachoch banon rik'in tzieq y ronojel ri k'o chupan, toq k'o chi nuk'uex-el juk'an chik. Kan ja wi k'a rije' ri e aj samaj ri pa wachoch y ri kachoch rije' kan chunaqaj ok ri wachoch yin xkekipabala-wi.

Wuj Richin ri Q'axanri'il 8:15

Y toq e ach'ajch'ojirisan chik y xe'ajech yan chuwe yin achi'el jun sipanik silon chinuwech yin, jari' toq ri levita xke'ok-apo pa wachoch richin molojri'il richin yesamej.

Wuj Richin ri Q'axanri'il 8:21

Rije' xkich'ajch'ojirisaj-ki' y xkich'ej ri kitziaq; y k'ari' ri Aarón xerusuj chuwech ri Jehová achi'el toq nisuj jun sipanik silon chuwech rija', richin utz yerutz'et.

Wuj Richin ri Q'axanri'il 8:23

Ri Jehová xch'on chik k'a rik'in ri Moisés, y xubij: