Wuj Richin ri Q'axanri'il 8:12 - Kaqchiquel Bible

¹² K'ari' ri levita xtikiya' kiq'a' pa kiwi' ri ka'i' nima-alaji' achija' taq wákix, ri jun xtisuj richin kuyubel-mak y ri jun chik xtiporox chijun chinuwech yin Jehová, richin keri' nink'en chik kiwech rije'.

Wuj Richin ri Q'axanri'il 8:12 Iomraidhean Croise

Ex 29:10

Xeri' xtuk'uex ri nima-alaj achij wákix chuwech ri wachoch richin molojri'il, y ri Aarón y ri e ruk'ajol xtikiya' ri kiq'a' pa ruwi' rujolon ri chikop ri',

Wuj Richin ri Chojmirisabelri'il 1:4

y xtuya' ri ruq'a' pa ruwi' ri chikop ri xtiporox, y keri' nink'en chik ruwech ri wineq roma ri rukamelabal.

Wuj Richin ri Chojmirisabelri'il 14:22

Chuqa' nuk'en-pe ka'i' paloma e nima'q o e ka'i' taq kokoj; xabachike k'a chike ri aj-xik' chikopi' ri' ri nitikir nuk'en-pe ri wineq. Jun chike ri' nusuj richin kamelabel richin kuyubel-mak, y ri jun chik niporox chijun chinuwech yin.

Wuj Richin ri Chojmirisabelri'il 16:11

Ri Aarón kan xtuqupij ri ruqul ri nima-alaj achij wákix richin xtusuj richin kamelabel, y xtikuyutej ri rumak rija' y ri kimak ri e aj pa rachoch. Keri' kan xtink'en chik kiwech.

Wuj Richin ri Chojmirisabelri'il 16:21

Y k'ari' ri Aarón nuya' chi e ka'i' ruq'a' pa ruwi' ri rujolon ri tzuntzun ri' y nuq'alajirisaj-el ronojel ri kimak ri e rijatzul ri Israel; ri mak ri e nojin y ri man e nojin ta. Y ronojel re mak re' yeqaqa-el pa ruwi' ri tzuntzun. Y nicha'ox k'a jun wineq richin chi ja rija' ri xtuk'uan-el k'a pa tz'iran ruwach'ulew.

Wuj Richin ri Chojmirisabelri'il 16:6

K'ari' ri Aarón xtusuj k'a ri wákix richin nikuyutej ri rumak rija', ri rumak ri rixjayil y ri kimak ri ralk'ual; y rik'in ri' nink'en k'a kiwech rije'.

Wuj Richin ri Chojmirisabelri'il 4:15

Y jak'a ri achi'a' ri k'o kiq'ij nikiya' kiq'a' pa ruwi' ri rujolon ri wákix, y chiri' chinuwech yin xtikikamisaj-wi.

Wuj Richin ri Chojmirisabelri'il 4:20

Ri nuben rik'in re wákix re', achi'el toq ri nimalej sacerdote nusuj ri kamelabel richin kuyubel-mak, y keri' xtikuyutej k'a ri kimak ri winaqi', y yin xtink'en chik kiwech.

Wuj Richin ri Chojmirisabelri'il 4:35

Chuqa' nrelesaj ronojel ri ruq'anal ri karne'l achi'el niban chire ri karne'l ri nisuj richin nuq'alajirisaj chi nijunamatej-ruwech wik'in, y xtuporoj pa ruwi' ri porobel. Keri' ri sacerdote xtusuj ri kamelabel richin nikuyutej rumak ri wineq ri', y kan xtikuyutej k'a; y k'ari' nink'en chik ruwech.

Wuj Richin ri Chojmirisabelri'il 4:4

Nuk'uaj-apo ri wákix chuchi' ri wachoch, y chiri' xtuya' ri ruq'a' pa ruwi' ri rujolon, y k'ari' xtukamisaj chinuwech yin.

Wuj Richin ri Chojmirisabelri'il 5:7

Wi man nitikir ta nuk'en-pe jun karne'l o jun tzuntzun roma maneq rik'in richin nuloq'bej, utz nuk'en-pe chinuwech ka'i' paloma e nima'q o e ka'i' taq kokoj, ri jun richin nikuyutej ri rumak, y ri jun chik richin niporox chijun.

Wuj Richin ri Chojmirisabelri'il 8:14

Chirij re' ri Moisés xuk'en-apo ri nima-alaj achij wákix richin ri kuyubel-mak y ri Aarón y ri e ruk'ajol xkiya' k'a ri kiq'a' pa ruwi' ri rujolon ri chikop ri'.

Wuj Richin ri Chojmirisabelri'il 8:15

K'ari' ri Moisés xuqupij ri ruqul ri chikop ri' y xuk'ul ri rukik'el y rik'in ri ruwi-ruq'a' xukil kik' chikij ri achi'el taq uk'a' ri ek'o pa taq rutza'n ri porobel. Y keri' ri xuben richin xuch'ajch'ojirisaj ri porobel; y ri ch'aqa' chik kik' xuya' chuxe' ri porobel. Y keri' k'a xkinaba' ri porobel richin chi pa ruwi' ri' nik'ul-wi ri kamelabel. Y keri' ri Dios utz xutz'et ri porobel.

Wuj Richin ri Chojmirisabelri'il 8:18

Chirij ri' ri Moisés xuk'en-apo ri jun chike ri achij karne'l richin nusuj chire ri Dios richin jun poron kamelabel. Y ri Aarón y ri e ruk'ajol xkiya' kiq'a' pa ruwi' ri rujolon ri chikop ri'.

Wuj Richin ri Chojmirisabelri'il 8:34

Re' xbanatej richin chi xk'an kiwech roma ri Jehová.

Wuj Richin ri Chojmirisabelri'il 9:7

K'ari' ri Moisés xubij chire ri Aarón: Kajel-apo chunaqaj la porobel y tasuju' k'a ri chikop richin kamelabel richin nikuyutej ri amak, y tasuju' chuqa' ri kamelabel ri niporox jumul. Y tasuju' k'a ri kamelabel ri niporox ronojel koma ri winaqi' y tasuju' ri kamelabel richin nikuyutej ri kimak rije'. Keri' xtaben chi ri Jehová utz xkarutz'et rat y utz xkerutz'et ri winaqi', kan achi'el ri rubin ri Jehová chuwe, xcha'.

Wuj Richin ri Q'axanri'il 6:14

Ri wineq ri' k'o chi nuk'en-pe sipanik chuwe yin Jehová. Xtuk'en-pe oxi' chikopi': Jun ti alaj karne'l jun rujuna' ri kan tz'aqet, richin jun sipanik ri niporox chijun, jun alaj ixoq karne'l ri kan tz'aqet, richin jun kamelabel richin kuyubel-mak, y ri rox jun achij karne'l ri kan tz'aqet, richin nok sipanik richin nuq'alajirisaj chi junan ruwech wik'in.

Wuj Richin ri Q'axanri'il 6:16

K'ari' ri sacerdote nusuj chinuwech ri kamelabel richin kuyubel-mak y chuqa' ri sipanik ri niporox chijun.

Wuj Richin ri Q'axanri'il 8:13

Rat Moisés xke'aya-apo ri levita chikiwech ri Aarón y ri e ruk'ajol y k'ari' xke'asuj k'a achi'el jun jebelej sipanik chuwe yin.

Wuj Richin ri Q'axanri'il 8:8

Chirij re' nabek'ama-pe jun nima-alaj achij wákix y juba' chayun k'ej xolon aceite rik'in richin niporox chijun. Chuqa' nabek'ama-pe jun chik nima-alaj achij wákix richin kuyubel-mak.

Hebreos 9:22

Y chupan ri ruq'ijul ri pixa', jubama ronojel xch'ajch'ojirisex rik'in ri kik'. Kan qitzij chi wi man ta nibiyin kik', man ta nikuyutej ri mak.