Wuj Richin ri Q'axanri'il 7:10 - Kaqchiquel Bible

¹⁰ Toq xya'ox aceite chirij ri porobel richin xjach pa rusamaj ri Dios, jari' toq ri aj-raqen pa kiwi' ri kablajuj tzobaj xkik'amala-pe ch'aqa' chik sipanik y xkiya' k'a apo chuwech ri porobel ri'.

Wuj Richin ri Q'axanri'il 7:10 Iomraidhean Croise

1 Rey 8:63

Y ri rey Salomón xusuj k'a sipanik ri niq'alajirisan chi junan ruwech rik'in ri Jehová: Xerukamisaj k'a e 22,000 nima'q taq awej y 120,000 kokoj taq awej. Keri' ri rey y ri winaqi' xkijech k'a ri k'ak'a' rachoch ri Jehová pa rusamaj.

2 Crón 7:5

Y ri Salomón xerusuj k'a richin kamelabel e 22,000 nima'q taq awej y 120,000 kokoj taq awej. Keri' k'a xkiben ri rey y konojel israelita toq xkijech ri k'ak'a' rachoch ri Dios.

2 Crón 7:9

Y ri nimaq'ij richin ri taq jay banon rik'in ruq'a-che' xkiben toq q'axineq chik ri wuqu' q'ij richin ri nimaq'ij richin ri k'ak'a' rachoch ri Jehová. Y chirij ri ka'i' semana richin nimaq'ij, k'a xenimaq'ijun chik na jun q'ij.

Wuj Richin ri Nehemías 12:27

Y keri' xk'achoj-q'anej ri tz'aq richin ri tinamit. Y toq xapon ri q'ij richin ri matioxinik chire ri Dios, xebekanox k'a konojel ri levita ri kitalun-ki' pa taq tinamit, richin ye'apon pa nimaq'ij richin ri matioxinik. Y rije' xe'apon k'a richin xebixan rik'in kikoten y xkiq'ojomaj ri platillo, arpa, y ri lira.

Wuj Richin ri Nehemías 12:43

Chupan ri q'ij ri' janila kamelabel xqasuj, y qonojel xojkikot roma ri Dios xuya' jun nimalej uxlanibel-k'u'x chiqe. Chuqa' ri ixoqi' y ri ak'uala' kan janila xekikot. Ri kikoten ri xbanatej pa Jerusalem k'a nej xapon-wi ri rutzijol.

Wuj Richin Bix Chire ri Dios 30:1

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.

Wuj Richin ri Q'axanri'il 7:1

Toq ri Moisés xtane' chubanik ri rachoch ri Dios ri xban rik'in tzieq, xuchikaj juba' aceite chirij richin xujech pa ruq'a' ri Dios. Keri' chuqa' xuya' aceite pa ruwi' ri porobel y chuqa' pa ruwi' ronojel ri samajibel richin ri jay ri'.

Wuj Richin ri Q'axanri'il 7:11

Y ri Jehová xubij chire ri Moisés chi chupan jujun q'ij nikik'en-pe jun sipanik y jujun chike ri aj-raqen pa jujun tzobaj xtikisuj ri sipanik.

Wuj Richin ri Q'axanri'il 7:84

Ja sipanik re' ri xkiya' ri e aj-raqen richin ri tinamit Israel, sipanik ri xkiya-apo ri q'ij toq xya'ox aceite pa ruwi' ri porobel richin xjach chire ri Dios: Kablajuj leq e banon rik'in saqipueq y kablajuj k'ojelibel richin kik' ri e banon rik'in saqipueq. Y yepajon oxk'al libra; y kablajuj k'ojelibel richin pom ri e banon rik'in q'anapueq ri yepajon oxi' libra. Y re' xe'etex rik'in ri etabel ri k'o chupan ri rachoch ri Dios.

Wuj Richin ri Q'axanri'il 7:88

Ri kajlabal ri chikopi' richin ri sipanik richin nuq'alajirisaj chi junan kiwech rik'in ri Dios, e juwineq kaji' bóyix, e oxk'al achija' taq karne'l, e oxk'al achija' taq tzuntzun y e oxk'al nima-alaj achija' taq karne'l ri k'o jujun kijuna'. Jare' ri kisipanik ri xkisuj pa ruwi' ri porobel. Ronojel re' xbanatej toq xya'ox yan aceite pa ruwi' re porobel re' richin xjach pa ruq'a' ri Dios.

Deut 20:5

Y xeri' xkech'on ri samajela' richin ri tinamit y xtikibij: ¿K'o kami jun chiwe rix ri k'a juba' tupaba-q'anej jun rachoch y man jani tok-apo chupan? Wi k'o jun, titzolej kan y tibe pa rachoch, roma rik'in juba' xa xtiken kan pan oyowal y xa jun chik ri xtok kan chupan ri rachoch.