Wuj Richin ri Q'axanri'il 7:1 - Kaqchiquel Bible

¹ Toq ri Moisés xtane' chubanik ri rachoch ri Dios ri xban rik'in tzieq, xuchikaj juba' aceite chirij richin xujech pa ruq'a' ri Dios. Keri' chuqa' xuya' aceite pa ruwi' ri porobel y chuqa' pa ruwi' ronojel ri samajibel richin ri jay ri'.

Wuj Richin ri Q'axanri'il 7:1 Iomraidhean Croise

Wuj Richin ri Rutikeribel 2:3

Ri Dios kan xrurtisaj k'a ri ruwuq q'ij y xuben chi re q'ij re' man junan ta k'a rik'in ri ch'aqa' chik q'ij; y kan xuch'er k'a richin uxlanenri'il, roma chupan ri q'ij ri' xtane' chire ri samaj ri xuben.

1 Rey 8:64

Y chupan chuqa' ri q'ij ri' ri rey xuch'er richin rusamaj ri Jehová ri ruwa-jay ri k'o-apo chuwech ri rachoch ri Jehová, richin chiri' xerusuj ri chikopi' ri yeporox chijun, ri sipanik richin jalajoj ruwech ixin y ri kiq'anal chikopi' ri xesuj richin nuq'alajirisaj chi junan kiwech rik'in ri Jehová. Y ri' k'o chi xban chuwa-jay roma ri porobel ri banon rik'in q'enq'oj-pueq ko'ol ok y man nuben ta ronojel ri kamelabel ri'.

Ex 13:2

Kan ke'ich'ara' k'a chuwe yin konojel ri e nabey taq al alaboni' ri ye'alex chikikojol ri awinaq y kan keri' chuqa' ri nabey taq achija' ri ye'alex chikikojol ri awej, roma re' kan e wichin yin, xcha' ri Jehová.

Ex 29:36

Y ronojel k'a q'ij chire ri wuqu' q'ij ri' xtasuj jun alaj achij wákix richin kuyubel-mak pa ruwi' ri porobel. Ronojel mul toq xtasuj ri kamelabel, k'o chi nach'ajch'ojirisaj na ri porobel. Y k'ari' xtaya' aceite pa ruwi' y keri' ri porobel kan xtajech k'a pa nusamaj.

Ex 40:11

Keri' chuqa' xtaya' aceite pa ruwi' ri yakbel-ya' y ri ruch'okolibal y xke'ajech chuwe yin.

Wuj Richin ri Q'axanri'il 17:2

Kach'on kik'in ri awinaq y tabij chike chi ri e kablajuj aj-raqen pa kiwi' ri kablajuj tzobaj winaqi' nikik'en-pe jujun kich'ame'y. K'ari' tatz'ibaj kan ri kibi' ri aj-raqen ri' chirij ri kich'ame'y.

Wuj Richin ri Q'axanri'il 7:10

Toq xya'ox aceite chirij ri porobel richin xjach pa rusamaj ri Dios, jari' toq ri aj-raqen pa kiwi' ri kablajuj tzobaj xkik'amala-pe ch'aqa' chik sipanik y xkiya' k'a apo chuwech ri porobel ri'.

Wuj Richin ri Q'axanri'il 7:84

Ja sipanik re' ri xkiya' ri e aj-raqen richin ri tinamit Israel, sipanik ri xkiya-apo ri q'ij toq xya'ox aceite pa ruwi' ri porobel richin xjach chire ri Dios: Kablajuj leq e banon rik'in saqipueq y kablajuj k'ojelibel richin kik' ri e banon rik'in saqipueq. Y yepajon oxk'al libra; y kablajuj k'ojelibel richin pom ri e banon rik'in q'anapueq ri yepajon oxi' libra. Y re' xe'etex rik'in ri etabel ri k'o chupan ri rachoch ri Dios.

Wuj Richin ri Q'axanri'il 7:88

Ri kajlabal ri chikopi' richin ri sipanik richin nuq'alajirisaj chi junan kiwech rik'in ri Dios, e juwineq kaji' bóyix, e oxk'al achija' taq karne'l, e oxk'al achija' taq tzuntzun y e oxk'al nima-alaj achija' taq karne'l ri k'o jujun kijuna'. Jare' ri kisipanik ri xkisuj pa ruwi' ri porobel. Ronojel re' xbanatej toq xya'ox yan aceite pa ruwi' re porobel re' richin xjach pa ruq'a' ri Dios.

San Mateo 23:19

Kan ix nakaneq y ix moyi', roma ¿achike k'a ri k'o más ruq'ij; ri sipanik ri nisuj pa ruwi' ri porobel o xa ja ri porobel, ri niya'on rejqalen ri sipanik?