Wuj Richin ri Q'axanri'il 6:5 - Kaqchiquel Bible

⁵ Ronojel ri q'ij ri rujachon-ri' chuwe yin, man nusokaj ta ri rusumal-ruwi', jak'a nuya' q'ij richin nik'iy-qa, roma rija' kan rujachon-ri' chuwe yin. Kan k'o chi nibiyin pa ruchojmilal chinuwech k'a toq nik'is na ri q'ij ri rubin.

Wuj Richin ri Q'axanri'il 6:5 Iomraidhean Croise

Ez 44:20

Man tikijos-el ri rusumal-kiwi', chuqa' man tikiya' q'ij richin nik'iy-qa. Xa kan xaxe choj tikisokaj-el.

Wuj Richin ri Q'axanri'il 6:4

Rokik rujachon-ri' chuwe yin, man tuqum ni man tutej ronojel ri nel-pe chire ri juwi-uva, ni ri ija'tz, ni ri rij.

Hechos 18:18

Ri Pablo k'iy k'a q'ij ri xk'oje' na qa ri chiri' kik'in ri qach'alal pa Corinto. Y toq ch'owineq chik kan chike ri qach'alal, xbe richin niberuchapa-pe jun barco richin nibe k'a pa ruwach'ulew Siria. Y e rachibilan k'a el ri Priscila y ri Áquila. Ri Pablo k'o ri rusujun chire ri Dios. Roma ri' toq xe'apon pa Cencreas, ri tinamit ri k'o chi ye'ok-el pa barco, ri Pablo xujuk'-el ri rusumal taq ruwi', richin retal chi rija' xuk'is yan pa ruwi' ri rusujun chire ri Dios chi nuben.

Wuj Kichin ri To'onela' 13:5

Wakami k'a, xtipe alanik chawij y xtik'oje' jun ti awal. Ri ak'ual ri' man xtabesokaj ta rusumal-ruwi', roma kan pa rusanti'il ch'aron-pe chire ri Dios, richin kan ja rija' xtikolon kichin ri awinaq israelita, pa kiq'a' ri aj-Filistea, xcha'.

Wuj Kichin ri To'onela' 16:17

Y rija' kan xuq'alajirisaj k'a ronojel chuwech ri Dalila y xubij: Yin man jun bey sokan ta ri rusumal-nuwi'; roma yin kan in jachon chire ri Dios toq k'a man jani kinalex. Wi ta nisokex ri rusumal-nuwi', ri uchuq'a' xa xtel-el wik'in y xtik'is ri janila wuchuq'a' y xkinok achi'el xabachike achin, xcha'.

Wuj Kichin ri To'onela' 16:19

Y ri Dalila xuben chire ri Sansón richin xwer-qa chuwa ruch'ek, y xuteq royoxik jun achin richin xusokaj ri wuqu' pach' ri rubanon chire ri rusumal-ruwi'; y ri uchuq'a' kan xel-el rik'in. Chirij ri' ri Dalila kan xuchop k'a nuyoq'oya' ri Sansón.

1 Sam 1:11

Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.