Wuj Richin ri Q'axanri'il 6:12 - Kaqchiquel Bible

¹² Y k'o chi nuchop chik jun bey ri janipe' q'ij ri rusujun chi nujech-ri' chuwe yin y chuqa' k'o chi nuk'en-pe jun alaj karne'l richin chi nok kamelabel richin nikuyutej rumak. Ri q'ij ri rubanon chik pe richin rujachon-ri' chuwe yin man jun xuq'ajuj roma xa xok man ch'ajch'oj ta.

Wuj Richin ri Q'axanri'il 6:12 Iomraidhean Croise

Ex 12:5

Ri ti chikop ri' k'o chi jun rujuna', achij y kan tz'aqet ri rubanik; xabachike k'a ri utz nikusaj, wi jun ti karne'l o jun ti tzuntzun.

Ez 18:24

Jak'a wi ri choj ruk'aslen nuya' kan ri ruchojmilal y xa nuchop rubanik ri xa man niqa' ta chinuwech yin y xa nuben achi'el ri nikiben ri banoy taq etzelal, ¿nich'ob rix chi nik'ase' k'iy q'ij ri nibanon kere'? Yin kan xtinmestaj k'a ronojel ri utz rubanobal ri rubanon wik'in. Y roma xa man xuben ta chik pa ruchojmilal y xmakun, re wineq k'a re' kan xtiken.

Wuj Richin ri Chojmirisabelri'il 14:24

Jari' toq ri sacerdote niberuk'ama-pe ri karne'l richin kamelabel roma jun ch'a'oj, y junan rik'in ri aceite, xtuyakala-q'anej richin jun sipanik yakon chinuwech yin.

Wuj Richin ri Chojmirisabelri'il 5:6

Y richin chi nikuyutej ri rumak roma jun ch'a'oj ri xuben, xtuk'en k'a pe jun ixoq karne'l o jun ixoq tzuntzun richin kamelabel richin nikuyutej rumak. Ri sacerdote xtusuj re kamelabel re' chinuwech, y k'ari' nink'en chik ruwech ri wineq ri'.

Wuj Richin ri Chojmirisabelri'il 5:7

Wi man nitikir ta nuk'en-pe jun karne'l o jun tzuntzun roma maneq rik'in richin nuloq'bej, utz nuk'en-pe chinuwech ka'i' paloma e nima'q o e ka'i' taq kokoj, ri jun richin nikuyutej ri rumak, y ri jun chik richin niporox chijun.

Wuj Richin ri Q'axanri'il 6:11

Ri sacerdote nusuj jun chike ri ka'i' aj-xik' taq chikopi' richin nikuyutej rumak y ri jun chik niporox chijun richin nijunamatej ruwech wik'in, roma ri kamineq. Ja q'ij ri' toq rija' xtujech chik pe ri rusumal-ruwi' richin retal chi rija' rujachon-ri' chuwe yin.

Wuj Richin ri Q'axanri'il 6:13

Toq jun wineq rutz'aqatisan chik ronojel ri q'ij richin rujachon-ri' chuwe yin, ri sacerdote xtuk'en k'a pe ri wineq ri' k'a chuchi' ri wachoch richin molojri'il.

San Mateo 24:13

Jak'a ri man xtutzolij ta ri' chirij y xtukoch' k'a ri pa ruk'isibel chire ronojel, kan xtikolotej-wi k'a ri'.

San Mateo 3:15

Jak'a ri Jesús xubij chire: Rat kan tabana' ri k'atzinel richin naben roma kan k'o k'a chi niqaben ronojel ri nubij ri Dios chiqe, xcha'. Keri' ri Juan xuqasaj ya' pa ruwi' ri Jesús.

Santiago 2:10

Roma wi kan nibij chi niben ronojel ri nubij ri pixa', jak'a xa k'o jun chire ri man niben ta, niq'alajin chi man jun ninimaj chire ri pixa'.

2 Juan 1:8

Jak'a rix ri jebel isamajin-pe ri Dios, tichajij k'a ri ik'aslen, richin keri' man ta xtisach kan juba' chire ri ich'akon k'a re wakami. Y wi keri' xtiben, kan tz'aqet k'a ri xtik'ul.