Wuj Richin ri Q'axanri'il 5:21 - Kaqchiquel Bible

^21-22 re ya' re xtaqum-qa xtuben k'a chawe chi xtiqaqa ri etzelanik pan awi'. Kan man chik xkatikir ta xkatalan, xtisipoj y xtiq'ey ri apan. Ronojel re' xtuben ri Jehová chawe richin nok jun k'ambel-na'oj chike ri ch'aqa' chik winaqi', xticha' ri sacerdote. Y ri sacerdote xtubij re ch'abel re' richin chi ri ixoq xtuq'alajirisaj ri rumak, wi qitzij o man qitzij ta. Jari' toq ri ixoq xtubij chi kan keri' xtibanatej.

Wuj Richin ri Q'axanri'il 5:21 Iomraidhean Croise

2 Crón 21:15

Y pan awi' rat xtinya' k'iy ruwech yabil, y jun nimalej rukiy apan ri kan q'ij-q'ij más xtinimer, y kan xtibe'el ri awixkolob roma ri yabil ri', nicha' ri Jehová, xcha' ri Elías chupan ri wuj.

Wuj Richin ri Nehemías 10:29

Konojel rije' xkimol-ki' kik'in ri kach'alal ri k'o más kiq'ij ri kan xkiya' kitzij chi rije' kan xtikiben na wi ri nubij ri rupixa' ri Dios ri xuya' chire ri Moisés ri rusamajel. Y wi man xtikiben ta, kan tiqaqa k'a ri ruk'ayewal pa kiwi'.

Wuj Richin Etamabel-Tzij 10:7

Ri natabel kichin ri winaqi' choj kik'aslen, kan rik'in kikoten yenatex; jak'a ri winaqi' ri xa itzel kik'aslen, xa man yenatex ta chik.

Wuj Richin ri Isaías 65:15

Yin xtinben chiwe chi rix xkixken, y ri nusamajela' kan xtikikusaj ri ibi' rix richin nikoyoj itzel. Jak'a rije' xtinya' jun k'ak'a' kibi'.

Wuj Richin ri Jeremías 29:22

Roma ri xtibanatej kik'in rije' xtel jun k'ambel-tzij chike konojel ri xe'elesex-el pa Judá ri ek'o pa Babilonia y xtikibij: Ri Jehová kan xtuben chiwe achi'el xuben chike ri Sedequías y ri Acab, toq ri Nabucodonosor kan xeruporoj.

Wuj Richin ri Q'axanri'il 5:27

Wi re ixoq re' man ch'ajch'oj ta ruk'aslen roma ruk'amon ruwech jun chik achin y xa xuq'ol ri rachijil, re k'ayilej-ya' nuben chire chi nuk'en-pe ri q'axo'n chire; xtisipoj y kan xtiq'ey ri rupan. Keri' xtiq'alajin chikiwech ri winaqi' chi rija' xqaqa etzelanik pa ruwi'.

San Mateo 26:74

Kan jari' k'a ri Pedro xuchop nroyoj itzel pa ruwi-qa rija', y nuya' rutzij chuwech ri Dios chi rija' man nretaman ta ruwech ri Jesús. Y jari' k'a toq xbesik'in-pe jun mama'.

Wuj Richin ri Josúe 6:26

Chupan k'a ri q'ij ri' ri Josué xuben k'a jun ya'on-tzij y xubij: Wi k'o ta jun achin ri xtuyek chik q'anej re tinamit Jericó, kan itzel k'a ruwa-ruq'ij, roma toq xtuya-qa ri ruxe' ri tz'aq, jari' toq xtiken ri nabey ruk'ajol; y toq xtuya' ri ruchi' ri tz'aq, jari' toq xtiken ri ruk'isibel ruk'ajol, xcha' ri Josué.

1 Sam 14:24

Ri Saúl ruya'on rutzij chike, y xubij: K'o chi yeqak'is ri e etzelanel qichin chupan re q'ij re', y kan itzel k'a ruwa-ruq'ij xabachike ri xtitijo ruway, xcha'. Y roma ri' konojel ri aj-labal kan man jun kitijon, y roma ri' maneq chik kuchuq'a'.