Wuj Richin ri Q'axanri'il 4:5 - Kaqchiquel Bible

⁵ Jak'a toq nuchop chik el bey ri tinamit Israel xa ja ri Aarón y ri e ruk'ajol ri yeqasan-el ri tzieq ri achoq ik'in ch'aron-wi rupan ri wachoch y jari' ri nikiya-el chirij ri káxa ri richin ri nujikibel-tzij.

Wuj Richin ri Q'axanri'il 4:5 Iomraidhean Croise

1 Crón 15:15

Ri e levita xbekelesaj-pe ri káxa ri', y xkiju-pe ka'i' che' pa taq ruxikin richin xkiya-pe chuwi-kitele'n, achi'el rubin kan ri Jehová chire ri Moisés.

1 Crón 23:26

Y xa roma ri' ri e levita man chaq xtikik'uaj ta kela' ri rachoch ri Dios ri banon rik'in tzieq, y ni ta ri samajibel ri yekusex toq niya'ox ruq'ij Rija'.

2 Crón 3:14

Chuqa' xuben ri tasbel rupan ri jay rik'in tzieq lino, y xukusaj ri betz' raxroj, q'eqq'oj-keq y keq yetzu'un, y xerutz'is k'a kiwachibel querubín chuwech.

Ex 36:35

Chuqa' xkiben ri tzieq tasbel rupan ri jay ri' y xkiben rik'in betz' lino ri jebel batz'in, raxroj, q'eqq'oj-keq y keq xkiben chire. Y chuwech k'ari' xkitz'is kiwachibel querubín y kan jebejoj ok rutz'isik xkiben chike.

Ex 40:3

Xtaya-apo ronojel re' chupan: Ri káxa richin ri nujikibel-tzij, ri peraj tzieq ri nich'aron rupan ri jay.

Ex 40:5

Xtaya-apo ri porobel-pom banon rik'in q'anapueq, chuwech-pe ri tzieq tasbel rupan ri wachoch akuchi k'o-wi ri káxa. K'ari' xtatzeqeba' ri peraj tzieq chuwech ri akuchi niban-wi oken chupan ri wachoch.

Wuj Richin ri Isaías 25:7

Pa ruwi' ri juyu' ri' ri Jehová xtrelesaj-el ri tzieq achoq ik'in yepis-wi ri kaminaqi'. Xtrelesaj k'a ri tzieq ri achoq chupan e pisil-wi konojel winaqi'.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Wuj Richin ri Q'axanri'il 10:14

Konojel k'a ri xebe nabey, ja ri winaqi' ri yetzeqeliben ri tzieq ri ruk'exewach ri tzobaj richin ri Judá y ri aj-raqen pa kiwi' rije', ja ri Nahasón, ri ruk'ajol ri Aminadab.

Wuj Richin ri Q'axanri'il 4:15

Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Wuj Richin ri Q'axanri'il 4:4

Ri kisamaj rije' chupan ri wachoch ri richin molojri'il, ja ri nikitz'et ri samajibel ri ek'o chupan.

Wuj Richin ri Q'axanri'il 7:9

Jak'a ri rijatzul kan ri Quehat man xuya' ta ki-carreta ni kibóyix, roma rije' toq nikik'uaj ri samajibel richin ri rachoch ri Dios, chuwi-kitele'n nikik'uaj-wi.

San Mateo 27:51

Jari' k'a toq ri tzieq ri achoq ik'in ch'aron-wi ri rupan ri rachoch ri Dios xel pa ka'i'. Xuchop-pe pa jotol k'a pa xulan-qa. Chuqa' ri ruwach'ulew kan xsilon-wi y ri abej xerajro'.

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

Hebreos 10:20

Kan xujeq-wi k'a jun k'ak'a' bey chiqawech ri richin k'aslen, chirij apo ri tasbel rupan ri rachoch ri Dios, ri oj ruch'aron rik'in rija' ri ojer kan. Re' xuben rik'in ri ruch'akul ri xutej poqon chuwech ri cruz.

Hebreos 9:3

Chirij ri tasbel rupan ri jay k'o ri akuchi kan janila loq'olej y man jun wineq nitikir nok-apo.

1 Sam 6:19

Jak'a ri Dios xuben chike richin xeken e oxk'al lajuj achi'a' ri ek'o chiri' roma xkinik'oj-qa rupan ri káxa richin ri rujikibel-tzij ri Jehová. Y ri winaqi' richin ri tinamit janila xe'oq' roma ri Jehová kan xuya' ruk'ayewal pa kiwi'.