Wuj Richin ri Q'axanri'il 4:32 - Kaqchiquel Bible

³² Y chuqa' rije' nikik'uaj ri xata't ri ye'ukusex richin nusutij-rij ri wachoch, ri kitz'uyubal ri xata't, ri che' simej kitza'n, ri kolo' y ronojel ri samajibel ri e k'atzinel. Kan k'o chi xtibij chike chikijujunal ri achike chi ejqa'n nikik'uaj toq k'o chi yixbe juk'an chik.

Wuj Richin ri Q'axanri'il 4:32 Iomraidhean Croise

1 Crón 9:29

Y ri ch'aqa' chik, yekichajij ch'aqa' chik samajibel ri e jachon chire ri Dios, y man xaxe ta ri'; chuqa' nikiyek ri k'ej, ri vino, ri aceite, ri pom y ri jalajoj ruwech jubulej taq aq'om.

Ex 25:9

Y ri rubanik ri xtikiben chire, kan achi'el ri rubanik ri xtink'ut yin chawech. Keri' chuqa' rubanik xtikiben chire ronojel ri xkebek'atzin chupan ri wachoch, richin niya' nuq'ij.

Ex 27:9

Chuqa' xtikiya' kan jun ruwa-jay ri nusutij-rij ri wachoch. Roma ri' ri pa xokon chire ri ruwa-jay ri' xkekitzeqeba' peraj tzieq richin nikitz'apej rij ri ruwa-jay. Ri peraj tzieq ri' k'o chi banon rik'in betz' lino ri jebel batz'in y ri raqen juwineq wuqu' jaj.

Ex 38:17

Ronojel ri ruch'okolibal ri xata't ruyon rik'in q'enq'oj-pueq xeruben-wi. Ri tzeqebel-tzieq y ri taq k'an ri yebe chikikojol ri xata't xeruben rik'in saqipueq, ri ketz'aba'l ri kiwi' ri xata't xuq'olij-kij chi saqipueq. Y keri' ronojel ri taq k'an ri xebe chikikojol ri xata't, xeruben rik'in saqipueq.

Ex 38:21

Ri Moisés xubij k'a chi titz'ibex ri janipe' xuk'is ri samaj richin xban ri jay ri akuchi k'o-wi ri káxa richin ri rujikibel-tzij ri Dios. Ri levita kan keri' xkiben y jak'a ri Itamar ri ruk'ajol ri sacerdote Aarón ri xk'oje' pa kiwi'.

Wuj Richin ri Q'axanri'il 3:36

Pa kiq'a' k'a rije' xk'oje-wi ri tz'alem richin ri rachoch, ri baloj, ri xata't y ri kitz'uyubal ri xata't y ronojel ri ch'aqa' chik ri k'atzinel,

Wuj Richin ri Q'axanri'il 3:8

Keri' rije' xkekisamajij ri ch'aqa' chik y xkek'oje' pa kiwi' ri samajibel ri k'o pa wachoch richin molojri'il.

Wuj Richin ri Q'axanri'il 4:31

Jare' ri samaj ri k'o chi nikiben rije': Yekik'uaj ri marco banon rik'in tz'alem, ri baloj, ri xata't y ri kitz'uyubal ri xata't.

Wuj Richin ri Q'axanri'il 4:33

Jare' ri kisamaj ri e aj pa rachoch kan ri Merarí rik'in ri wachoch richin molojri'il. Rije' chuqa' xkek'oje' k'a chuxe' rutzij ri Itamar ri ruk'ajol ri nimalej sacerdote Aarón, xcha'.

Wuj Richin ri Q'axanri'il 4:49

Chikijujunal xya'ox kisamaj y ri ejqa'n ri nikik'uaj chikijujunal y keri' toq xe'ajlex achi'el xubij ri Jehová chire ri Moisés.

Wuj Richin ri Q'axanri'il 7:1

Toq ri Moisés xtane' chubanik ri rachoch ri Dios ri xban rik'in tzieq, xuchikaj juba' aceite chirij richin xujech pa ruq'a' ri Dios. Keri' chuqa' xuya' aceite pa ruwi' ri porobel y chuqa' pa ruwi' ronojel ri samajibel richin ri jay ri'.

Wuj Richin ri Q'axanri'il 7:8

Chike ri rijatzul kan ri Merarí xuya' kaji' carreta rachibilan waqxaqi' bóyix, roma jari' ri nik'atzin chike pa kisamaj richin nikik'uaj ri ch'aqa' chik ri nik'atzin richin ri jay ri'. Y ri k'o pa kiwi' rije' ja ri Itamar, ri ruk'ajol ri nimalej sacerdote Aarón.