Wuj Richin ri Q'axanri'il 4:15 - Kaqchiquel Bible

¹⁵ Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Wuj Richin ri Q'axanri'il 4:15 Iomraidhean Croise

2 Sam 15:24

Beneq k'a ri Sadoc ri nimalej sacerdote y ri Abiatar ri chuqa' sacerdote. Rije' e kachibilan-el ri e levita ri e uk'uayon ri káxa richin ri rujikibel-tzij ri Dios. Rije' xkiqasaj k'a qa ri káxa ri', y xk'oje' chiri' k'a toq xeq'ax na konojel ri winaqi' ri e eleneq-pe pa tinamit.

2 Sam 6:13

Ri e uk'uayon ri káxa xepa'e' k'a waqi' mul chupan chijun ri bey richin chi ri David xusuj kamelabel chuwech ri Jehová. Xerusuj k'a jujun bóyix y jujun karne'l ri jebel e ti'oj.

1 Rey 8:3

Y toq xe'apon ri achi'a' ri k'o kiq'ij, jari' toq ri e sacerdote xbekitzeqej-pe ri káxa

1 Crón 15:15

Ri e levita xbekelesaj-pe ri káxa ri', y xkiju-pe ka'i' che' pa taq ruxikin richin xkiya-pe chuwi-kitele'n, achi'el rubin kan ri Jehová chire ri Moisés.

1 Crón 15:2

K'ari' xubij: Wakami xa kan xaxe k'a ri e levita ri ye'uk'uan ri káxa richin ri rujikibel-tzij ri Dios, y man jun achike ta chik, roma ri Jehová kan e rucha'on rije' richin jantape' nikik'uaj ri káxa y nikisamajij, xcha'.

1 Crón 23:26

Y xa roma ri' ri e levita man chaq xtikik'uaj ta kela' ri rachoch ri Dios ri banon rik'in tzieq, y ni ta ri samajibel ri yekusex toq niya'ox ruq'ij Rija'.

Ex 19:12

Rat taya' k'a retal k'a akuchi utz chi yejel-apo ri winaqi' y man keq'ax-apo chire ri retal ri' y tabij chike: Tichajij-iwi' chi man yixjote-q'anej pa ruwi' ri juyu', ni man tineq chuqa'. Roma ri wineq ri xa man niniman ta tzij, xa xtiken y man jun ri xtitikir xtikolon richin.

Ex 19:21

Y xubij chire ri Moisés: Kaqaqa-el y tabebij chike ri winaqi' chi man keq'ax-pe ri akuchi k'o-wi ri retal ri ruchi' ri juyu', richin chi nikajo' yinkitz'et yin. Roma wi xa man xtikinimaj ta tzij, kan xkeken k'a janila chi winaqi'.

Ex 27:7

Re baloj re' xkekiju-el chupan ri argolla ri ek'o pa taq ruxikin ri porobel, toq k'o chi nitelex-el.

Wuj Richin ri Chojmirisabelri'il 16:13

Y xtuya' k'a ri pom pa ruwi' ri q'aq' toq k'o chik chinuwech yin, richin chi ri rusibil ri pom xtunojisaj ruwi' ri tz'apebel ruwi' ri káxa richin chi man nutz'et ta ri ruwi', y keri', man niken ta.

Wuj Richin ri Q'axanri'il 1:50

Roma ri levita jari' ri xkebesamej chupan ri wachoch richin ri nujikibel-tzij y xkek'oje' chuqa' pa ruwi' ri samajibel y ronojel ri ch'aqa' chik ri ek'o chiri'. Ja chuqa' rije' ri xke'uk'uan ri wachoch banon rik'in tzieq y ronojel ri k'o chupan, toq k'o chi nuk'uex-el juk'an chik. Kan ja wi k'a rije' ri e aj samaj ri pa wachoch y ri kachoch rije' kan chunaqaj ok ri wachoch yin xkekipabala-wi.

Wuj Richin ri Q'axanri'il 1:51

Roma ri', toq ri wachoch k'o chi nisilox-el richin chi niq'ax k'a juk'an chik, ja ri levita ri xkesolon-el. Y ri akuchi chik yebek'oje-wi, ja rije' ri yenuk'u-q'anej. Jak'a ri wineq ri xa man levita ta y nijel-apo chubanik ri samaj ri', kan xtikamisex k'a.

Wuj Richin ri Q'axanri'il 10:21

Y chikij rije' k'o chi yebe ri e rijatzul ri Quehat. Y ja rije' ye'uk'uan ronojel ri ye'ukusex chupan ri rachoch ri Dios. Y toq rije' ye'apon ri akuchi yek'oje-wi-qa, ri levita ri ye'uk'uan ri rachoch ri Dios k'o chi kipaban chik k'a q'anej ri jay ri'.

Wuj Richin ri Q'axanri'il 18:3

Roma ri' rije' kan k'o k'a chi nikiben ronojel ri nabij rat; kan tikibana' ri samaj chupan ri wachoch; jak'a man kejel-apo chupan ri jay akuchi man jun wineq nok-apo, roma kan ch'aron chuwe yin, y chuqa' man tikichop ri porobel-pom, richin chi man yeken ta rije' ni rix chuqa'.

Wuj Richin ri Q'axanri'il 3:38

Ri xebek'oje' chuwech-apo ri rachoch ri Dios ri chiri' pa relebel-q'ij, ja ri Moisés y ri Aarón, kachibilan ri e ruk'ajol ri Aarón. Ja rije' k'a xkek'oje' pa ruwi' ri samajibel richin ri rachoch ri Dios pa kibi' ri ch'aqa' chik israelita. Y wi ta k'o jun ri xa man sacerdote ta y nijel-apo chubanik ri kisamaj rije', kan xtikamisex.

Wuj Richin ri Q'axanri'il 4:14

Y pa ruwi' ri' yekiya-el ronojel ri samajibel richin ri porobel ri': Ri ruk'ojelibal ri racheq-q'aq', ri jik'bel-ti'ij, ri tenaza chojmirisabel q'aq' y ri nima'q taq leq. Ronojel re' nikitz'apej-el rij rik'in jun sale'y ri jebejoj rubanik. K'ari' nikiju-el ri che' pa taq ruxikin richin chi utz nuk'uex-el.

Wuj Richin ri Q'axanri'il 7:9

Jak'a ri rijatzul kan ri Quehat man xuya' ta ki-carreta ni kibóyix, roma rije' toq nikik'uaj ri samajibel richin ri rachoch ri Dios, chuwi-kitele'n nikik'uaj-wi.

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

Wuj Richin ri Josúe 4:10

Y ri e sacerdote ri e uk'uayon ri káxa xepa'e' chiri', rokik xbanatej ronojel ri rubin kan ri Jehová chire ri Josué chi tubij chike ri winaqi'. Keri' k'a xbanatej; k'ari' konojel ri winaqi' xeq'ax anineq chupan ri raqen-ya'. Y chuqa' xbanatej achi'el rubin kan ri Moisés chire ri Josué.

1 Sam 6:19

Jak'a ri Dios xuben chike richin xeken e oxk'al lajuj achi'a' ri ek'o chiri' roma xkinik'oj-qa rupan ri káxa richin ri rujikibel-tzij ri Jehová. Y ri winaqi' richin ri tinamit janila xe'oq' roma ri Jehová kan xuya' ruk'ayewal pa kiwi'.