Wuj Richin ri Q'axanri'il 32:7 - Kaqchiquel Bible

⁷ ¿Achike roma nimalij kik'u'x ri qawinaq richin man yeq'ax ta apo chupan ri ruwach'ulew ri xuya' yan chiwe ri Jehová?

Wuj Richin ri Q'axanri'il 32:7 Iomraidhean Croise

Wuj Richin ri Q'axanri'il 13:27

Y jari' toq xkichop rucholik chire ri Moisés: Roj xojapon pa ruwach'ulew ri akuchi xojateq-wi-el. Kan qitzij wi chi kan jebel ri ruwach'ulew y kan janila jebel niwachin ri tiko'n. Ja ruwech che' re' ri nuya' ri tiko'n chiri'.

Wuj Richin ri Q'axanri'il 13:31

Jak'a ri achi'a' ri xebe junan rik'in ri Caleb chunik'oxik ri Canaán, xa xkibij: ¡Ni, man yojtikir ta yojbe-el y nibeqabana' oyowal kik'in ri winaqi' ri', rije' más kuchuq'a' chiqawech roj!, xecha'.

Wuj Richin ri Q'axanri'il 13:4

Jare' ri kibi' ri achi'a' nachanela': ri Samúa, ri ruk'ajol ri Zacur, richin ri tzobaj richin ri Rubén;

Wuj Richin ri Q'axanri'il 21:4

Ri israelita xe'el k'a pe ri chiri' rik'in ri juyu' Hor, ri akuchi ek'o-wi-qa y xkik'uaj-el ri bey ri nibe-qa k'a rik'in ri Kaqa-Palou, richin chi nikisutij-rij ri ruwach'ulew Edom y man yeq'ax ta chiri'; jak'a ri israelita xa xkimalij kik'u'x roma janila k'ayew kina'on.

Wuj Richin ri Q'axanri'il 32:6

K'ari' ri Moisés xubij k'a chike: Rix niwajo' yixk'oje' kan re wawe', jak'a ri ch'aqa' chik winaqi' k'o chi yebe pa labal.

Wuj Richin ri Q'axanri'il 32:9

Rije' xe'apon k'a ri kojol taq juyu' Escol y k'ari' xbekitz'eta' ri ruwach'ulew. Jak'a toq xetzolej-pe, xa xkiben chike ri qawinaq richin xkimalij kik'u'x richin man xe'ok ta chupan ri ruwach'ulew ri'.

Hechos 21:13

Jak'a ri Pablo xubij chiqe: ¿Achike roma toq rix niya-pe bis pa wánima rik'in la yixoq'? Yin man k'a ninpoqonaj ta wi' wi yikamisex roma ri nintzijoj ri ruch'abel ri ajaw Jesús, k'a ta la' k'a chi xaxe yibexim ri chila' pa Jerusalem, xcha' ri Pablo.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.