Wuj Richin ri Q'axanri'il 32:16 - Kaqchiquel Bible

¹⁶ K'ari' rije' xebech'on chik jun bey rik'in ri Moisés y xkibij chire: Ri niqajo' roj, taya' q'ij chiqe richin niqaben-q'anej ki-coral ri taq qawej y niqachojmirisaj chik q'anej ri tinamit ri ek'o chik kan, richin yek'oje' kan ri qixjayilal y ri qalk'ual wawe'.

Wuj Richin ri Q'axanri'il 32:16 Iomraidhean Croise

Wuj Richin ri Rutikeribel 33:17

Jak'a ri Jacob xa pa Sucot*f29* xbe-wi y chiri' xupaba-q'anej jun rachoch y chuqa' xeruben-q'anej kachoch ri rawej rik'in ruq'a-che'; roma ri' xubij Sucot chire ri akuchi xk'oje-wi-qa.

Wuj Richin ri Rutikeribel 49:14

Ri Isacar achi'el tipe jun kowilej-kiej, ri man nibusbu' ta ri rubaqil, ri stape' chuxe' ri rejqa'n k'o-wi, kan man nuna' ta.

Wuj Richin ri Q'axanri'il 32:15

Y wi rix man niwajo' ta nitzeqelibej ri Jehová, rija' xtuben chiwe richin yixtzolej chik pa tz'iran ruwach'ulew iwoma k'a rix xkek'is ri qawinaq israelita, xcha'.

Wuj Richin ri Q'axanri'il 32:17

Jak'a roj kan rik'in mitijul xtiqachojmirisaj-qi' richin yojbe pan oyowal y xqojik'o-el chikiwech ri ch'aqa' chik aj-labal, keri' xtiqaben k'a toq xtiqach'ek ri ruwach'ulew ri xkek'oje-wi rije'. Rokik ri' ri aj pa qachoch xkek'oje' kan chupan re tinamit re ek'o wawe', ri ya'on tz'aq chirij richin nikito-ki' chikiwech ri winaqi' ri ek'o chiqanaqaj.

Deut 3:19

Xaxe k'a yek'oje' kan ri iwixjayilal, ri iwalk'ual y chuqa' ri iwawej, roma kan wetaman chi e k'iy awej ri ek'o iwik'in; kan xkek'oje' k'a kan ri chiri' pa taq tinamit ri xenya' yan chiwe.

Deut 33:21

Rix xixk'oje' kan rik'in ri jebelej ruwach'ulew, ruwach'ulew ri kan ruk'amon chi nok kichin ri e aj-raqen. Xixnabeyej k'a chikiwech ri ch'aqa' chik iwinaq, toq ri aj-raqen xekimol konojel ri tinamit. Kan xiben pa ruchojmilal achi'el xubij ri Jehová chiwe, kan xitaqej ri pixa' ri ya'on chike konojel ri tinamit.