Wuj Richin ri Q'axanri'il 3:9 - Kaqchiquel Bible

⁹ Xke'ach'er k'a ri levita richin yekito' ri Aarón y ri e ruk'ajol, roma rije' e achi'el jun sipanik ri elesan-pe chi'ikojol rix.

Wuj Richin ri Q'axanri'il 3:9 Iomraidhean Croise

1 Crón 15:2

K'ari' xubij: Wakami xa kan xaxe k'a ri e levita ri ye'uk'uan ri káxa richin ri rujikibel-tzij ri Dios, y man jun achike ta chik, roma ri Jehová kan e rucha'on rije' richin jantape' nikik'uaj ri káxa y nikisamajij, xcha'.

1 Crón 6:33

Jare' k'a ri kibi' ri achi'a' ri xek'oje' chiri' pa rachoch ri Dios kachibilan ri kalk'ual alaboni': Ri e rijatzul kan ri Quehat: Ri Hemán ri bixanel, re' ruk'ajol kan ri Joel, y ri Joel ruk'ajol ri Samuel,

Wuj Richin ri Esdras 2:43

Ri e samajela' chupan ri rachoch ri Dios jare': Ri e rijatzul kan ri Sihá, ri Hasufá, ri Tabaot,

Wuj Richin ri Esdras 6:18

Y ri e sacerdote kan xjach k'a ri samaj pa kiq'a', y kan xkijalala-ki'. Y chuqa' keri' xban kik'in ri e levita richin ri jalajoj ruwech kisamaj ri chiri' pa rachoch ri Dios, achi'el ri tz'ibatel kan chupan ri wuj ri rutz'iban kan ri Moisés.

Wuj Richin ri Esdras 8:20

Y chuqa' xekik'en-pe e 220 kijatzul ri samajela' ri xesamej pa rachoch ri Dios, ri xeya'ox ojer kan koma ri David y ri tata'al, richin xe'ok samajela' kichin ri levita. Y k'ari' xtz'ibex kan ri kibi' ri e 220.

Wuj Richin ri Q'axanri'il 16:9

Ri Jehová kan ix rucha'on k'a pe rix chikikojol ri qawinaq, y kan chunaqaj rija' ix ruya'on-wi richin yixsamej chupan ri rachoch, y kan ix rucha'on richin nisamajij ri tinamit. ¿Kan man jun k'a rejqalen chiwech rix re samaj re ruya'on ri Jehová chiwe?

Wuj Richin ri Q'axanri'il 3:8

Keri' rije' xkekisamajij ri ch'aqa' chik y xkek'oje' pa kiwi' ri samajibel ri k'o pa wachoch richin molojri'il.

Wuj Richin ri Q'axanri'il 8:14

Y keri' xke'ach'er-pe ri levita chikikojol ri awinaq richin chi ye'ok wichin yin.

Wuj Richin ri Q'axanri'il 8:16

Roma ri levita kan chijun ri kik'aslen e wichin yin, roma ja rije' ye'ok pa kik'exel ri nabey taq al alaboni' ri ye'alex chi'ikojol.

Wuj Richin ri Q'axanri'il 8:18

Yin xencha' ri levita pa kik'exel konojel ri nabey taq alaboni' richin ri tinamit Israel.

Wuj Richin ri Q'axanri'il 8:19

Yin xencha-pe ri levita chi'ikojol. K'ari' xinjech pa kiq'a' ri Aarón y ri e ruk'ajol. Ri levita ja rije' ri yesamej chiri' pa kik'exel ri ch'aqa' chik awinaq, richin rije' yesuju ri kamelabel richin chi yin nink'en chik kiwech ri awinaq. Richin keri' man jun xtik'uluwachij toq yixjel-apo rik'in ri wachoch, xcha' ri Dios.

Efesios 4:11

Rija' xuya' k'a sipanik chiqe; chike ch'aqa' xuben chi xe'ok e taqon roma rija'; ek'o ri e q'alajirisey ruch'abel; ek'o ri yetzijon ri utzilej ch'abel richin kolotajik; y ek'o ri e tijonela' kichin ri qach'alal y yekichajij.

Efesios 4:8

Roma ri', chupan ri ruch'abel ri Dios nubij chirij ri Cristo: Toq xjote-q'anej chila' chikaj, xeruk'uaj-el ri ek'o pa ximonri'il. Y xuya' k'a pe jalajoj sipanik chiqe roj ri winaqi'.*f3*