Wuj Richin ri Q'axanri'il 3:10 - Kaqchiquel Bible

¹⁰ Kan tabana' k'a chi ja ri Aarón y ri e ruk'ajol ri xke'ok sacerdote richin chi ja rije' ri xkepa'e' chuwech ri samaj. Jak'a xabachike wineq ri man levita ta y nijel-apo chubanik ri samaj ri', xtikamisex.

Wuj Richin ri Q'axanri'il 3:10 Iomraidhean Croise

2 Sam 6:7

Y ri Jehová xyakatej janila royowal chirij ri Uzá roma xuben chire ri káxa chi xa maneq rejqalen. Y roma ri' ri Dios xuben chi xken kan chiri', y xtzaq-qa pan ulew chuxikin ri káxa.

1 Rey 12:31

Xeruben k'a q'anej rachoch akuchi yekiya-wi kiq'ij ri ki-dios pa ruwi' taq juyu', y man jun bey xe'ukusex ri e rijatzul kan ri Leví richin sacerdote.

1 Crón 6:32

kan xebixan k'a chiri' y keri' xkiben k'a toq ri Salomón xupaba-q'anej ri rachoch ri Jehová ri chiri' pa Jerusalem, chirij ri' rije' kan k'a xebixan na achi'el ri kibanon-pe.

Wuj Richin ri Nehemías 6:11

Y yin kere' xinbij: Jun achin achi'el yin ¿ruk'amon kami chi nanimej? ¿Utz kami chi yin ninkol-el-wi' pa rachoch ri Dios richin ninkol ri nuk'aslen? ¡Ni! Yin man xkinok ta pa rachoch ri Dios, xicha'.

Ex 29:9

Xtaya' chuqa' ri ximibel-kipan ri e ruk'ajol y ri kuchubel-kijolon. Y kan jak'a ri Aarón y ri e ruk'ajol ri xke'ich'er richin xke'ok nu-sacerdote y re' jun ruchojmilal richin jantape'. Kere' k'a ri rubanik xtaben toq ri Aarón y ri e ruk'ajol xke'ok sacerdote.

Ez 44:8

Y xa man itaqen ta ronojel ri k'o chi niban pa wachoch, roma xa pa kiq'a' winaqi' ri man e iwinaq ta iya'on-wi kan ri kisamaj ri sacerdote.

Wuj Richin ri Chojmirisabelri'il 22:10

Xaxe ri aj pan iwachoch xketijo ri sipanik ri e jachon chuwe yin, y man tikitej ri man aj pan iwachoch ta, achi'el ri jun ta q'ejelonel richin ri sacerdote, o jun aj-ik'.

Wuj Richin ri Q'axanri'il 1:51

Roma ri', toq ri wachoch k'o chi nisilox-el richin chi niq'ax k'a juk'an chik, ja ri levita ri xkesolon-el. Y ri akuchi chik yebek'oje-wi, ja rije' ri yenuk'u-q'anej. Jak'a ri wineq ri xa man levita ta y nijel-apo chubanik ri samaj ri', kan xtikamisex k'a.

Wuj Richin ri Q'axanri'il 16:10

Ri Jehová kan at ruya'on k'a rat Coré y konojel ri winaqi' levita ri e tzeqelibeyon awichin, richin ix ruya'on-apo chunaqaj rija'. ¿Y wakami rix kan nich'ojij chik richin chi yixok nimalej sacerdote?

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Q'axanri'il 16:40

Richin keri' xok kan jun natabel chikiwech ri winaqi' israelita, chi xaxe ri e rijatzul ri Aarón ri utz nikisuj pom chuwech ri Jehová. Y wi k'o jun xabachike wineq ri nibanon keri', kan xtuk'uluwachij k'a achi'el ri xuk'uluwachij ri Coré y ri e tzeqelibey richin. Kan kere' k'a ri xubij ri Jehová chire re tinamit roma ri Moisés.

Wuj Richin ri Q'axanri'il 18:3

Roma ri' rije' kan k'o k'a chi nikiben ronojel ri nabij rat; kan tikibana' ri samaj chupan ri wachoch; jak'a man kejel-apo chupan ri jay akuchi man jun wineq nok-apo, roma kan ch'aron chuwe yin, y chuqa' man tikichop ri porobel-pom, richin chi man yeken ta rije' ni rix chuqa'.

Wuj Richin ri Q'axanri'il 18:7

Rat y ri e ak'ajol ri xkixbanon ri samaj richin sacerdote; kan xtiben k'a ri samaj rik'in ri porobel y ri samaj ri k'o chi niban chirij-apo ri tasbel rupan ri wachoch. Jare' k'a ri isamaj rix y ja yin ri xisipan chiwe richin niben. Jak'a xabachike ta jun chik wineq ri xtijel-apo iwik'in chubanik ri samaj, kan xtiken, xcha' ri Dios.

Wuj Richin ri Q'axanri'il 3:11

Wakami k'a xencha-pe ri levita chikikojol ri awinaq richin ja rije' ye'ok wichin yin. Toq rix k'a ixk'o na k'a pan Egipto, xinben chi xeken konojel ri nabey taq al alaboni' chikikojol ri winaqi' aj chiri'. Jak'a ri nabey taq al alaboni' iwichin rix y ri nabey taq kal ri iwawej xe'ok wichin yin. Wakami k'a ja ri kitzobaj ri Leví ri xok wichin yin pa kik'exel ri alaboni' ri', xcha'.

Wuj Richin ri Q'axanri'il 3:38

Ri xebek'oje' chuwech-apo ri rachoch ri Dios ri chiri' pa relebel-q'ij, ja ri Moisés y ri Aarón, kachibilan ri e ruk'ajol ri Aarón. Ja rije' k'a xkek'oje' pa ruwi' ri samajibel richin ri rachoch ri Dios pa kibi' ri ch'aqa' chik israelita. Y wi ta k'o jun ri xa man sacerdote ta y nijel-apo chubanik ri kisamaj rije', kan xtikamisex.

Romanos 12:7

Wi yojtikir yeqasamajij ri ch'aqa' chik, kan keqasamajij k'a. Wi yojtikir yojtijon, qojtijon k'a.

Efesios 2:19

Roma ri' rix man ix achi'el ta ri ch'aqa' chik winaqi'. Xa kan ix junan chik qik'in roj ri oj rutinamit ri Dios y chuqa' oj ralk'ual chik.

Deut 18:5

Roma ja ri Jehová ri qa-Dios ri xcha'on kichin rije' y ri kijatzul chikikojol ri ch'aqa' chik tzobaj richin Israel, richin nikisamajij rija' jantape'.

Hebreos 8:4

Jak'a wi rija' k'o ta chuwech re ruwach'ulew, ni ta xa samaj richin jun choj sacerdote ri nitikir ta nuben, roma ri pixa' nubij chi yeruya' kan pa samaj ri sacerdote richin yekisuj sipanik y kamelabel chuwech ri Dios.

Wuj Kichin ri To'onela' 17:5

Y re achin re' xk'oje' kachoch ri dios ri' rik'in, y xuben jun tzieq ri nibix efod chire, y chuqa' xeruben ch'aqa' chik taq wachibel. Chuqa' xuben chire jun chike ri ruk'ajol chi xok sacerdote kichin re wachibel re'.

1 Sam 6:19

Jak'a ri Dios xuben chike richin xeken e oxk'al lajuj achi'a' ri ek'o chiri' roma xkinik'oj-qa rupan ri káxa richin ri rujikibel-tzij ri Jehová. Y ri winaqi' richin ri tinamit janila xe'oq' roma ri Jehová kan xuya' ruk'ayewal pa kiwi'.