Wuj Richin ri Q'axanri'il 28:7 - Kaqchiquel Bible

⁷ Y chuqa' k'o chi nisuj ri sipanik ri richin vino. Kan niq'ej k'a chirij ri kamelabel y jun litro k'a ri niq'ej pa ruwi' jujun nima-alaj achij karne'l. Ronojel re' kan ja ri pa wachoch yin niban-wi; re' kan richin k'a chi niya'ox nuq'ij yin Jehová.

Wuj Richin ri Q'axanri'il 28:7 Iomraidhean Croise

Ex 29:40

Ri chikop ri' toq nisuj, rachibilan ka'i' libra k'ej chayun, xolon rik'in jun litro aceite richin olivo. Y chuqa' xtiq'ej pa ruwi' ri' jun litro vino richin jun sipanik.

Ex 29:42

Kan kere' k'a xtikiben ri iwijatzul chi wiq chi tanaj, rije' xtikisuj k'a chuwe yin re kamelabel re', ri akuchi niban-wi oken chupan re wachoch. Y chiri' xtiqak'ul-wi-qi', rat Moisés y yin, richin chi yich'on awik'in.

Ex 30:9

Kan man jun k'a pom ri jun wi chik xtiya' pa ruwi' re porobel re', ni man nisuj ta chikop pa ruwi', ni jun chik sipanik, ni ri vino man niq'ej ta pa ruwi'.

Wuj Richin ri Isaías 57:6

Rix xa ja ri taq abej e liq', e liq' ri ek'o chiri', ri niya' kiq'ij. Roma ri' chiri' niben-wi ri kamelabel, xa chikij rije' niq'ej-wi ri vino richin nisuj. Chuqa' nisuj ri jalajoj ruwech ixin chikiwech. ¿Man xtinya' ta kami ruk'ayewal pan iwi' roma re banobel re'?

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 1:9

Chuqa' ke'oq' ri sacerdote richin ri Jehová, roma man jun chik sipanik napon pa rachoch ri Dios. Maneq chik sipanik richin jalajoj ruwech ixin, ni ta ri vino.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

Wuj Richin ri Chojmirisabelri'il 23:13

Chuqa' k'o chi nik'en-pe k'ej chayun ri más jebel, ri más juba' kaji' libra, y ri xolon aceite rik'in, richin niporox chinuwech. Y re sipanik re', jun sipanik poron richin janila nijubulin chinuwech yin. Y rik'in ri sipanik ri' nik'en-pe jun litro vino.

Wuj Richin ri Q'axanri'il 15:10

Junan chuqa' rik'in ri', nik'en-pe ka'i' litro vino richin nikaq'uj pa ruwi' ri kamelabel ri niporox chijun. Y re' jun sipanik ri kan nijubulin chinuwech yin.

Wuj Richin ri Q'axanri'il 15:5

Chuqa' k'o chi nikaq'uj jun litro vino pa ruwi' ri kamelabel.

Wuj Richin ri Q'axanri'il 15:7

Chuqa' nisuj más juba' jun litro vino, richin jun sipanik. Y re' jun sipanik ri kan nijubulin chinuwech yin.

Wuj Richin ri Q'axanri'il 28:14

Ri sipanik richin ri vino, ka'i' litro ri niya'ox chirij ri jujun nima-alaj achij wákix y jun litro rik'in nik'aj chirij ri jun achij karne'l, y jun litro chirij jujun karne'l ri k'o jun kijuna'. Ja sipanik re' ri k'o chi yeporox chijun chinuwech yin ronojel ik' chire ri juna'.

Wuj Richin ri Q'axanri'il 28:31

Y ronojel re sipanik re' rachibilan ri vino y ri chikopi' ri ye'isuj q'ij-q'ij ronojel nimaq'a' kachibilan ri jalajoj ruwech ixin. Y konojel k'a ri taq chikopi' k'o chi kan e tz'aqet.

Wuj Richin ri Q'axanri'il 28:6

Re' kan jantape' k'a xtiporoj chinuwech, achi'el xsuj ri chiri' pa ruwi' ri juyu' Sinaí richin xjubulin chinuwech yin Jehová.

Wuj Richin ri Q'axanri'il 28:8

Ri ruka'n karne'l ri nisuj ri tiqaq'ij, kan rik'in k'a chuqa' k'ej y vino nisuj; kan junan rubanik rik'in ri nisuj ri nimaq'a'. Re jun sipanik re' kan niporox chijun richin nijubulin chinuwech y richin chi niya'ox nuq'ij yin Jehová.

Filipenses 2:17

Ri kuqubabel-ik'u'x y ri isamaj kan achi'el jun sipanik ri niya-apo chire ri Dios. Y rik'in juba' k'o ta chi xtibiyin nukik'el achi'el nitix ri kik' pa ruwi' ri sipanik ri'. Wi ta keri' nibanatej, yin roma ri' xkikikot, y xkikikot chuqa' iwik'in rix.