Wuj Richin ri Q'axanri'il 28:2 - Kaqchiquel Bible

² Tabij chike ri awinaq israelita chi man tikimestaj rubanik ri k'o chi nikisuj-pe chuwe pa ruq'ijul, ri kaxlan-wey y ri sipanik ri yeporox ri kan yejubulin chinuwech.

Wuj Richin ri Q'axanri'il 28:2 Iomraidhean Croise

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

1 Crón 23:31

y chuqa' toq niporox ri chikop chuwech ri Dios chupan ri q'ij richin uxlanenri'il, richin ri nimaq'ij toq nalex ri k'ak'a' ik' y ri ch'aqa' chik nimaq'ij. Ri e levita kan k'o chi nikisamajij ri Dios rik'in ch'ajch'ojil achi'el ri bin chike.

2 Crón 23:18

Ri Joiadá xerucha' k'a kan ri e tata'al kichin ri e sacerdote y ri e levita chiri' pa rachoch ri Jehová, achi'el rubanon kan ri David, richin chi ja rije' ri yeporon ri chikopi' chuwech ri Jehová, achi'el ri tz'ibatel kan chupan ri pixa' ri ruya'on kan ri Moisés; y k'o chi nikiben rik'in bix y rik'in janila kikoten kan achi'el ri ruchojmilal ri ruya'on kan ri David.

2 Crón 31:3

Chirij re' ri rey kan xeruya' k'a apo chikopi' ri yek'atzin richin ri sipanik ri yeporox chijun ri pa taq nimaq'a' y ri tiqaq'ij, chuqa' ri q'ij richin uxlanenri'il, ri nimaq'ij richin ri k'ak'a' ik', y ronojel ri nimaq'ij ri e rubin ri Dios chupan ri pixa'.

Wuj Richin ri Esdras 3:2

K'ari' ri Josué ruk'ajol ri Sadoc, ri e sacerdote ri e rachibil, ri Zorobabel ruk'ajol ri Salatiel y ri e rach'alal; konojel rije' xkipaba' chik q'anej ri porobel richin ri ki-Dios, richin nikiporoj chikop pa ruwi', achi'el tz'ibatel kan chupan ri pixa' ri xya'ox chire ri Moisés ri xok rusamajel ri Dios.

Wuj Richin ri Esdras 3:3

Stape' kixibin-ki' chikiwech ri winaqi' ri ek'o chikinaqaj, rije' xkiben chik q'anej jun bey ri porobel pa ruwi' ri ruch'okolibal ri k'o kan. Y xkichop chik nikiporoj chikop pa ruwi' ri porobel ronojel nimaq'a' y tiqaq'ij, richin nikiya' ruq'ij ri Jehová.

Wuj Richin ri Nehemías 10:34

Kan xqelesaj k'a rik'in sakinik ri kibi' ri qawinaq, ri e sacerdote y ri ch'aqa' chik levita, ri achike yek'amo-pe ri si' ri nik'atzin richin ri porobel pa rachoch ri Jehová, achi'el ri tz'ibatel kan chupan ri pixa'.

Wuj Richin Bix Chire ri Dios 81:3

Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 29:18

Xtaporoj k'a chijun ri karne'l pa ruwi' ri porobel. Re' jun jubulej sipanik poron chuwe yin Jehová, jun sipanik ri jebel ruxla' ri nasuj chuwe yin pa ruwi' ri q'aq'.

Ez 16:19

Y keri' chuqa' xak'en-el ri kaxlan-wey ri banon rik'in jebelej k'ej, ri aceite y ri kab ri nikiya' ri taq chikopi', achoq ik'in atintzuqun-wi y xa xasuj chikiwech ri wachibel richin jun sipanik ri nijubulin chikiwech rije'. Y re' kan qitzij, yin Jehová ri yibin.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Chojmirisabelri'il 1:17

K'ari' nuchop pa taq ruxik' y nuper-qa juba'. Y ri sacerdote xtuporoj pa ruwi' ri si' ri k'o pa ruwi' ri q'aq', jun sipanik poron richin nijubulin chinuwech, xcha' ri Jehová.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

Wuj Richin ri Chojmirisabelri'il 21:6

Kan tich'ara-iwi' rik'in ronojel re' richin yixok wichin yin richin man tiyoq'otej ri nubi'; roma ja rix ri yixsuju ri sipanik richin jalajoj ruwech ixin ri niporox chinuwech yin Jehová.

Wuj Richin ri Chojmirisabelri'il 21:8

Y ri Dios xubij chik chire ri Moisés chi tubij chike ri ruwinaq: Wakami k'a kan ke'ich'ara' ri e sacerdote roma ja rije' ri yesuju ri sipanik richin jalajoj ruwech ixin chuwe yin. Roma yin Jehová kan nuch'aron-wi' rik'in ronojel etzelal, y roma ri' ninwajo' yixinch'er rix rik'in ronojel etzelal: Keri' tabij chike, xcha' ri Jehová.

Wuj Richin ri Chojmirisabelri'il 3:11

Y ri sacerdote xtuporoj ronojel re' pa ruwi' ri porobel; ri sipanik ri xtisuj chinuwech yin achi'el jun q'utun.

Wuj Richin ri Malaquías 1:12

Jak'a rix niben chuwe chi man jun wejqalen roma man niqa' ta chiwech ri nuporobal, y chuqa' ri k'o pa ruwi'.

Wuj Richin ri Malaquías 1:7

Roma rix ye'isujula' kaxlan-wey ri xa man ch'ajch'oj ta pa ruwi' ri nuporobal; y man rik'in ri' nik'utuj ri achike k'a itzel ri ibanon chuwe. Jak'a yin ninbij chiwe chi ja ri man iya'on ta rejqalen ri porobel ri k'o pa wachoch.

Wuj Richin ri Q'axanri'il 15:24

Y wi kan qitzij chi rix imestan ri pixa' ri' y kan chi'iwonojel rix man iwetaman ta chi mak ri xiben, kan k'o k'a chi nisuj jun nima-alaj achij wákix richin jun sipanik ri niporox chijun. Y re' kan xtijubulin k'a chinuwech. Y kan k'atzinel chi rik'in ri sipanik ri', niya' ri sipanik richin k'ej y ri vino achi'el nubij chupan ri ruchojmilal. Chuqa' k'o chi nisuj jun achij tzuntzun richin nikuyutej ri imak.

Wuj Richin ri Q'axanri'il 15:3

Nik'en-pe jun chike ri nima'q o kokoj taq iwawej richin nijubulin chinuwech. Y re chikop re' xtik'atzin richin niporox chijun, richin jun kamelabel, chuqa' toq k'o jun ri nisuj chi niben chinuwech yin y toq nik'en-pe roma nalex-pe pan iwánima o toq niben jun nimaq'ij richin niya' nuq'ij.

Wuj Richin ri Q'axanri'il 15:7

Chuqa' nisuj más juba' jun litro vino, richin jun sipanik. Y re' jun sipanik ri kan nijubulin chinuwech yin.

Wuj Richin ri Q'axanri'il 28:1

Y ri Jehová xch'on chik k'a rik'in ri Moisés y xubij chire:

Wuj Richin ri Q'axanri'il 29:39

Jare' ri sipanik ri ruk'amon chi niya' chuwe. Chuqa' k'o ri sipanik toq k'o nisuj chuwe richin niben y ri sipanik ri nalex-pe pan iwánima, xcha' ri Jehová.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

Wuj Richin ri Q'axanri'il 9:7

xbekibij chike: Roj man oj ch'ajch'oj ta roma xqaneq ruch'akul jun kamineq. ¿Man ruk'amon ta k'a richin niqanimaq'ijuj ri q'ij ri' junan kik'in ri kan oj rijatzul kan ri Israel, richin niqasuj ri sipanik chuwech ri Jehová pa ruq'ijul?, xecha'

2 Corintios 2:15

Y keri' roj, kan achi'el jubulej pom ri yojapon chuwech ri Dios, ri nusuj ri Cristo chire. Ri jubulej uxla' ri' kan napon-wi k'a kik'in konojel ri winaqi'; kik'in ri xkekolotej y kik'in chuqa' ri man xkekolotej ta.

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.