Wuj Richin ri Q'axanri'il 28:1 - Kaqchiquel Bible

¹ Y ri Jehová xch'on chik k'a rik'in ri Moisés y xubij chire:

Wuj Richin ri Q'axanri'il 28:1 Iomraidhean Croise

1 Crón 23:31

y chuqa' toq niporox ri chikop chuwech ri Dios chupan ri q'ij richin uxlanenri'il, richin ri nimaq'ij toq nalex ri k'ak'a' ik' y ri ch'aqa' chik nimaq'ij. Ri e levita kan k'o chi nikisamajij ri Dios rik'in ch'ajch'ojil achi'el ri bin chike.

2 Crón 2:4

Wakami yin ninwajo' ninpaba-q'anej jun rachoch ri Jehová ri nu-Dios richin ninjech pa rusamaj, akuchi xtinbenporoj-wi ri jubulej pom chuwech, akuchi xtinuk'-wi pa cholaj ri kaxlan-wey, y richin ninsuj ri kamelabel ri niporox chijun ronojel nimaq'a' y tiqaq'ij, chuqa' chupan ri q'ij richin uxlanen, y toq yenimaq'ijux ri k'ak'a' taq ik' y ri ch'aqa' chik nimaq'ij toq niya'ox ruq'ij ri Jehová ri qa-Dios. Ronojel re' kan k'o chi xtiqataqej richin q'asen, qonojel roj ri oj aj-Israel.

2 Crón 23:18

Ri Joiadá xerucha' k'a kan ri e tata'al kichin ri e sacerdote y ri e levita chiri' pa rachoch ri Jehová, achi'el rubanon kan ri David, richin chi ja rije' ri yeporon ri chikopi' chuwech ri Jehová, achi'el ri tz'ibatel kan chupan ri pixa' ri ruya'on kan ri Moisés; y k'o chi nikiben rik'in bix y rik'in janila kikoten kan achi'el ri ruchojmilal ri ruya'on kan ri David.

2 Crón 31:3

Chirij re' ri rey kan xeruya' k'a apo chikopi' ri yek'atzin richin ri sipanik ri yeporox chijun ri pa taq nimaq'a' y ri tiqaq'ij, chuqa' ri q'ij richin uxlanenri'il, ri nimaq'ij richin ri k'ak'a' ik', y ronojel ri nimaq'ij ri e rubin ri Dios chupan ri pixa'.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

Wuj Richin ri Esdras 6:9

Y pa ruwi' re', kan ronojel k'a q'ij xtiya'ox chike ri ki-sacerdote ri achike nik'atzin richin ri kamelabel, achi'el ri nima-alaji' achija' taq wákix, achija' taq karne'l, alaji' achija' taq karne'l; ronojel re' richin niporox chuwech ri Dios ri rajaw ri kaj. Chuqa' ri trigo, atz'an, vino y aceite; ronojel re' kan tiya'ox chike q'ij-q'ij ri sacerdote.

Wuj Richin ri Nehemías 10:33

Ri kaxlan-wey ri kan richin pa rachoch ri Dios, ri sipanik richin jalajoj ruwech ixin ri yesipex ronojel q'ij, ri taq chikopi' ri yeporox jumul ronojel q'ij, ri taq chikopi' ri yesuj chupan ri q'ij richin uxlanenri'il, ri niban toq k'ak'a' ik' y ri ch'aqa' chik nimaq'ij ri niban ronojel juna', ri sipanik ri kan ek'o rejqalen, ri kamelabel ri niban richin kuyubel qamak y richin ronojel ilinik ri niban pa rachoch ri Dios.

Wuj Richin ri Isaías 1:13

Man tik'en-pe sipanik chuwe ri xa man jun rejqalen. Ri pom kan man niqa' ta chik chinuwech, chuqa' toq ninimaq'ijuj ri k'ak'a' ik', ri q'ij richin uxlanen, y ri q'ij richin molojri'il. Kan man ninkoch' ta chik ri itzel taq ibanobal toq nimol-iwi' richin yixnimaq'ijun.

Ez 44:24

Toq k'o jun ch'ojikil chi'ikojol, rije' xke'ok to'onela' y xtikiq'et-tzij achi'el nubij chupan ri nupixa'. Chuqa' rije' kan k'o chi xtikitzeqelibej ri ruchojmilal, k'o chi nikinimaq'ijuj ronojel nimaq'ij y xtikiya' rejqalen ronojel q'ij richin uxlanen.

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

Ez 46:11

Y chupan ri ch'aqa' chik nimaq'ij k'o chi xtisuj-apo juwineq libra jalajoj ruwech ixin rik'in jun nima-alaj achij wákix, y chuqa' rik'in jun achij karne'l. Jak'a kik'in ri taq karne'l xtiya' ri janipe' ri nalex pan iwánima. Y rik'in chikijujunal ri wo'o' libra jalajoj ruwech ixin, k'o chi niya' jun litro aceite richin olivo.

Wuj Richin ri Chojmirisabelri'il 9:15

Y chirij k'a re', ri Aarón xberuk'ama-pe ri achij tzuntzun richin ri kamelabel richin nikuyutej rumak ri tinamit. Xuqupij k'a ri ruqul y k'ari' xusuj ri kamelabel ri', kan achi'el xuben rik'in ri nabey chikop.

Wuj Richin ri Q'axanri'il 27:23

K'ari' ri Moisés xuya' ruq'a' pa rujolon y xuq'axaj kan ri samaj chire, kan achi'el ri rubin ri Jehová chire.

Wuj Richin ri Q'axanri'il 28:2

Tabij chike ri awinaq israelita chi man tikimestaj rubanik ri k'o chi nikisuj-pe chuwe pa ruq'ijul, ri kaxlan-wey y ri sipanik ri yeporox ri kan yejubulin chinuwech.

Gálatas 4:10

K'a ek'o q'ij ri ye'ichajila', y chuqa' ye'ichajila' ik', juna' y ch'aqa' chik nimaq'ij.

Colosenses 2:16

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij.