Wuj Richin ri Q'axanri'il 27:11 - Kaqchiquel Bible

¹¹ Y wi man jun ta ruch'utitata' kan ri kamineq, xtiq'axex k'a chire jun ach'alalri'il ri más naqaj y xtok richin rija'. Re ruchojmilal re' kan xtok k'a jun pixa' richin nikikusaj ri awinaq, kan achi'el-wi ri ninbij yin, xcha' ri Jehová chire ri Moisés.

Wuj Richin ri Q'axanri'il 27:11 Iomraidhean Croise

Wuj Richin ri Jeremías 32:8

Kan achi'el k'a rubin ri Jehová chuwe, kan keri' xbanatej, y xapon k'a wik'in ri Hanamel chiri' chuwa-jay ri akuchi in chajin-wi, y xubij chuwe: Tabana' utzil taloq'o' ri wulew ri k'o chiri' pan Anatot, pa ruwach'ulew kan ri Benjamín, roma kan at wach'alal y ruk'amon richin nok kan awichin. Roma ri' taloq'o' kan, xcha' chuwe. K'ari' xq'ax chinuwech chi kan ja ri Jehová ri xbin chuwe richin ninloq' kan.

Wuj Richin ri Chojmirisabelri'il 25:25

Wi k'o ta jun iwinaq ri nik'oje' pa meba'il y roma ri' nuk'ayij juba' rulew, ri rach'alal ri k'o más naqaj chire rija' k'o chi nuloq' kan ri nuk'ayij kan ri rach'alal.

Wuj Richin ri Chojmirisabelri'il 25:49

Y chuqa' ri k'o kiq'a' richin yekolon ja ri ruch'utitata', o jun ruk'ajol ri ruch'utitata', o jun rach'alal ri k'o más naqaj chire. Y wi ri ruk'ayin-ri' nitikir ta nuch'ek ruméro, k'o ruq'a' richin nukol-el-ri' ruyon rija'.

Wuj Richin ri Q'axanri'il 27:10

y wi e maneq ta kan rach'alal ri kamineq, xtiq'axex k'a chike ri e ruch'utitata' kan rija'.

Wuj Richin ri Q'axanri'il 35:29

Ja pixa' re' richin chojmirisabel iwichin rix y pa kiwi' ri iwalk'ual, xabakuchi ta k'o-wi ri iwachoch.

1 Sam 30:25

Y kan keri' xbanatej, chi kan ja q'ij ri' ri David xuben chire chi kan xok jun pixa', y jun chojmirisabel ri chiri' pan Israel.