Wuj Richin ri Q'axanri'il 26:53 - Kaqchiquel Bible

⁵³ Chikiwech k'a konojel ri achi'a' ri xe'iwajlaj, xtitaluj ri ruwach'ulew richin nikichinaj; y pa rucholajen k'a ri kibi' ri xiwelesaj xtijech-wi chikiwech.

Wuj Richin ri Q'axanri'il 26:53 Iomraidhean Croise

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

1 Crón 16:18

Jare' ri jikibel-tzij ri xuben: Kan xuya' ri ruwach'ulew Canaán chiqe; ri xqak'ul roj richin xqichinaj kan.

Wuj Richin Bix Chire ri Dios 105:44

K'ari' xuya' k'a chike ri kiruwach'ulew ri ch'aqa' chik winaqi'. Ri kisamajin-qa ri winaqi' richin ch'aqa' chik tinamit jari' ri xkichinaj kan.

Wuj Richin Bix Chire ri Dios 49:14

Rije' kan xtiban k'a chike achi'el ri karne'l ri ye'uk'uex-el pa kamik, ja ri kamik ri xtiyuqen kichin achi'el nuben jun yuq'unel, y ri choj kik'aslen kan xkebek'oje' pa kiwi' rije'. Ri jebelej kibanik kan eqal k'a nibek'is chupan ri jul muqbel kamineq.

Ez 47:22

Jari' ri ulew ri xtiwichinaj kan rix y chuqa' ri nikichinaj kan ri winaqi' ri man e rijatzul ta kan ri Israel, rije' xkek'oje' chi'ikojol y chuqa' ri kalk'ual. Xtiben chike chi kan achi'el e iwinaq israelita y toq xtich'ar ri ruwach'ulew, rije' k'o chi xke'ichinan iwik'in.

Dn 7:27

Ri ajawaren richin chijun ruwach'ulew, ri ruchuq'a' y ri ruwaq'ijaj kan xtijach k'a pa kiq'a' ri e richin ri rutinamit ri nimalej Dios. Re ajawaren re' kan richin k'a tibe-q'ij tibe-seq. Konojel k'a ri tinamit y ri ruwach'ulew kan xtikisamajij y xtikinimaj rutzij, xcha' chuwe.

Wuj Richin ri Q'axanri'il 26:52

Y ri Jehová xch'on chik k'a rik'in ri Moisés y xubij chire:

Wuj Richin ri Q'axanri'il 26:54

Ri tzobaj k'a ri janila e k'iy, kan k'iy chuqa' ri ulew ri xtiya' chike y ri tzobaj ri xa e kokoj ok, xa kokoj chuqa' ok ri ulew ri xtiya' chike. Kan achi'el k'a kibanik ri tzobaj ri xe'ajlex.

Wuj Richin ri Q'axanri'il 33:54

Ja yin xkich'aron chiwech ri ulew ri xtiwichinaj kan. Xtiwichinaj kan achi'el ri kajlabal ri aj pan iwachoch. Achi'el ri rubanik ri tzobaj kichin ri ite-itata', keri' xtiya'ox kan chiwe.

San Mateo 5:5

Jebel ruwa-kiq'ij ri kiqasan-ki', roma rije' xke'ichinan ri ruwach'ulew pa ruq'a' ri Dios.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Wuj Richin ri Josúe 11:23

Keri' ri Josué y ri aj-labal xkich'ek ronojel ri ruwach'ulew, achi'el ronojel rubin ri Jehová chire ri Moisés. Ri Josué xujech k'a ri ulew chike ri ruwinaq richin xkichinaj chikijujunal, achi'el ri kitzobaj; y xok k'a kichin y xe'uxlan k'a chire ri labal.

Wuj Richin ri Josúe 14:1

Jare' ri ruwach'ulew ri xkichinaj kan ri israelita pa Canaán. Y ri xejachon ja ri sacerdote Eleazar, ri Josué ruk'ajol kan ri Nun, y ri e tata'al richin ri tzobaj kichin ri winaqi' israelita.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.