Wuj Richin ri Q'axanri'il 26:10 - Kaqchiquel Bible

¹⁰ y ri ruwach'ulew xjaqatej y xerubeq' kan, junan rik'in ri Coré. Y re' xbanatej toq xeken chuqa' ri tzobaj ri xeruk'is q'aq' toq xeken e 250 achi'a'. Re jun banobel re' xbanatej richin chi tiketamaj ri ch'aqa' chik chi man tikiben keri'.

Wuj Richin ri Q'axanri'il 26:10 Iomraidhean Croise

Ex 16:35

Y keri' ri israelita, ja ri aj-chikajil-wey ri xkitej chi kawineq juna'. Rije' xkiya' kan rutijik ri wey ri' ja toq xe'apon pa k'ulba't richin ri ruwach'ulew Canaán.

Wuj Richin ri Jeremías 29:22

Roma ri xtibanatej kik'in rije' xtel jun k'ambel-tzij chike konojel ri xe'elesex-el pa Judá ri ek'o pa Babilonia y xtikibij: Ri Jehová kan xtuben chiwe achi'el xuben chike ri Sedequías y ri Acab, toq ri Nabucodonosor kan xeruporoj.

Ez 14:8

Kan xtinpaba' k'a wi' chuwech re jun wineq re' y kan xtinya' rutojbalil-mak pa ruwi'. Kan xtinwelesaj-el chikikojol ri awinaq y ri xtibanatej kan xtok jun k'ambel-tzij. K'ari' xtiketamaj chi ja yin Jehová.

Wuj Richin ri Q'axanri'il 16:2

Rije' xjunamatej k'a kiwech kik'in e 250 achi'a' ri e kiwinaq, achi'a' ri kan e aj-na'oj y e cha'on richin ye'ok aj-raqen. Y konojel rije' xeyakatej k'a chikij ri Moisés y ri Aarón.

Wuj Richin ri Q'axanri'il 16:38

Ronojel re porobel-pom re', kan xe'ok k'a kan richin pa nusamaj yin, roma xe'ukusex yan richin xsuj pom chuwe yin. Y chike ri porobel-pom ri' k'o chi xkebajix y niban nima'q ruwech pueq chire. Y rik'in ri' nipis-rij ri porobel-pom ri k'o pa wachoch. Y re' kan xtok k'a jun natabel chike ri awinaq roma ri xbanatej, xcha'.

Wuj Richin ri Q'axanri'il 17:3

Y chirij ri ch'ame'y richin ri tzobaj richin ri Leví xtatz'ibaj k'a ri rubi' ri Aarón. K'o k'a chi numol-ri' ronojel ri ch'ame'y ri ruk'exewach chikijujunal ri aj-raqen pa kiwi' ri tzobaj.

Wuj Richin ri Q'axanri'il 27:3

Ri qatata' xken kan pa tz'iran ruwach'ulew, achi'el ri ch'aqa' chik winaqi'. Y rija' man jun k'a ruk'ajol ri xk'oje' ta. Jak'a man xken ta roma xok ta kachibil ri tzobaj winaqi' richin ri Coré, ri tzobaj ri xech'on chirij ri Jehová.

Deut 11:6

Xitz'et ri xuben ri Jehová chiqakojol kik'in ri Datán y ri Abiram, ri e ruk'ajol ri Eliab, rijatzul kan ri Rubén, toq xjaqatej ri ruwach'ulew y xerubeq' chi achijlonel, ixjayilonel y alk'ualaxel, keri' chuqa' ri kachoch ri banon rik'in tzieq y ronojel ri kawej.

Deut 28:46

Ronojel k'a re tijoj-poqonal re' xtik'atzin richin jun retal richin ri royowal ri Dios, chiwe rix y chike ri iwijatzul richin k'iy q'ij.

2 Pedro 2:6

Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

1 Sam 2:34

Y k'o k'a jun q'ij xtatz'et ri nima'q taq nubanobal richin retal chi ri Hofní y ri Finees xkeken junan pa jun q'ij.