Wuj Richin ri Q'axanri'il 24:8 - Kaqchiquel Bible

⁸ Ri i-Dios kan rik'in uchuq'a' xixrelesaj-pe pan Egipto. Kan xixrelesaj-pe rik'in uchuq'a' achi'el uchuq'a' ri k'o rik'in ri bóyix. Kan xke'ik'is ri winaqi' richin ri ruwach'ulew ri ye'etzelan iwichin: Kan xtipaq'aq'ej ri kibaqil, y kan xke'ik'is chi ch'ab.

Wuj Richin ri Q'axanri'il 24:8 Iomraidhean Croise

Wuj Richin Bix Chire ri Dios 2:9

Rat xke'awulaj achi'el xa ta rik'in jun ch'ich', xkek'is achi'el toq nipax jun bojo'y, xcha' chire.

Wuj Richin Bix Chire ri Dios 21:12

Rat kan xtaben k'a chike chi xke'animej, toq ye'aq'ijuj rije' rik'in ri ch'ab.

Wuj Richin Bix Chire ri Dios 45:5

Ri ach'ab ri ch'ut-ch'ut rutza'n, ri kan rik'in ri' ye'ach'ek ri winaqi' ri e etzelanel awichin; kan xtuch'ik ri' pa kánima ri e etzelanel awichin rat rey.

Wuj Richin Bix Chire ri Dios 45:6

Ri awajawaren kan ja ri Dios xya'on pan aq'a' richin q'asen. Kan ja rat xkaq'aton-tzij pa ruchojmilal.

Ex 23:22

Y wi rix kan ninimaj ri rutzij rija' y niben ronojel ri nubin chire rija' chi k'o chi niben rix, wi keri' yin kan xtinpaba-wi' chikiwech ri ye'etzelan iwichin y xtinya' tijoj-poqonal pa kiwi' ri yebanon chiwe richin nitej poqon.

Wuj Richin ri Isaías 38:13

Ri chi'aq'a' kan xisik'in roma rukiy ri yabil. Yin xinna' achi'el xa ta jun koj nupaq'aq'ej ri nubaqil. Q'ij q'ij xk'is-qa ri wuchuq'a' richin ta xiken.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Wuj Richin ri Jeremías 50:9

Roma kan ninbenbana' chi k'iy tzobaj winaqi' ri junan xkepe re kere' pa xaman richin xkekichop chi oyowal ri aj-Babilonia. Kan xtikiben oyowal kik'in y kan xkekich'ek kan ri aj-labal ri kan e richin labal ri kan jebel yetikir. Toq nikik'eq ri kich'ab, kan choj nikimej ri nikiq'ijuj.

Dn 6:24

Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Wuj Richin ri Q'axanri'il 21:5

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

Wuj Richin ri Q'axanri'il 23:22

Ja Dios ri' ri xe'elesan-pe pan Egipto rik'in uchuq'a'. Kan xerelesaj-pe rik'in uchuq'a' achi'el uchuq'a' ri k'o rik'in ri bóyix.

Wuj Richin ri Q'axanri'il 23:24

Rije' kan xkebeyakatej-pe achi'el jun koj ri janila ruchuq'a'. Rije' man ye'uxlan ta, k'a toq k'o na jun ri kichapon. Man nikiq'et ta ki' k'a toq kik'uxun ri etzelanel kichin, y kiqumun chik kikik'el konojel ri xekikamisaj,

San Mateo 2:15

Kan k'a pan Egipto k'a xek'oje-wi y xetzolin pan Israel k'a toq kamineq na chik ri rey Herodes. Richin keri' kan xtz'aqet k'a ri ruq'alajirisan kan ri Dios chuwech ri rusamajel ri xk'oje' ojer kan toq xubij: Kan k'a pan Egipto k'a xinwoyoj-wi ri nuk'ajol, nicha'.*f5*

Deut 32:23

Ri ruk'ayewal k'a ri xtinya' pan iwi' kan kejqalon-pe-ki' kan achi'el ch'ab xkenk'aqala-pe chiwij, ch'ab ri xa man jun bey yek'is.

Deut 32:42

Ri nuch'ab xkek'is pa kik' kichin ri xkenkamisaj, y ri nu-espada kan xtutzak'ila' ri kich'akul ri xtikipaba-ki' chinuwech. Re' kan kikik'el k'a ri kaminaqi' y kichin ri xkechapatej-pe pan oyowal. Kikik'el ri e aj-raqen ri ye'etzelan wichin ri nima'q rusumal-kiwi'.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin ri Josúe 2:10

roma qak'axan chik chi toq xixel-pe pan Egipto, ri Jehová kan xuchaqirisaj ri Kaqa-Palou chiwech richin chi xixq'ax chupan, y chuqa' qak'axan chik toq xe'ik'is ri Sihón y ri Og, rey kichin ri amorreo ri ek'o juk'an chire ri Jordán.