Wuj Richin ri Q'axanri'il 23:1 - Kaqchiquel Bible

¹ Y ri Balaam xubij k'a chire ri Balac: Tipaba-q'anej wawe' wuqu' porobel richin kamelabel y tibana' chuqa' kichojmil wuqu' nima-alaji' achija' wákix y wuqu' achija' karne'l richin kamelabel, xcha'.

Wuj Richin ri Q'axanri'il 23:1 Iomraidhean Croise

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

1 Crón 15:26

Y ri Dios kan man jun k'a tijoj-poqonal xuya' pa kiwi' ri e levita ri e uk'uayon ri káxa richin ri rujikibel-tzij; y roma ri' ri winaqi' xkisuj k'a chuwech ri Jehová, e wuqu' achija' taq wákix y wuqu' achija' taq karne'l.

2 Crón 29:21

Xekik'uaj k'a wuqu' nima-alaji' achija' taq wákix, wuqu' achija' karne'l, wuqu' alaji' taq karne'l y wuqu' achija' tzuntzun, richin nikisuj richin nikuyutej kimak ri winaqi' aj pa rachoch ri rey, ri winaqi' aj-Judá y richin nich'ajch'ojir ri jay richin ri Jehová. K'ari' ri rey xubij chike ri e sacerdote ri e rijatzul kan ri Aarón chi kekisuju' ri chikopi' ri' chuwech ri porobel richin ri Jehová.

Wuj Richin ri Achin Job 42:8

Roma ri' wakami, rix tik'uaj k'a wuqu' nima-alaj achija' taq wákix y wuqu' achija' taq karne'l y kixbiyin k'a rik'in ri nusamajel Job, y tibesuju' poron chikopi' roma ri imak. K'ari' ri nusamajel Job xtich'on wik'in yin pan iwi' rix; y yin kan xtinwak'axaj k'a ri ruch'abel rija'. Richin keri' man jun ruk'ayewal xtinya' pan iwi', stape' kan ruk'amon ta ninya' rutojbalil ri imak, roma man qitzij ta ri xibij chuwij yin, rix kan man xiben ta achi'el xuben ri Job, ri nusamajel.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Ez 45:23

Y chikijujunal ri wuqu' q'ij, xtuk'en-pe wuqu' nima-alaji' achija' taq wákix y wuqu' achija' karne'l ri kan e tz'aqet. Y xtisuj re' richin jun sipanik ri yeporox jumul. Y chuqa' ronojel q'ij chire ri nimaq'ij xtisuj jun tzuntzun richin kamelabel richin kuyubel-mak.

Wuj Richin ri Q'axanri'il 22:41

Y ri nimaq'a' yan, ri Balac xuk'uaj k'a q'anej ri Balaam k'a pa rutza'n ri juyu' rubini'an Bamot-baal; y ri chiri', ri Balaam xtikir xutz'et chijun ruchi' ri tinamit Israel.

Wuj Richin ri Q'axanri'il 23:2

Y ri Balac kan xuben k'a achi'el ri xbix chire roma ri Balaam; y xkisuj k'a jun wákix y jun karne'l pa kiwi' chikijujunal ri porobel.

Wuj Richin ri Q'axanri'il 23:29

Y ri chiri', ri Balaam xubij chire ri Balac chi tupaba' chik wuqu' porobel y chi tubana' kichojmil wuqu' nima-alaji' achija' taq wákix y chuqa' e wuqu' achija' karne'l.

Wuj Richin ri Q'axanri'il 23:30

Ri Balac kan xuben k'a achi'el xbix chire.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.