Wuj Richin ri Q'axanri'il 22:7 - Kaqchiquel Bible

⁷ Y ri achi'a' aj-Moab y ri aj-Madián xebe k'a y xkik'uaj-el ri tojbel richin ri itzel oyonik ri xtuben ri Balaam. Y toq rije' xe'apon rik'in ri Balaam, xbekibij k'a ri ch'abel ri rubin-el ri Balac.

Wuj Richin ri Q'axanri'il 22:7 Iomraidhean Croise

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin ri Isaías 56:11

Rix ix achi'el tz'i' ri janila e mum, ri kan man jun bey ninoj ri ipan. Rix ix achi'el yuq'unela' ri kan man jun niq'ax chiwech. Iwonojel rix xa nich'er-el-iwi', y xa chi'ijujunal nikanoj ri janipe' nich'ek.

Ez 13:19

Ri ixoqi' ri' xkiben kere' xaxe richin xkich'ek jun moq' cebada o xa jun k'ap kaxlan-wey. Rik'in ri kitz'ukun taq tzij kan xekikamisaj ri winaqi' ri xa man ruk'amon ta richin xeken y xekik'asba' kan winaqi' ri xa man ruk'amon ta richin yek'ase'.

Ez 21:21

Toq ri rey richin Babilonia xtapon akuchi nuch'er kan ri' ri bey, jari' toq xtuch'ob k'a ri achike bey xtuk'uaj. Xtuk'ulubej k'a ri wachibel, xtrelesaj k'a jun ch'ab pa ruk'ojelibal richin nretamaj ri bey y xtukamisaj jun chikop richin jebel xtunik'oj ri rusase' richin nretamaj akuchi nibe-wi.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Wuj Richin ri Q'axanri'il 22:8

Y ri Balaam xubij k'a chike: Kixk'oje-el re jun aq'a' re' y yin xtinbij-el chiwe ri xtubij ri Jehová chuwe, xcha'. Y keri' rije' xek'oje-qa chiri' ri jun aq'a' ri'.

Wuj Richin ri Q'axanri'il 23:23

Chirij ri Jacob man jun ri nitikir, man jun itzinik ri nik'atzin. Wakami xa ruk'amon chi nibix chikij: Titzu' k'a rix winaqi' ri rubanon ri Dios kik'in rije'.

Wuj Richin ri Q'axanri'il 24:1

Toq ri Balaam xunabej chi ri Jehová xqa' chuwech toq xuya' urtisanik pa ruwi' ri Israel, man xuben ta chik achi'el ri xuben pa nabey y ri pa ruka'n mul: Man xberuk'ulu' ta chik ri retal. Rija' xa xtzu'un-qa ri pa tz'iran ruwach'ulew,

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

Tito 1:11

Y jari' k'a ri ruk'amon chi nitz'apex kichi' roma e k'iy ri yeq'olotej pa kiq'a' rik'in ri itzel taq tijonik ri yekiya'. Y keri' nikiben xaxe richin nikich'ek kiméro.

Wuj Richin ri Josúe 13:22

Y chikikojol ri xekikamisaj ri israelita, xken chuqa' ri achin ri nubananej chi nuq'alajirisaj ri peteneq, ri rubini'an Balaam ralk'ual ri Beor.

2 Pedro 2:15

Y kiya'on chik k'a kan rubanik ri k'aslen choj. Kan e sachineq-wi kan. Y kan kik'uan k'a ri k'aslen achi'el ri xuk'uaj ri Balaam, ruk'ajol ri Beor. Rija' kan janila xurayij ri méro, stape' richin itzel ch'akoj beneq-wi.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.