Wuj Richin ri Q'axanri'il 22:5 - Kaqchiquel Bible

⁵ K'o k'a jun achin rubini'an Balaam, ri ruk'ajol ri Beor, ri k'o pa tinamit Petor, chunaqaj ri raqen-ya' Éufrates. Y ri Balac xeruteq rik'in rija' ri achi'a' ri k'o kiq'ij chikikojol ri aj-Moab y ri aj-Madián y xubij-el: K'o jun tinamit ri eleneq-pe pan Egipto, ri nikinojisaj ruwech re ruwach'ulew y wakami xek'oje-qa ri chiqawech-apo.

Wuj Richin ri Q'axanri'il 22:5 Iomraidhean Croise

Wuj Richin ri Rutikeribel 13:16

Y yin xtinben chi xkek'iyer ri awijatzul y kan man e ajlatel ta k'a achi'el ri poqolaj kan man jun nitikir najlan.

Wuj Richin Bix Chire ri Dios 105:24

Ri Dios kan xuben k'a chi ri qawinaq kan janila xek'iyer. Xuben k'a chike chi más kuchuq'a' chikiwech ri e etzelanel kichin.

Ex 10:15

Kan xkinojisaj ruwi' ri ulew chijun ri ruwach'ulew, kan xq'equmatej ruwi' ri ulew koma ri sak'. Xkik'is k'a el ronojel ri kolotajineq kan pa ruq'a' ri saqboch, ri tiko'n pa taq juyu', ri kiwech ri che'. Ni xa ta juba' chik rex ri xk'oje' kan chike ri che'.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Q'axanri'il 23:7

K'ari' ri Balaam xch'on k'a y xuq'alajirisaj ri ruch'abel ri Jehová chike y xubij k'a: Rat Balac k'a kela' pa nuruwach'ulew Aram xinabek'ama-wi-pe, Rat rey richin Moab ri atk'o pa taq juyu', ri pa relebel-q'ij xinak'en-pe wawe'. Xabij: Katanpe k'a y ja rat ri kach'on woma yin. Katanpe k'a y tawoyoj itzel chirij ri rutinamit kan ri Jacob, xacha' chuwe.

Wuj Richin ri Q'axanri'il 31:8

Y chikikojol k'a ri' xekikamisaj kan e wo'o' rey richin ri Madián: Ri Eví, ri Réquem, ri Sur, ri Hur y ri Reba. Chuqa' xkikamisaj kan chi espada ri Balaam, ruk'ajol ri Beor.

Deut 23:4

roma toq roj xojq'ax chunaqaj ri kiruwach'ulew, toq oj eleneq-pe pan Egipto, rije' man xkisuj ta juba' qaway, ni juba' qaya'. Y chuqa' xkitoj ri Balaam, ruk'ajol ri Beor, ri peteneq pa Petor richin ri Mesopotamia, richin tuya' jun etzelanik pa qawi'.

Deut 23:5

Jak'a ri Jehová ri qa-Dios man xrak'axaj ta ri Balaam, y pa ruk'exel ri itzel oyonik xa kan ja ri urtisanik xuya' pa qawi', roma janila rajowabal ri Jehová ri qa-Dios pa qawi' roj.

Wuj Richin ri Josúe 13:22

Y chikikojol ri xekikamisaj ri israelita, xken chuqa' ri achin ri nubananej chi nuq'alajirisaj ri peteneq, ri rubini'an Balaam ralk'ual ri Beor.

Wuj Richin ri Josúe 24:9

Y ri Balac rey kichin ri aj-Moab ruk'ajol ri Sipor xyakatej k'a pe richin nuben oyowal iwik'in rix. Y chuqa' xuteq royoxik ri Balaam, ri ruk'ajol ri Beor, richin xroyoj ta itzel pan iwi' rix.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.