Wuj Richin ri Q'axanri'il 21:34 - Kaqchiquel Bible

³⁴ Xeri' ri Jehová xubij chire ri Moisés: Man taxibij-awi' chuwech rija', roma yin xkenjech pan aq'a', e rachibilan konojel ri ruwinaq y chuqa' xtinya' chiwe ri kulew. Xaxe tabana' rik'in achi'el xaben rik'in ri Sihón, rey kichin ri winaqi' amorreo ri xk'oje' kan pan Hesbón.

Wuj Richin ri Q'axanri'il 21:34 Iomraidhean Croise

2 Sam 5:19

K'ari' ri David xuk'ulubej ri Jehová richin nretamaj wi ruk'amon niyakatej-el chikij richin niberubana' oyowal kik'in. Y xuk'utuj chuqa' wi yerujech pa ruq'a'. Y ri Jehová xubij chire chi kan xkerujech-wi pa ruq'a'.

1 Rey 20:13

Jari' toq jun q'alajirisey ruch'abel ri Dios xch'on rik'in ri Acab y xubij chire: Kere' rubin-pe ri Jehová: Stape' rat ye'atz'et e janila chi etzelanel awichin, jak'a yin xkenjech pan aq'a' re wakami. Xtinben kere' richin nawetamaj chi ja yin Jehová, nicha' ri Jehová, xcha' chire.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

2 Rey 3:18

Y re' kan ti juba' ok chire ronojel ri nuben ri Jehová; Pa ruwi' re' rija' kan xkerujech k'a pan iq'a' ri aj-Moab.

Wuj Richin ri Isaías 41:13

Ronojel re' xtibanatej roma ja yin Jehová ri in i-Dios, y yin xtinchop kow ri iq'a' richin man xkixtzaq ta, y ninbij chiwe chi man tixibij-iwi', roma yin xkixinto'.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Wuj Richin ri Q'axanri'il 32:4

kan jebel q'os k'o chuwech, richin yek'oje' ri qawej chiri', roma roj kan e k'iy k'a ri awej ek'o qik'in.

Deut 2:30

Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.

Deut 20:3

y xtubij chike: Tiwak'axaj rix qawinaq; wakami xtibechapa' oyowal kik'in ri e etzelanel qichin, man timayamo-qa ri iwánima y man tixibij-iwi', y man kixbaybot chikiwech.

Deut 3:1

Chirij ri', xqachop-el ri jun chik bey ri nibe pa Basán, jari' toq ri rey Og e rachibilan-pe konojel ri aj-labal, xojokik'ulu' chiri' pa tinamit Edrei, richin nokibana' oyowal qik'in.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

Deut 31:6

Kan kow k'a kixk'oje', titija' iq'ij y man tixibij-iwi' chikiwech, roma ri Jehová ri qa-Dios kan k'o iwik'in y man xkixrumalij ta kan, xcha' ri Moisés.

Deut 7:17

Rik'in juba' rix nibij-qa pan iwánima: Re winaqi' kichin re ruwach'ulew re' kan k'o-wi más kuchuq'a' chiqawech roj, ¿achike k'a xtiqaben richin chi xkeqelesaj-el?, xkixcha'.

Deut 7:18

Jak'a man tixibij-iwi' chikiwech, xaxe toqaqa chi'ik'u'x ri xuben ri Jehová rik'in ri rey richin Egipto y kik'in ri ruwinaq.

Deut 7:21

Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Deut 7:24

Y xkerujech ri ki-rey pan iq'a' y xkek'oje' chuxe' itzij rix, y rix xtiben chike chi ni jun chike rije' xtinatex ri rubi' chuwech re ruwach'ulew. Y man jun chike rije' xtupaba' ta ri' chiwech rix y kan xke'ik'is.

Wuj Richin ri Josúe 10:25

Y ri Josué xubij chike ri aj-raqen ri': Man tixibij-iwi' ni man timayamo-qa ri iwánima: titija' iq'ij y kow kixk'oje', roma keri' xtuben ri Jehová chike konojel ri e etzelanel qichin ri xtibebana' oyowal kik'in, xcha'.

Wuj Richin ri Josúe 10:8

Y ri Jehová xubij chire ri Josué: Man tik'en kikiy rije', roma yin xenjech yan pan iq'a'. Man jun chike rije' ri xtitikir ta xtupaba' ri' chiwech, xcha'.

Wuj Richin ri Josúe 8:7

Y jari' toq rix xkixyakatej-pe chire ri pikbel, y xkixok k'a chupan ri tinamit, roma ri Jehová ri qa-Dios xtujech chiqe.

Wuj Kichin ri To'onela' 11:30

K'ari' ri Jefté k'o jun xusuj chire ri Jehová y xubij: Wi xke'ajech ri winaqi' amonita pa nuq'a',

1 Sam 23:4

Y k'ari' ri David xuk'ulubej chik jun bey ri Jehová ri achike k'atzinel chi nuben, y ri Jehová xubij chire: Kixyakatej y kixbiyin-qa pa tinamit Queilá, roma yin kan xkenjech pan iq'a' ri aj-Filistea, xcha' ri Jehová.