Wuj Richin ri Q'axanri'il 21:16 - Kaqchiquel Bible

¹⁶ Y toq xe'el-el ri chiri' pa k'ulba't richin ri Moab, xe'apon pa Beer y chiri' k'o-wi ri pozo ri akuchi toq ri Jehová xubij chire ri Moisés chi kerumolo' konojel ri winaqi' richin chi ri Jehová nuya' kiya'.

Wuj Richin ri Q'axanri'il 21:16 Iomraidhean Croise

Wuj Richin ri Rutikeribel 21:19

K'ari' ri Dios xuben chire richin xujeq ri runaq'-ruwech ri Agar, y xutz'et jun pozo. K'ari' xbe y xberunojisaj-pe ri tz'um richin ya' y xuya' ruya' ri ala'.

Ex 17:6

Yin xkinik'o k'a el chawech y xkibek'oje' pa ruwi' ri nimalej abej ri k'o chiri' pan Horeb. K'ari' rat xtak'osij ri nimalej abej ri' y chiri' xtel-pe ya' richin nikiqum ri awinaq. Y ri Moisés kan keri' k'a xuben chikiwech ri achi'a' ri k'o kiq'ij chikikojol ri israelita.

Wuj Richin ri Isaías 12:3

Toq jun wineq chaqi'j ruchi', y nuqum juba' ch'ich' ya', kan janila nikikot. Keri' chuqa' yojkikot roj toq rat Jehová yojakol.

Wuj Richin ri Isaías 15:8

Ri raqoj-chi'ij kichin ri winaqi' ri' xtapon k'a pa ruk'ulba't ri ruwach'ulew Moab. Ri koq'ej xtapon k'a pa tinamit Eglaim y pa Beer-elim.

Wuj Richin ri Isaías 43:20

Kan jajun ri chikopi' ri ek'o pa k'echelaj xtikiya' nuq'ij, achi'el ri utiwa' y ri túkur. Kan xtinya' raqen taq ya' pa tz'iran ruwach'ulew, y xkenjeq rubey ya' chupan ulew ri akuchi man niwachin ta, richin chi xtinya' kiya' ri nutinamit ri kan nucha'on.

Wuj Richin ri Isaías 49:10

Kan man xkewayjan ta, ni man xtichaqi'j ta kichi'. Chuqa' ri q'ij y ri k'aten kan man jun xtuben chike. Roma yin yenwajo' rije', y roma ri' yin kan xkenyuqej chuchi' ri raqen taq ya'.

Wuj Richin ri Q'axanri'il 20:8

Tachapa' ri ch'ame'y, y rat awachibilan ri awach'alal Aarón ke'imolo' konojel ri iwinaq chuwech ri nimalej abej ri k'o chiri'. K'ari' kan chikiwech konojel ri winaqi' ri' kach'on chire ri abej y xtibeq'ejej-pe ya'. Y keri' k'a xtaben chi xtibe'el-pe ya' richin ke'uk'ya' ri awinaq y chuqa' richin ke'uk'ya' ri kawej, xcha'.

San Juan 4:10

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Wuj Kichin ri To'onela' 9:21

Toq xuk'is k'a rubixik ronojel re', ri Jotam xanimej, y xbe pa tinamit Beer. Chiri' xk'oje-wi roma nuxibij-ri' chuwech ri Abimélec ri rach'alal.