Wuj Richin ri Q'axanri'il 20:4 - Kaqchiquel Bible

⁴ ¿Achike roma xojak'en-pe chupan re tz'iran ruwach'ulew re', xaxe richin chi yojken kan wawe' roj y ri qawej?

Wuj Richin ri Q'axanri'il 20:4 Iomraidhean Croise

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Ex 17:3

Y ri winaqi' kan janila k'a xchaqi'j kichi' ri chiri' y xa xexebexot chirij ri Moisés y xkibij chire: ¿Achike roma xojawelesaj-pe pan Egipto, xaxe richin yojken kan roma chaqi'j-chi'ij qonojel roj, ri qalk'ual y ri qawej?, xecha'.

Ex 5:21

Y ri aj-raqen ri' xkibij chike ri Moisés y ri Aarón: Ja ri Jehová xtuq'et-tzij pan iwi', roma ri yixajin chubanik roma ja rix ri k'o imak chi ri rey y ri e rusamajela', man yojqa' ta chik chikiwech, y kan jak'a rix ri xixbanon chi xkichop ri ki-espada richin yojkikamisaj, xecha'.

Wuj Richin ri Q'axanri'il 11:20

xa kan richin jun ik', kan xtikitej k'a ti'ij k'a toq xtikiben na xib y kan jumul k'a xtikixowaj, roma man xkiya' ta wejqalen yin Jehová ri ink'o chi'ikojol, y xa xe'oq' janila chinuwech y xkibij chi achike roma xe'el-pe pa ruwach'ulew Egipto. Keri' tabij chike, xcha' ri Jehová.

Wuj Richin ri Q'axanri'il 11:5

Noqaqa chiqak'u'x toq xqatej ker ri chila' pan Egipto, ri choj keri' xya'ox chiqe y chuqa' toq xqatej ri pepino, ri melón, ri xunaket, ri achi'el xunaket y ri anx.

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

Wuj Richin ri Q'axanri'il 16:41

Jak'a pa ruka'n q'ij chire ronojel ri', kan konojel ri winaqi' richin ri tinamit xexebeloj yan chik chikij ri Moisés y ri Aarón, y nikibila' k'a: Ja rix xixkamisan kichin ri winaqi' richin ri Jehová, yecha'.

Hechos 7:35

Kan ja ri Dios ri xtaqo-el ri Moisés chikikolik ri ruwinaq, y chi kan ja chuqa' rija' ri nuk'uan kichin. Y ri xto'on richin ri Moisés, ja ri ángel ri xuk'ut-ri' chuwech chupan ri ruxulu' kiej, y nik'at. Re Moisés re', jare' ri xetzelex koma ri ruwinaq, y achoq chire bin-wi: ¿Achike biyon chawe chi nim aq'ij y yatikir chuqa' naq'et-tzij pa qawi'?, keri' kibin chire.

Wuj Kichin ri To'onela' 11:16

Roma toq ri qati't-qamama' xe'el-pe pan Egipto, xkiq'axaj ri tz'iran ruwach'ulew ri napon rik'in ri Kaqa-Palou, y xe'apon k'a pa tinamit Cadés.