Wuj Richin ri Q'axanri'il 20:21 - Kaqchiquel Bible

²¹ Y roma rija' kan man xuya' ta q'ij chike ri winaqi' israelita richin chi yeq'ax chupan ri ruruwach'ulew, roma ri' rije' xkijel kibey y k'a nej chik xebesutin-pe.

Wuj Richin ri Q'axanri'il 20:21 Iomraidhean Croise

2 Crón 20:10

Jak'a re wakami jare' e peteneq richin nokibana' oyowal qik'in ri e rijatzul kan ri Amón, ri Moab y ri winaqi' ri aj chuwi' taq juyu' richin ri Seir. Ri ojer kan toq ri qati't-qamama' xeq'ax-pe chupan ri kiruwach'ulew ri winaqi' ri' toq e eleneq-pe pan Egipto, rat kan man xawajo' ta chi xok-apo ri atinamit Israel chiri'; xa xabij k'a chike chi tikich'ara-ki' kik'in, y man jun itzel tikiben kan chike.

Wuj Richin ri Q'axanri'il 21:23

Jak'a ri Sihón xa man xrajo' ta chi ri israelita xeq'ax ta chiri' pa ruruwach'ulew. Xa pa ruk'exel chi xuya' ta q'ij chike, xa xerumol k'a konojel ri ruwinaq richin oyowal y xeyakatej-el richin xebe k'a pa tz'iran ruwach'ulew richin chi xeberuchapa' chi oyowal ri winaqi' israelita. Y toq xe'apon ri chiri' pa Jahas, jari' toq xekichop chi oyowal.

Wuj Richin ri Q'axanri'il 21:4

Ri israelita xe'el k'a pe ri chiri' rik'in ri juyu' Hor, ri akuchi ek'o-wi-qa y xkik'uaj-el ri bey ri nibe-qa k'a rik'in ri Kaqa-Palou, richin chi nikisutij-rij ri ruwach'ulew Edom y man yeq'ax ta chiri'; jak'a ri israelita xa xkimalij kik'u'x roma janila k'ayew kina'on.

Deut 2:27

Tabana' utzil chiqe richin yojq'ax-el chupan ri aruwach'ulew y kan choj k'a xtiqojqaj-el ri nima-bey y man xtiqach'er ta kan qi'.

Deut 2:29

Achi'el xkiben qik'in ri winaqi' edomita ri ek'o pa Seír y ri winaqi' moabita ri ek'o pan Ar, keri' ta k'a xtaben qik'in rat. Kan xqojato' ta k'a toq xtiqaq'axaj ri raqen-ya' Jordán richin yojapon chupan ri ruwach'ulew ri akuchi rusujun-wi ri Jehová qa-Dios chiqe, xicha'.

Deut 23:7

Man rik'in ri' man ke'iwetzelaj ri e rijatzul kan ri Edom, roma xa kan e iwach'alal naqaj, y keri' chuqa' ri aj-Egipto, roma rix chuqa' xixk'oje' pa kiruwach'ulew rije'.

Wuj Kichin ri To'onela' 11:17

Jari' toq xekiteq achi'a' ri e uk'uey rutzijol rik'in ri rey richin Edom, y xkibij chire: Niqak'utuj utzil chawe richin naya' ta q'ij chiqe richin yojq'ax pa iruwach'ulew, xecha' chire. Jak'a ri rey ri' xa xuben richin man xniman ta chike. Chuqa' xkiteq rutzijol chire ri Balac rey richin Moab, y chuqa' rija' man xrajo' ta; y roma ri' ri qati't-qamama' xek'oje-qa chiri' pa Cadés.

Wuj Kichin ri To'onela' 11:18

Chirij re' ri qati't-qamama' xebiyin pa tz'iran ruwach'ulew y xkisutij-rij ri ruwach'ulew Edom y chuqa' ri ruwach'ulew Moab. Xepe keri' pa relebel-q'ij chire ri Moab, y xek'oje-qa ri pa xokon chire ri raqen-ya' Arnón, y man xe'ok ta apo pa ruwach'ulew Moab; roma ri Arnón jari' ri k'ulba't richin ri Moab.

Wuj Kichin ri To'onela' 11:24

Wi ta ri a-dios Quemós k'o ta nujech chawe, ¿kan man nok ta kami awichin rat? Keri' ronojel k'a ri xuya' kan ri Jehová ri qa-Dios chiqe jari' ri xok qichin roj.