Wuj Richin ri Q'axanri'il 19:13 - Kaqchiquel Bible

¹³ Y wi ri wineq ri nuchop jun ch'akulaj richin jun kamineq xa man nrajo' ta nuch'ajch'ojirisaj-ri', kan nuben chuqa' chi man ch'ajch'oj ta chire ri wachoch richin molojri'il. Ri wineq ri' xtiwelesaj k'a el chi'ikojol, roma man xchikex ta ri ya' ri richin ch'ajch'ojirisanik chirij y kan xtrejqalej k'a ri rumak.

Wuj Richin ri Q'axanri'il 19:13 Iomraidhean Croise

Ex 30:33

Roma ri' wi k'o jun ri nibanon aceite achi'el re wichin yin, o k'o ta jun ri niq'ejo pa ruwi' jun xabachike wineq, ri xtibanon keri' kan jumul k'a telesex-el chi'ikojol.

Wuj Richin Etamabel-Tzij 14:32

Toq kan noqaqa k'a ri ruk'ayewal, ri wineq itzel xa man xtikowin ta pa ruq'a'; jak'a ri choj ruk'aslen, stape' k'o chik chuwech ri kamik, kan k'o ri akuchi nuto-ri'.

Ez 44:26

Ri sacerdote ri nibanon keri' kan k'o chi nuch'ajch'ojirisaj-ri' y chirij ri' k'o chi nroyobej chik wuqu' q'ij.

Wuj Richin ri Chojmirisabelri'il 15:31

Keri' xtiben k'a chi ri iwinaq ri man e ch'ajch'oj ta, man xke'ok ta apo chupan ri wachoch ri k'o chi'ikojol. Jak'a wi xke'ok-apo, kan xkeken roma nikitz'ilobisaj ri akuchi ink'o-wi yin, xcha' ri Jehová chire ri Moisés y ri Aarón.

Wuj Richin ri Chojmirisabelri'il 22:3

Chuqa' tabij chike rije': Xabachike chike ri iwijatzul ri ek'o wakami y ri xkepe chiwech-apo, wi xtijel-apo rik'in ri sipanik ri sujun chuwe yin Jehová, koma ri iwinaq, y ri sacerdote ri' xa man ch'ajch'oj ta, kan xtelesex k'a el chinuwech yin; yin Jehová ri yibin.

Wuj Richin ri Chojmirisabelri'il 22:4

Jun sacerdote nok man ch'ajch'oj ta wi k'o ta yabil ri nutaluj-ri' chirij, o ri nel ta ri achi'el ya' chupan ri rukowil, o xtuchop jun ch'akulaj kamineq, o jun wineq ri man ch'ajch'oj ta, o jun chikop ri man ch'ajch'oj ta. Roma ri' man nutej ta ri sipanik ri e jachon chuwe k'a toq xtich'ajch'ojir na.

Wuj Richin ri Chojmirisabelri'il 5:17

Wi k'o jun chiwe rix nuq'ej ruwi' jun chike ri nupixa', stape' man retaman ta chi xa man utz ta ri banobel ri', rija' kan nimakun y kan nrejqalej-wi ri rumak.

Wuj Richin ri Chojmirisabelri'il 5:3

wi k'o ta jun wineq nuchop ri man ch'ajch'oj ta richin jun wineq stape' man xunabej ta;

Wuj Richin ri Chojmirisabelri'il 5:6

Y richin chi nikuyutej ri rumak roma jun ch'a'oj ri xuben, xtuk'en k'a pe jun ixoq karne'l o jun ixoq tzuntzun richin kamelabel richin nikuyutej rumak. Ri sacerdote xtusuj re kamelabel re' chinuwech, y k'ari' nink'en chik ruwech ri wineq ri'.

Wuj Richin ri Chojmirisabelri'il 7:20

Jak'a ri wineq ri xa man ch'ajch'oj ta, y nutej ri ti'ij richin ri sipanik ri', rija' nimakun. Y roma ri' k'o chi telesex-el chikikojol ri ruwinaq.

Wuj Richin ri Chojmirisabelri'il 7:21

Keri' k'a wi jun wineq nuchop ta xabachike ri man ch'ajch'oj ta kichin winaqi' o kichin chikopi', o nuchop ta chik jun ri man ch'ajch'oj ta, rija' kan man ch'ajch'oj ta chik k'a. Y nimakun wi nutej juba' chire ri ti'ij ri', y roma ri' re wineq re' kan k'o chi telesex-el chikikojol ri ruwinaq, xcha' ri Jehová.

Wuj Richin ri Q'axanri'il 15:30

Y wi k'o ta jun wineq ri kan rik'in rija' nalex-wi-pe chi nimakun, ri wineq ri' stape' ta jun chiwe rix o jun chike ri man e iwinaq ta, k'o chi nikamisex-el, roma xa xuben chuwe yin Jehová chi xa xuqasaj nuq'ij.

Wuj Richin ri Q'axanri'il 19:14

Jare' ri ruchojmilal ri niban toq k'o jun wineq niken pa rachoch. Konojel ri ek'o rik'in y konojel ri xke'ok-apo pa jay, kan xke'ok man ch'ajch'oj ta richin wuqu' q'ij.

Wuj Richin ri Q'axanri'il 19:18

K'ari' nipe k'a jun achin ri ch'ajch'oj y nuchop jun boraj q'ayis hisopo y nuju' chupan ri ya' ri'. Xeri' nuchikaj pa kiwi' ri winaqi' ri xek'oje' rik'in ri kamineq y pa ruwi' ri jay akuchi xk'oje-wi ri kamineq y chuqa' pa ruwi' ronojel ri k'o chupan ri jay ri'. Nuchikaj chuqa' chirij ri wineq ri xchapo rubaqil jun kamineq, chuqa' chirij ri xchapo ri kamisan kan, ri xchapo ri kamineq ri xa choj xken y ri pa ruwi' chuqa' ri xchapo jun muqbel.

Wuj Richin ri Q'axanri'il 19:19

Ri ch'ajch'oj achin xtuchikaj k'a ri ya' ri' chirij ri man ch'ajch'oj ta pa rox q'ij y pa ruwuq q'ij. Toq ruch'ajch'ojirisan chik, ri wineq ri' nuch'ej ri rutziaq, natin-el y ja ri aq'a' ri' xtich'ajch'ojir.

Wuj Richin ri Q'axanri'il 19:20

Jak'a wi k'o jun wineq ri man ch'ajch'oj ta y kan man nrajo' ta nuch'ajch'ojirisaj-ri' y man xchikex ta chuqa' ri ya' pa ruwi', ri wineq ri', kan xtiwelesaj k'a el chi'ikojol, roma kan nuben chire ri wachoch chi man ch'ajch'oj ta.

Wuj Richin ri Q'axanri'il 19:9

K'ari' jun chik achin ri kan ch'ajch'oj, niberujoko-pe ri ruchajul ri wákix y niberuya' kan k'a chuchi-el ri akuchi ek'o-wi-qa, ri akuchi kan ch'ajch'oj-wi. Xtuyek k'a richin nik'atzin chike ri ch'aqa' chik iwinaq, richin chi nikiya' chupan ri ya' richin ri ch'ajch'ojirisanik y richin chuqa' nikikusaj richin kuyubel-mak.

Wuj Richin ri Q'axanri'il 8:7

Nachikaj ri ya' richin kuyubel-mak pa kiwi' rije' y tabij chike chi nikisokaj ri rusumal chijun ri kich'akul y chuqa' tikich'aja' ri kitziaq.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

San Juan 8:24

Kan roma ri' xinbij k'a chiwe chi chupan ri imak yixken-wi. Y wi xa man ninimaj ta chi ja yin ri' ri kan jantape' ink'o, kan xkixken na wi chupan ri imak, xcha'.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Hebreos 9:10

Ri nabey jikibel-tzij, xaxe k'a xch'on chirij ri achike nikitej y nikiqum y ri jalajoj rubanikil ch'ajch'ojirisanik ri k'o chi nikiben. Ronojel ri xchilabex chike chi tikibana', xaxe numej ri ch'akulaj; y jari' ri ukusan-pe kan k'a toq xoqaqa ri q'ij toq k'o chi xjalatej ronojel ri'.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Apocalipsis 22:11

Roma ri' ri man choj ta ruk'aslen, tubana' k'a ri nrajo'. Y ri uk'uayon jun tz'ilolej k'aslen, tubana' k'a ri nurayij. Jak'a ri choj kik'aslen, man tikijel rubanik. Y ri e ch'aron richin ri Dios, kan keri' k'a tikibana-apo.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.