Wuj Richin ri Q'axanri'il 18:9 - Kaqchiquel Bible

⁹ Rat y ri e ak'ajol kan xtik'en-wi k'a juba' chire ronojel ri kamelabel richin kuyubel-mak, ri sipanik richin ri xajanbel y ri sipanik richin jalajoj ruwech ixin. Y ri juba' ri xtik'en, ja ri juba' chire ri man yeporox ta. Ronojel k'a re sipanik re', kan e ch'aron chuwe yin y roma ri' kan awichin k'a rat y kichin chuqa' ri e ak'ajol.

Wuj Richin ri Q'axanri'il 18:9 Iomraidhean Croise

2 Rey 12:17

Chupan k'a ri q'ij ri' ri Hazael rey richin Siria, xyakatej richin xberubana' oyowal rik'in ri tinamit Gat, y xeruch'ek k'a. Y k'ari' xjote-el richin xberubana' oyowal kik'in ri aj-Jerusalem.

Wuj Richin ri Nehemías 10:36

Y keri' chuqa' ri nabey taq qak'ajol y ri nabey taq kal ri qawej, xtiqak'en-pe pa rachoch ri Dios, chikiwech ri sacerdote ri yesamej chiri', achi'el ri tz'ibatel kan chupan ri pixa'.

Ez 42:13

K'ari' ri achin xubij chuwe chi ri jay ri ek'o pa xaman y ri ek'o pa xokon chire ri ruwa-jay ri k'o chuwech ri rachoch ri Dios, re' kan e ch'aron kichin ri sacerdote. Kan chiri' xtikitej-wi ri sipanik ri ch'aron chire ri Jehová, nel chi tzij ri sipanik ri jalajoj ruwech ixin, ri kamelabel richin kuyubel-mak y ri kamelabel richin ch'a'oj, roma re jay re' kan e ch'aron chire rija'.

Ez 44:29

Utz nikitej ri jalajoj ruwech ixin ri nisuj chuwe y chuqa' ri chikop richin ri kamelabel richin kuyubel-mak. Y ronojel ri nijech chuwe kan xtok k'a kichin rije'.

Wuj Richin ri Chojmirisabelri'il 10:17

¿Achike roma xa xiporoj ronojel ri ruch'akul ri chikop richin ri kamelabel ri richin kuyubel-mak y man xitej ta ri akuchi ri kan cha'on-wi? Re kamelabel re' kan richin ri Jehová, y rija' ruya'on chi kan nok iwichin rix, richin chi nitej y utz yixrutz'et.

Wuj Richin ri Chojmirisabelri'il 14:13

K'ari' niqupix ri ruqul ri chikop ri' ri akuchi kan ch'aron richin niqupix ri kiqul ri chikopi' richin kamelabel richin kuyubel-mak y ri chikop richin niporox chijun. Ja ri sacerdote ri k'o chi nikamisan ri chikop ri' richin kamelabel richin ch'a'oj ri chiri'; y ri ruch'akul ri chikop ri' kan ch'aron richin nok richin rija', achi'el ri ruch'akul ri chikop richin nikuyutej mak.

Wuj Richin ri Chojmirisabelri'il 2:10

Y ri xtik'oje' kan chire ri sipanik ri man xporox ta, xtok kichin ri e sacerdote, y re' kan jun sipanik ch'aron roma xelesex-el juba' chire richin xporox chinuwech yin.

Wuj Richin ri Chojmirisabelri'il 22:11

Jak'a wi k'o ta jun sacerdote nuloq' ta jun rusamajel, ri samajel ri' kan utz nutej ri sipanik ri', chuqa' ri rusamajel ri alaxineq pa rachoch utz nutej.

Wuj Richin ri Chojmirisabelri'il 4:22

Wi k'o jun aj-raqen nuq'ej ruwi' jun chike ri nupixa', y man xunabej ta chi man utz ta ri xuben,

Wuj Richin ri Chojmirisabelri'il 4:27

Wi k'o jun chike ri winaqi' nuq'ej ruwi' jun chike ri nupixa', y man xunabej ta chi man utz ta ri xuben,

Wuj Richin ri Chojmirisabelri'il 5:1

Ja mak re' ri nik'atzin chi nisuj jun chikop richin nikuyutej rumak ri wineq: Wi jun ri nimakun ta roma noyox richin nubij ronojel ri xutz'et, richin nuq'alajirisaj ri achike xutz'et o xretamaj y man nrajo' ta nubij;

Wuj Richin ri Chojmirisabelri'il 5:6

Y richin chi nikuyutej ri rumak roma jun ch'a'oj ri xuben, xtuk'en k'a pe jun ixoq karne'l o jun ixoq tzuntzun richin kamelabel richin nikuyutej rumak. Ri sacerdote xtusuj re kamelabel re' chinuwech, y k'ari' nink'en chik ruwech ri wineq ri'.

Wuj Richin ri Chojmirisabelri'il 6:17

Ri sipanik ri' kan ch'aron chuwe yin, junan rik'in ri kamelabel ri niporox richin kuyubel-mak y chuqa' ri kamelabel toq k'o jun ri nitzolix ri ruk'exel. Re' kan ch'aron chuwe yin roma niya' ronojel chuwe richin niporox. Jak'a re juba' ri man xporox ta, re' ninya' chike ri e ruk'ajol ri Aarón richin nok kichin, y kan jantape' xtiban keri'.

Wuj Richin ri Chojmirisabelri'il 6:19

Xch'on chik jun bey ri Jehová Dios rik'in ri Moisés y xubij:

Wuj Richin ri Chojmirisabelri'il 6:30

Jak'a ri kamelabel richin kuyubel-mak ri kan nuk'uex-apo ri rukik'el ri pa wachoch, ri richin nink'en chik ruwech ri wineq, re ti'ij re' man jun xtitijo, xa kan xtiporox k'a ronojel.

Wuj Richin ri Chojmirisabelri'il 7:1

Y jare' ri ruchojmilal ri kamelabel ri k'o chi nibe pa ruwi' ri ruk'exel ri sachineq; y re' kan ch'aron xaxe chuwe yin.

Wuj Richin ri Chojmirisabelri'il 7:6

Re jun kamelabel re' kan janila rejqalen, y roma ri' xaxe ri sacerdote y ri achi'a' ri e kach'alal-ki' ri utz yetijo.

Wuj Richin ri Chojmirisabelri'il 7:7

Kan achi'el k'a ruchojmilal ri jujun chike ri kamelabel ri nisuj richin kuyubel-mak, kan keri' chuqa' ri ruchojmilal ri kamelabel ri nisuj roma jun ch'a'oj. Ri ruch'akul ri chikop ri nisuj pa ruwi' ri porobel kan nok k'a richin ri sacerdote ri nisuju-apo ri kamelabel.

Wuj Richin ri Q'axanri'il 18:10

Ronojel k'a re' kan chuwa-jay chire ri wachoch ri xtitej-wi. Konojel ri achi'a' ri yesamej pa wachoch kan xtikitej chuqa' re sipanik re'; kan keri' k'a tibana' chire ri ch'aron chuwe yin.

Deut 18:1

Ri e sacerdote levita y chijun ri tzobaj richin Leví man jun xtikichinaj achi'el ri ch'aqa' chik qawinaq. Roma ri kamelabel y ri sipanik ri niqasuj chuwech ri Jehová, jari' ri xtok kichin rije'.