Wuj Richin ri Q'axanri'il 18:5 - Kaqchiquel Bible

⁵ Jak'a rix ri k'o chi yixpa'e' chuwech ri samaj richin ri wachoch yin y chuqa' ri samaj rik'in ri porobel, richin chi man niyakatej ta chik woyowal pa kiwi' ri iwinaq israelita.

Wuj Richin ri Q'axanri'il 18:5 Iomraidhean Croise

1 Crón 23:24

Jare' ri e rijatzul kan ri Leví ri e aj-raqen pa kiwi' ri e aj pa kachoch y ri tz'ibatel kan ri kibi' toq xe'ajlex. Konojel re achi'a' re' k'o juwineq kijuna' pa jotol y yesamej pa rachoch ri Dios.

1 Crón 23:32

Y keri' ri e levita kan xkiben k'a ri xbix chike richin ri rachoch ri Dios richin molojri'il y chuqa' richin ri jay ri akuchi k'o-wi ri Dios. Re levita re' xek'oje' chuxe' kitzij ri e rijatzul kan ri Aarón.

1 Crón 24:5

Roma ek'o sacerdote y aj-raqen chupan ri rijatzul ri Eleazar y keri' chuqa' chupan ri rijatzul ri Itamar, ri David xuk'utuj chire ri Dios richin nuq'alajirisaj ri achike q'ij ri yesamej chupan ri jay richin ri Dios.

1 Crón 9:19

Ri Salum ruk'ajol ri Coré y rumam ri Ebiasaf, y ri Ebiasaf ruk'ajol kan ri jun chik Coré. Ri Salum y ri e kach'alal kan ek'o pa ruwi' ri samaj ri nikichajij ruchi' ri rachoch ri Dios, achi'el xkiben ri kati't-kimama' rik'in ri rachoch ri Dios banon rik'in tzieq.

1 Crón 9:23

Rije' y ri kik'ajol xkichajij ruchi' ri rachoch ri Jehová, ri nibix chuqa' chire ri rachoch banon rik'in tzieq, y kan chi sol chi sol ri keri' xkiben.

1 Crón 9:33

Ek'o chuqa' bixanela' aj-raqen kichin ri aj pa kachoch ri ek'o chiri' chupan ri rachoch ri Dios, y man nikik'en ta re samaj re', roma kan k'o kisamaj chi paq'ij chi chaq'a'.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Wuj Richin ri Jeremías 23:15

Roma ri' yin Jehová ri k'o ronojel uchuq'a' pa nuq'a' kere' ninbij chiwe rix ri nibananej chi ix q'alajirisey nuch'abel: Xtinben chiwe chi xtitej xaqixaq. Chuqa' kan xtinya' k'a ya' chiwe ri yixrukamisaj. Iwoma rix qajineq ri etzelal pa ruwi' chijun ri ruwach'ulew.

Ez 44:15

Jak'a ek'o levita ri e rijatzul kan ri Sadoc ri kan xkiben ronojel pa ruchojmilal toq ri ch'aqa' chik israelita xkijech'ej kan ki' chire ri nubey. Re sacerdote re' utz k'a xkejel-apo chinuwech richin nikisuj ri q'en y ri kik' richin ri kamelabel pa ruwi' ri porobel.

Ez 44:16

Xaxe k'a rije' ri xke'ok-apo pa wachoch y xkejel-apo rik'in ri nu-mesa richin yinkisamajij. Jak'a rije' ri xkek'oje' pa ruwi' ri nusamaj.

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Wuj Richin ri Chojmirisabelri'il 24:3

Ri Aarón y ri nimalej sacerdote ri xtik'oje' kan pa ruk'exel, ja rije' ri xkechojmirisan ri candil richin chijun aq'a' yek'at chinuwech yin chupan ri wachoch ri juk'an-pe chire ri tasbel rupan ri jay. Re' kan jun pixa' ri nuya'on chiwe rix richin q'asen y chike ri iwijatzul.

Wuj Richin ri Zacarías 10:3

Roma ri' yin Jehová kan janila xyakatej woyowal chikij ri yuq'unela' ri'. Kan xtinya' k'a rutojbalil-mak pa kiwi'. Pa kik'exel rije', ja yin Jehová ri k'o ronojel uchuq'a' wik'in ri xkiyuq'un kichin ri winaqi' aj-Judá, y kan xtinben chike chi xtikina-ki' achi'el ri kiej ri janila kuchuq'a' richin yebe pa labal.

Wuj Richin ri Q'axanri'il 1:50

Roma ri levita jari' ri xkebesamej chupan ri wachoch richin ri nujikibel-tzij y xkek'oje' chuqa' pa ruwi' ri samajibel y ronojel ri ch'aqa' chik ri ek'o chiri'. Ja chuqa' rije' ri xke'uk'uan ri wachoch banon rik'in tzieq y ronojel ri k'o chupan, toq k'o chi nuk'uex-el juk'an chik. Kan ja wi k'a rije' ri e aj samaj ri pa wachoch y ri kachoch rije' kan chunaqaj ok ri wachoch yin xkekipabala-wi.

Wuj Richin ri Q'axanri'il 1:53

Jak'a ri levita kan xkekipabala-q'anej ri kachoch y xtikisutij-rij ri wachoch richin ri nujikibel-tzij, richin nikichajij chi man yixjel-apo, richin chi man niqaqa ta ri woyowal pan iwi'. Kan ja rije' ri xke'ok chajinela' richin ri wachoch richin ri nujikibel-tzij, xcha' ri Jehová.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Wuj Richin ri Q'axanri'il 18:4

Rije' xkesamej k'a awik'in y pa kiq'a' rije' xtik'oje-wi ronojel ruwech samaj richin ri wachoch. Y man jun wineq ri xa man richin ta ri itzobaj rix, ri xtijel ta apo iwik'in chubanik ri samaj ri'.

Wuj Richin ri Q'axanri'il 4:18

Richin chi man yeken ta rije' toq yejel-apo chikinaqaj ri samajibel, kan kere' k'a tikibana': Ri Aarón y ri e ruk'ajol xke'apon nabey chupan ri wachoch y k'ari' xke'ok-apo ri e rijatzul kan ri Quehat. Y ri Aarón y ri e ruk'ajol xtikibij ri kisamaj chikijujunal rije' y xtikibij chike ri achike chi ejqa'n ri k'o chi yekik'uaj-el. Jak'a man ke'ok-apo chutz'etik ronojel ri samajibel toq najin rupisik richin chi man yeken. Keri', man k'a tiya' q'ij richin chi yek'is-el chikikojol ri levita konojel ri aj pa rachoch kan ri Quehat, xcha' ri Jehová.

Wuj Richin ri Q'axanri'il 8:19

Yin xencha-pe ri levita chi'ikojol. K'ari' xinjech pa kiq'a' ri Aarón y ri e ruk'ajol. Ri levita ja rije' ri yesamej chiri' pa kik'exel ri ch'aqa' chik awinaq, richin rije' yesuju ri kamelabel richin chi yin nink'en chik kiwech ri awinaq. Richin keri' man jun xtik'uluwachij toq yixjel-apo rik'in ri wachoch, xcha' ri Dios.

1 Timoteo 1:18

Y rat Timoteo ri at achi'el nuk'ajol, ninbij k'a chawe chi man tamestaj ri kibin kan pan awi' ri rusamajela' ri Dios. Tatija' k'a aq'ij naben ri samaj achi'el jun utzilej aj-labal.

1 Timoteo 3:15

roma man jani wetaman ta wi xkitikir xkinapon chi'anin yan. Y ninwajo' chi nawetamaj ri achike chi k'aslen ri k'o chi nikik'uaj ri molaj qach'alal ri e ralk'ual chik ri k'aslik Dios ri etemeyon ri qitzij tijonik achi'el ri ruxe' y xata't richin jun jay.

1 Timoteo 5:21

Chuwech ri Dios y chuwech ri ajaw Jesucristo y chikiwech ri ángel ri e cha'on roma ri Dios, kan ninbij k'a chawe rat Timoteo, chi tabana' ronojel re' kik'in ri qach'alal, y man jun rukojol taben.

1 Timoteo 6:20

Y rat Timoteo, tachajij k'a ri samaj ri ya'on chawe. Man ke'ak'ul ri tzij ri xa man rik'in ta ri Dios e peteneq-wi, ri xa e richin re ruwach'ulew, y xa man jun nikik'en-pe chawe. Ri winaqi' ri yebin keri', nikibij chi k'o etamabel kik'in jak'a xa man keri' ta.