Wuj Richin ri Q'axanri'il 18:21 - Kaqchiquel Bible

²¹ Jak'a ri winaqi' levita, yin ninya' chike ronojel ri numol-ri' ri jun chire ri lajuj ri nikiya-pe konojel ri awinaq; y jare' ri nikichinaj rije', roma nikiben ri samaj ri chiri' pa wachoch richin molojri'il.

Wuj Richin ri Q'axanri'il 18:21 Iomraidhean Croise

Wuj Richin ri Rutikeribel 14:20

Y nim ruq'ij ri nimalej Dios, ri Dios ri kan man jun chik achi'el rija', ri Dios ri kan xerujech pan aq'a' ri e etzelanel awichin; keri' xubij ri Melquisedec chire ri Abram. Y ri Abram xuch'er k'a jun chire ri lajuj ri ruch'akon-pe pan oyowal y xuya' chire ri Melquisedec.

Wuj Richin ri Rutikeribel 47:24

y toq xtik'ol ri itiko'n, y ri jun chire ri ro' chire ronojel ri itiko'n ri xtik'ol niya' chire ri rey y ri kaji' chik chire ronojel xtok iwichin rix, richin ri iwija'tz y richin k'o xtitej kik'in ri iwalk'ual y ri ek'o pan iwachoch, xcha' ri José chike.

Wuj Richin ri Rutikeribel 47:26

Y ronojel re' kan xtz'ibatej kan pan Egipto, chi k'o chi niya'ox ri jun chire ri ro' chire ronojel ri tiko'n chire ri rey. Kan keri' ri pixa' ri xk'oje' kan pa kiwi' konojel ri winaqi'. Xaxe ri sacerdote ri man nikiya' ta, roma ri kulew rije' man xkik'ayij ta chire ri rey.

2 Crón 31:12

Y chiri' k'a xeyak-wi ronojel ri xmolotej, ri xkiya-apo ri israelita. Jak'a ri levita ri rubini'an Conanías ri xok aj-raqen pa ruwi' ri yakonabel, y ri pa ruka'n-qa chire rija' ja ri Simí ri rach'alal.

Wuj Richin ri Nehemías 10:29

Konojel rije' xkimol-ki' kik'in ri kach'alal ri k'o más kiq'ij ri kan xkiya' kitzij chi rije' kan xtikiben na wi ri nubij ri rupixa' ri Dios ri xuya' chire ri Moisés ri rusamajel. Y wi man xtikiben ta, kan tiqaqa k'a ri ruk'ayewal pa kiwi'.

Wuj Richin ri Nehemías 10:37

Y chuqa' xqaya' qatzij chi niqak'uaj pa rachoch ri Dios chike ri sacerdote ronojel re': Ri k'ej richin ri nabey taq k'ej, ri qasipanik richin jalajoj ruwech ixin, ri jebelej ruwech taq che' richin yetij, ri jebelej taq vino y ri jebelej taq aceite richin olivo. Y chike ri e levita niqaya' ri jun chire ri lajuj richin ronojel, toq rije' xke'el richin nikimol.

Wuj Richin ri Nehemías 10:38

Y toq rije' nikik'ul ri jun chire ri lajuj, k'atzinel chi kachibilan jun sacerdote ri rijatzul kan ri Aarón. Y xtikik'uaj ronojel re' chiri' pa yakonabel richin ri beyomel chupan ri rachoch ri Dios.

Wuj Richin ri Nehemías 12:44

Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'.

Wuj Richin ri Nehemías 12:47

Chupan ri ruq'ijul ri Zorobabel y yin ri in aj-raqen; chupan ri q'ij ri' ri tinamit xuya' kiway ri bixanela' y ri chajinela' richin ri rachoch ri Dios. Chuqa' xkiya' juba' chire ronojel chike ri levita, y re levita re' xkiyala' chuqa' chike ri sacerdote ri e rijatzul kan ri Aarón.

Wuj Richin ri Nehemías 13:12

Y k'ari' konojel ri nuwinaq xkiya' chik ri jun chire ri lajuj chire ri jalajoj ruwech ixin, ri vino y ri aceite chupan ri yakonabel richin ri Dios.

Wuj Richin ri Nehemías 13:5

Y roma ri' xuya' chire jun chike ri jay richin ri rachoch ri Dios richin nik'oje' chiri'. Jak'a ri jay ri' xa richin niyak ri sipanik, ri pom, ri samajibel richin pa rachoch ri Dios, ri jun chire ri lajuj chire ri jalajoj ruwech ixin, ri vino, ri aceite, y ronojel ri bitajineq chi niya'ox chike ri levita, ri bixanela' y ri chajinela'. Chiri' chuqa' niyak-wi ri sipanik ri kichin ri sacerdote.

Wuj Richin ri Malaquías 2:4

Yin Jehová in k'iytisanel richin ronojel xtinben keri' richin man niyojtej ta ri jikibel-tzij ri qabanon rik'in ri ánima Leví.

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

Wuj Richin ri Q'axanri'il 18:6

Roma ri levita xencha-pe chikikojol ri winaqi' richin ri tinamit, richin jun sipanik chiwe rix; kan e jachon k'a chuwe yin richin chi nikisamajij ri wachoch.

Wuj Richin ri Q'axanri'il 3:6

Ke'awoyoj k'a ri achi'a' richin ri tzobaj Leví, y ke'aya-apo chuwech ri nimalej sacerdote Aarón, richin chi nikito' chubanik ri samaj.

Wuj Richin ri Q'axanri'il 31:28

Chirij re' tich'ara' kan juba' richin xtiya' chuwe yin Jehová. Chire ri xtikichinaj kan ri aj-labal, xtik'en k'a kan jun chire ri e 500 chike ri winaqi' y ri nima'q y kokoj taq kawej.

Gálatas 6:6

Y rix ri yixtijox chire ri ruch'abel ri Dios, kan ke'ito' k'a ri yetijon iwichin. Ronojel ri utz ri k'o iwik'in rix kan tiya' chuqa' juba' chike rije'.

Deut 18:8

Junan ri kiway xtikik'ul, achi'el nikik'ul ri ch'aqa' chik levita, pa ruwi' ri nikik'ul chuwi-kiq'a' ri e aj pa rachoch.

Hebreos 7:5

Qetaman k'a chi ri pixa' richin kan ri Moisés nubij chi ri e riy-rumam kan ri Abraham k'o chi jantape' xkiya' ri jun chire ri lajuj chike ri e riy-rumam kan ri Leví ri xe'ok sacerdote, stape' kan junan kati't-kimama'.