Wuj Richin ri Q'axanri'il 18:1 - Kaqchiquel Bible

^1-2 Y ri Jehová xch'on chik rik'in ri Aarón y xubij chire: Tataqa' kik'amik ri ch'aqa' chik levita y ja rije' ri xketo'on awichin, rokik rat y ri e ak'ajol yixsamej-apo chupan ri wachoch. Kan ja rat, ri e ak'ajol y ri ch'aqa' chik levita ri xkixejqalen ronojel ri man utz ta nibanatej chupan ri wachoch. Jak'a ronojel ri man utz ta ri xtikiben ri sacerdote, kan xaxe k'a rat y ri e ak'ajol ri xkixejqalen.

Wuj Richin ri Q'axanri'il 18:1 Iomraidhean Croise

Ex 28:38

Kan jantape' k'a xtik'oje' ri tz'ajtz'ik q'anapueq nik'aj-ruwech ri Aarón, toq xkerusuj kamelabel kichin ri winaqi' chinuwech yin Jehová. Kan jantape' xtuk'uaj ri tz'ajtz'ik q'anapueq ri nik'aj-ruwech, richin chi yin kan utz xkentz'et.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Ez 4:4

Y chirij re', kakotz'e' y katzale' pan awajxokon 390 q'ij. Y re tijoj-poqonal re naq'axaj rat wakami, re' nuk'exewachuj ri 390 juna' ruk'ayewal ri xtikiq'axaj ri awinaq ri ek'o pa xaman roma ri kimak.

Wuj Richin ri Chojmirisabelri'il 10:17

¿Achike roma xa xiporoj ronojel ri ruch'akul ri chikop richin ri kamelabel ri richin kuyubel-mak y man xitej ta ri akuchi ri kan cha'on-wi? Re kamelabel re' kan richin ri Jehová, y rija' ruya'on chi kan nok iwichin rix, richin chi nitej y utz yixrutz'et.

Wuj Richin ri Chojmirisabelri'il 22:16

Keri' man tiya' q'ij richin rije' nikitej ri sipanik, richin man nikejqalej ri tojbalil mak, roma kan ja yin Jehová ri in ch'arayon ri sipanik ri', xcha'.

Wuj Richin ri Chojmirisabelri'il 22:9

Kan tiyaka' k'a pan iwánima ri pixa' ri nuya'on chiwe, richin keri' man yixqaqa ta pa mak, y richin man yixken ta roma niben chi man jun rejqalen ri pixa' ri'; yin Jehová ri in ch'arayon iwichin.

Wuj Richin ri Q'axanri'il 14:34

Ri nachanela' kawineq q'ij ri xbekibana' richin xbekinik'oj ri ruwach'ulew. Y rix xtiq'axaj tijoj-poqonal roma ri imak y k'ari' xtiwetamaj achike rupoqonal ri xtiqaqa pan iwi', roma yin in yakatajineq chiwij. Re' k'o chi niq'axaj kawineq juna', jun juna' roma jun q'ij.

Wuj Richin ri Q'axanri'il 16:10

Ri Jehová kan at ruya'on k'a rat Coré y konojel ri winaqi' levita ri e tzeqelibeyon awichin, richin ix ruya'on-apo chunaqaj rija'. ¿Y wakami rix kan nich'ojij chik richin chi yixok nimalej sacerdote?

Wuj Richin ri Q'axanri'il 17:13

Roma xabachike k'a ri xtijel-apo rik'in ri rachoch ri Dios ri akuchi k'o-wi ri ruch'ame'y ri Aarón kan xtiken. ¿Xa qonojel ajk'a xqojken ri'?, xecha'.

Wuj Richin ri Q'axanri'il 17:3

Y chirij ri ch'ame'y richin ri tzobaj richin ri Leví xtatz'ibaj k'a ri rubi' ri Aarón. K'o k'a chi numol-ri' ronojel ri ch'ame'y ri ruk'exewach chikijujunal ri aj-raqen pa kiwi' ri tzobaj.

Wuj Richin ri Q'axanri'il 17:7

Y xeri' ri Moisés xeberuya-apo ri ch'ame'y chuwech ri Jehová chupan ri rachoch.

Wuj Richin ri Q'axanri'il 18:11

Chuqa' ri sipanik ri xtok awichin rat, ja ri ch'aqa' chik sipanik ri nikiya' ri awinaq: Ri sipanik ri niyak chikaj y ri nisilox chinuwech. Re' kan awichin-wi rat y kichin ri awalk'ual ri k'a ek'o na awik'in. Konojel k'a ri ek'o pan awachoch ri kan e ch'ajch'oj, utz chuqa' nikitej. Re' kan kere' k'a xtuben-apo richin jantape'.

Wuj Richin ri Q'axanri'il 3:6

Ke'awoyoj k'a ri achi'a' richin ri tzobaj Leví, y ke'aya-apo chuwech ri nimalej sacerdote Aarón, richin chi nikito' chubanik ri samaj.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

Hebreos 13:17

Kan tiqanimaj k'a kitzij ri qach'alal ri e uk'uey qichin richin niqaya' kikoten pa taq kánima, roma ja rije' ri yechajin ri qánima, y k'o chi nibekiq'alajirisaj chuwech ri Dios ri samaj ri nikiben. Roma wi xa man niqanimaj ta kitzij, rije' xtikiben ri kisamaj rik'in bis. Y re' xa man jun utz ruk'amon-pe.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Wuj Kichin ri To'onela' 17:12

Y ri Micaías xuben chire ri ala' levita richin xok ru-sacerdote y xk'ase' chiri' pa rachoch.