Wuj Richin ri Q'axanri'il 16:41 - Kaqchiquel Bible

⁴¹ Jak'a pa ruka'n q'ij chire ronojel ri', kan konojel ri winaqi' richin ri tinamit xexebeloj yan chik chikij ri Moisés y ri Aarón, y nikibila' k'a: Ja rix xixkamisan kichin ri winaqi' richin ri Jehová, yecha'.

Wuj Richin ri Q'axanri'il 16:41 Iomraidhean Croise

1 Rey 18:17

Chirij ri' ri Acab xberutz'eta' ri Elías y xubij chire: ¿Ja rat ri' ri yasachon kik'u'x ri qawinaq israelita?, xcha'.

Wuj Richin Bix Chire ri Dios 106:13

Man rik'in ri', xa kan chi'anin k'a xkimestaj-qa ri nimalej rubanobal ri Jehová. Man xkinimaj ta k'a ri rupixa' rija'.

Wuj Richin Bix Chire ri Dios 106:23

Ri Jehová kan xrajo' chi xeruk'is ta konojel ri qati't-qamama'. Jak'a ri Moisés ri rucha'on rija', kan xch'on k'a pa kiwi' rije', richin chi xuqasaj ruwi' ri royowal, richin man xerukamisaj ta.

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Jeremías 38:4

Y ri aj-raqen xkibij chire ri rey: ¡Tikamisex re achin re'!, roma rik'in re ch'abel re nubij, nuben chike ri juba' aj-labal ri k'a ek'o kan, chi nikimalij kik'u'x y keri' chuqa' nuben chike ri winaqi' ri ek'o kan chiri' pa tinamit, roma re achin re' man ja ta ri utz nukanoj pa ruwi' re tinamit re', xa ja ri itzel ri nukanoj!, xecha'.

Wuj Richin ri Jeremías 43:3

Xa ja ri Baruc yataqchi'in richin yojaq'ol, xaxe richin chi yojajech pa kiq'a' ri aj-Babilonia, richin chi yojkikamisaj o yojkik'uaj-el, xecha'.

Am 7:10

Ri Amasías jari' ri sacerdote chiri' pa Betel. Y rija' xuteq rubixik chire ri Jeroboam rey richin Israel, y xubij chi yin yibiyaj chikikojol ri qawinaq israelita richin yich'on itzel chirij ri rey. Y xubij chuqa' chi ri winaqi' kan xik'o yan kik'u'x richin yinkak'axaj,

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

San Mateo 5:11

Jebel ruwa-iq'ij rix, toq xkixyoq', xkixtzeqelibex y xtitz'uk-tzij chiwij woma yin.

Hechos 21:28

Toq xkichop, kan rik'in k'a kuchuq'a' xkibila': ¡Qojito'! ¡Qojito', rix qawinaq israelita! ¡Ja achin re' ri nibiyaj ronojel tinamit; k'iy k'a ri nubij chiqij roj judío, yerutijoj ri winaqi' chi man tikiben ri nubij chupan ri pixa', y itzel chuqa' nich'on chirij re loq'olej rachoch ri Dios! Wakami e rukusan-pe winaqi' ri man e qawinaq ta, achi'el xa man rachoch ta ri Dios nuben chire re loq'olej jay re', xecha'.

Hechos 5:28

Roj qabin-el chiwe chi man chik tiya' ri tijonik chirij ri achin ri' chike ri winaqi'. Jak'a wakami re tinamit Jerusalem nojineq chik rik'in ri itijonik, y niq'alajin k'a jebel chi chiqij roj niwajo' niya-wi ri rukamik, xcha'.

1 Corintios 10:10

Ek'o ch'aqa' roma xexebeloj chirij, roma ri' ri Dios xuteq-pe jun ángel richin xerukamisaj. Roma ri' roj man k'a qojxebeloj chirij ri Dios.

2 Corintios 6:8

Ek'o k'a winaqi' ri yeya'on qaq'ij, y ek'o chuqa' ri xa kan yojkitorij. Ek'o ri jebel yech'on chiqij, y ek'o chuqa' ri xa itzel yech'on chiqij. Y ek'o chuqa' ri yebin chi oj q'olonela', stape' roj ja ri qitzij ri niqabij chike.

Judas 1:16

Keri' chuqa' ri itzel taq tijonela' ri ek'o chi'ikojol, yexebexot k'a chirij ronojel. Kan xaxe k'a nikisujula-ki', y xaxe ri itzel taq rayinik ri k'o kik'in. Rije' yekibila' k'a chuqa' ch'abel richin nikinimirisaj-ki'. Yekinimirisaj k'a ch'aqa' chik winaqi', xaxe richin yech'akon kan chikij.