Wuj Richin ri Q'axanri'il 16:21 - Kaqchiquel Bible

²¹ Tijech'ej-el-iwi' chikikojol ri iwinaq, roma yin kan ja re wakami yan xkenk'is jumul, xcha'.

Wuj Richin ri Q'axanri'il 16:21 Iomraidhean Croise

Wuj Richin ri Rutikeribel 19:13

roma roj kan xtiqak'is re tinamit re', roma ri sujunik janila apowineq chuwech ri Jehová. Y roma ri' oj rutaqon-pe, xecha'.

Wuj Richin ri Rutikeribel 19:14

K'ari' ri Lot xeberutz'eta' ri xke'ok ruji', ri alaboni' ri achoq chike xeyatej yan el ri rumi'al, y xubij chike: Jo', qojel-el re wawe' chupan re tinamit re', roma ri Jehová xtiberuk'isa' re tinamit re', xcha' chike. Jak'a rije' xkich'ob chi xa yeruq'ol.

Wuj Richin Bix Chire ri Dios 73:19

Pa jun ramaj k'a xkewuluwu', y roma ri kixibinri'il xke'apon pa kamik.

Ex 32:10

Wakami k'a xa taya' q'ij chuwe yin richin chi ninwelesaj woyowal chikij y xkenk'is k'a konojel. Y xeri' yin xtinben k'a jun nimalej tzobaj winaqi' kik'in ri awijatzul rat, chuwech re ruwach'ulew, xcha' ri Jehová.

Ex 32:12

Man taya' q'ij richin xkebech'on-pe ri aj-Egipto y xtibekibij-pe: Ri Jehová xerelesaj-el ri israelita wawe', xaxe richin chi xerukamisaj ri pa taq juyu'. Xaxe richin chi xeruk'is-el chuwech re ruwach'ulew, xkecha'. Roma ri', tabana' utzil ajaw, xa taqasaj ruwi' ri awoyowal y tajoyowaj k'a ruwech ri atinamit.

Ex 33:5

Keri' k'a xkiben ri winaqi', roma ri Jehová kan xunabeyajisaj yan k'a rubixik chike. Xa kan xbix yan k'a chike roma ri Moisés chi rije' xa e jun tinamit ri man nikiqasaj ta ki'. Y wi ri Jehová nik'oje' chikikojol, kan pa jun ti ramaj yeruk'is konojel. Y chuqa' chi tikelesaj ronojel ri jebelej taq tzieq chikij y ri wiqobel ri yekikusala'. Y ri Jehová xtunojij na ri achike xtuben kik'in.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin ri Jeremías 5:16

Konojel rije' e aj-labal ri man nikixibij ta ki' y chikijujunal ri rute' ch'ab nuk'exewachuj kamik.

Wuj Richin ri Q'axanri'il 14:12

Y yin xtinben chi man xke'ok ta chupan ri ruwach'ulew, roma kan xtinya-pe jun nimalej yabil pa kiwi' rije', richin yeken y yek'is. Jak'a rat xkatikeriban jun chik k'ak'a' tinamit ri más nim y janila ruchuq'a' chikiwech ri ek'o wakami, xcha'.

Wuj Richin ri Q'axanri'il 14:15

Jak'a wi rat kan xke'ak'is re tinamit re' pa jun bey, ri winaqi' richin ri ch'aqa' chik ruwach'ulew ri kak'axan jebel chawij rat, xtikibij:

Wuj Richin ri Q'axanri'il 16:20

Y ri Jehová kan jari' xubij chike ri Moisés y ri Aarón:

Wuj Richin ri Q'axanri'il 16:45

Kixel-el chikikojol re winaqi' re kimolon-ki' wawe', roma yin kan ja re wakami yan xkenk'is jumul, xcha' ri Dios chire. Jak'a rije' kan kexukuk k'a xeqaqa pan ulew chuwech ri Jehová.

Wuj Richin ri Q'axanri'il 17:10

Y jari' toq ri Jehová xubij chik chire ri Moisés: Tatzolij chik apo ri ruch'ame'y ri Aarón chuwech ri káxa richin ri nujikibel-tzij, richin keri' nik'oje' kan jun retal chikiwech ri iwinaq pa kiwi' ri kan itzel yech'on chuwij. Re meyel banobel re' kan xtuben chi man chaq kech'on chuwij richin chi man xkeken ta, xcha'.

Hechos 2:40

Ri Pedro k'o k'a ch'aqa' chik ch'abel ri xeruq'alajirisala' chike. Rija' xuya' k'a rubeyal chikiwech ri winaqi' kik'in ch'abel achi'el re': Kixel-pe chikikojol ri winaqi' ri' ri xaxe itzel ri yekibanala', richin keri' yixkolotej pe, nicha' k'a chike.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.