Wuj Richin ri Q'axanri'il 14:9 - Kaqchiquel Bible

⁹ Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Wuj Richin ri Q'axanri'il 14:9 Iomraidhean Croise

Wuj Richin ri Rutikeribel 48:21

K'ari' xubij chire ri José: Yin yibeken yan, jak'a ri Dios xtik'oje' kan iwik'in rix, y xtuben chiwe chi yixtzolin chupan ri ruwach'ulew ri akuchi xek'oje-wi ri iwati't-imama'.

2 Crón 13:12

Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

2 Crón 32:8

Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Wuj Richin Bix Chire ri Dios 121:5

Ri Jehová jari' ri nichajin awichin; rija' kan yaruto' richin jantape'.

Wuj Richin Bix Chire ri Dios 14:4

¿Kan maneq ta k'a kina'oj ri yebanon etzelal y kan nikik'is ri rutinamit ri Dios achi'el xa ta ja ri kiway nikitej y kan man nikinataj ta rija'?

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin Bix Chire ri Dios 46:8

Kixanpe, titz'eta' ri nima'q taq banobel ri rubanon ri Jehová. Kan nuk'is k'a el ruwech chijun ri ruwach'ulew.

Wuj Richin Bix Chire ri Dios 74:14

Xapitz' k'a ri rujolon ri nimalej chikop, y xaben k'a chire chi xok kiway ri chikopi' ri ek'o pa tz'iran ruwach'ulew.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Ex 33:16

Roma wi rat xa man xkabe ta qik'in, xa man xtetamex ta chi yin y ri atinamit qilon utzil chawech. Jak'a wi kan xkabe qik'in xtiq'alajin k'a chi kan oj atinamit y kan ja k'a rat ri at ch'arayon-pe qichin chikikojol ri ch'aqa' chik tinamit, ri ek'o chuwech re ruwach'ulew, xcha' ri Moisés chire.

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Isaías 41:14

Man tixibij-iwi' rix ri ix rijatzul kan ri Jacob, stape' rix nina-iwi' chi man jun iwejqalen. Man timalij-qa ik'u'x, stape' kan ix juba' ok y kan maneq iwuchuq'a', roma ja yin ri xkixinto'. Yin ri in Loq'olej, ri ink'o pan iwi' kan xkixinkol.

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

Wuj Richin ri Jeremías 1:19

Rije' xtikiben labal awik'in rat, jak'a man xketikir ta xkatkich'ek, roma yin xkik'oje' awik'in richin yatinto'. Ja yin Jehová ri yibin.

Wuj Richin ri Jeremías 42:11

Man tixibij-iwi' chuwech ri rey richin Babilonia, roma yin kan ink'o iwik'in richin yixinkol y yixinto' pa ruq'a'.

Wuj Richin ri Jeremías 48:45

Rix ri ix yakatajineq chuwij, ri ix uk'uan-el, xkixapon pa tinamit Hesbón, ri rutinamit kan ri rey Sihón, roma xke'el-pe ri e etzelanel iwichin chiri' achi'el ruxaq q'aq'. Y ri q'aq' ri' xkeruk'et ri taq juyu' richin ri iruwach'ulew Moab.

Dn 9:5

Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

Dn 9:9

Rat, kan at jun Dios joyowanel, y kan nakuy ronojel ri qamak, stape' kan oj yakatajineq chawij.

Wuj Richin ri Q'axanri'il 13:30

Y roma xewolol-q'anej ri winaqi' ri ek'o-apo chuwech ri Moisés, roma ri' ri Caleb xuben chike chi ketane-qa chi ch'owen, y xubij chike: Roj kan qitzij chi kan yojtikir chikij. Qojjote-el y tiqamaja' ri ruwach'ulew chikiwech, xcha'.

Wuj Richin ri Q'axanri'il 17:6

Y keri', ri Moisés xch'on k'a kik'in ri ruwinaq, y ri e aj-raqen richin ri kitzobaj xkik'en-pe ri kich'ame'y. Chi kablajuj tzobaj xoruk'ulu-ri', jun k'a ch'ame'y ri xel-pe pa jujun tzobaj. Y ri ruch'ame'y k'a ri Aarón kan xok'ulun chuqa' chikikojol ri ch'ame'y ri'.

Wuj Richin ri Q'axanri'il 20:2

Y ri winaqi' xa maneq kiya' chiri' y roma ri' xkimol-ki' y xeyakatej chik jun bey chirij ri Moisés y chirij ri Aarón.

Wuj Richin ri Q'axanri'il 24:8

Ri i-Dios kan rik'in uchuq'a' xixrelesaj-pe pan Egipto. Kan xixrelesaj-pe rik'in uchuq'a' achi'el uchuq'a' ri k'o rik'in ri bóyix. Kan xke'ik'is ri winaqi' richin ri ruwach'ulew ri ye'etzelan iwichin: Kan xtipaq'aq'ej ri kibaqil, y kan xke'ik'is chi ch'ab.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Deut 1:21

Tiwetamaj k'a chi ri Jehová ri qa-Dios nujech ri ruwach'ulew chiqe, kixbiyin k'a q'anej y tichapa' y kan tibana' iwichin chire, kan achi'el ri rubin ri Jehová chike ri qati't-qamama'. Man k'a tixibij-iwi' y man kixmayamo-qa, xicha' chiwe.

Deut 1:26

Y man rik'in ri', rix man xiwajo' ta xixbe-el, xa xipaba-iwi' y man xitaqej ta ri ruchojmilal ri ruya'on kan chiqe ri Jehová ri qa-Dios.

Deut 1:29

Jak'a yin xinbij chiwe: Man tixibij-iwi' y man kixbaybot chikiwech.

Deut 31:6

Kan kow k'a kixk'oje', titija' iq'ij y man tixibij-iwi' chikiwech, roma ri Jehová ri qa-Dios kan k'o iwik'in y man xkixrumalij ta kan, xcha' ri Moisés.

Deut 31:8

Kan ja ri Jehová xtinabeyej chawech y kan xtik'oje' awik'in. Kan man xkaruya' ta kan y man xkarumalij ta kan, y roma ri' man taxibij-awi' y man tamalij ak'u'x, xcha' chire.

Deut 32:42

Ri nuch'ab xkek'is pa kik' kichin ri xkenkamisaj, y ri nu-espada kan xtutzak'ila' ri kich'akul ri xtikipaba-ki' chinuwech. Re' kan kikik'el k'a ri kaminaqi' y kichin ri xkechapatej-pe pan oyowal. Kikik'el ri e aj-raqen ri ye'etzelan wichin ri nima'q rusumal-kiwi'.

Deut 7:18

Jak'a man tixibij-iwi' chikiwech, xaxe toqaqa chi'ik'u'x ri xuben ri Jehová rik'in ri rey richin Egipto y kik'in ri ruwinaq.

Deut 7:21

Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Deut 9:7

Roma ri' toqaqa k'a chi'ik'u'x y man timestaj chi xiyek royowal ri Jehová ri qa-Dios, ichapon-pe kan ja toq xojel-pe pan Egipto, y chijun ri tz'iran ruwach'ulew y wakami re ojk'o wawe', kan man iniman ta k'a rutzij ri Jehová.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Wuj Richin ri Josúe 14:12

Taya' k'a chuwe re chuwi' taq juyu' re' achi'el xubij kan ri Jehová chupan ri q'ij ri'. Rat kan xawak'axaj chupan ri q'ij ri', chi ri nima'q kipalen achi'a' ri e rijatzul kan ri Anac ek'o chiri' y kan k'a ek'o na chiri' chupan ri nima'q taq tinamit ri e sutin-kij rik'in tz'aq; rik'in ri ruto'onik ri Jehová xkenwelesaj-pe achi'el rubin rija', xcha' ri Caleb.

Wuj Kichin ri To'onela' 1:22

Chuqa' ri e ka'i' tzobaj ri e rijatzul kan ri José xkichop nikiben oyowal rik'in ri tinamit Betel; y ri Jehová kan k'o-wi kik'in rije' richin yech'akon.