Wuj Richin ri Q'axanri'il 14:3 - Kaqchiquel Bible

³ ¿Achike roma toq ri Jehová nrajo' yojrukusaj chupan ri jun ruwach'ulew ri'? Roma xaxe nibeqaliba-qi' chutza'n espada. Y ri qixjayilal y ri qalk'ual ri ek'o, xaxe richin yebeqajacha' kan pa kiq'a' ri e etzelanel qichin. Más utz nuben chiqe roj wi yojtzolej chik el pan Egipto.

Wuj Richin ri Q'axanri'il 14:3 Iomraidhean Croise

Wuj Richin ri Nehemías 9:17

Rije' man xkajo' ta xatkak'axaj y man xoqaqa ta chikik'u'x ri meyel taq banobel ri xaben kik'in rije'. Y roma xkikowirisaj ri kánima, xkikanoj jun uk'uey kibey richin yetzolin chik kan pan ilinri'il chiri' pan Egipto. Jak'a rat at Dios ri nakuy ri mak, y man chi'anin ta k'a nipe awoyowal y kan janila najoyowaj kiwech y janila k'a ajowabel k'o awik'in y nim k'a ri awánima y roma ri' man xe'amalij ta kan,

Wuj Richin Bix Chire ri Dios 78:40

¡Kan janipe' na k'a mul xeyakatej chirij chiri' pa tz'iran ruwach'ulew! Kan xkiya' k'a q'axo'n rik'in chupan ri ruwach'ulew ri'.

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Ex 5:21

Y ri aj-raqen ri' xkibij chike ri Moisés y ri Aarón: Ja ri Jehová xtuq'et-tzij pan iwi', roma ri yixajin chubanik roma ja rix ri k'o imak chi ri rey y ri e rusamajela', man yojqa' ta chik chikiwech, y kan jak'a rix ri xixbanon chi xkichop ri ki-espada richin yojkikamisaj, xecha'.

Wuj Richin ri Jeremías 42:14

y nibij chi rix kan niwajo' yixk'oje' pa ruwach'ulew Egipto akuchi ri man xtitz'et ta chik oyowal, ni man xtiwak'axaj ta chik ri trompeta, ni man xkixken ta roma wayjal,

Wuj Richin ri Jeremías 42:19

Jare' ri rutzijol ri xuya' ri Jehová chiwe ri k'a ixk'o kan wawe' pa ruwach'ulew Judá. Xubij chiwe chi man kixbe pan Egipto. Kan toqaqa k'a chi'ik'u'x jebel ri xubij chiwe re wakami.

Wuj Richin ri Jeremías 9:3

Y ri Jehová nubij: Xa kan beneq ruwech ye'el-pe tz'ukun taq tzij pa kichi' chikij ch'aqa' chik winaqi' achi'el toq yek'aq k'iy ch'ab. Chupan ri ruwach'ulew ri' más tz'ukun taq tzij ri yeban ke chuwech ri qitzij. Pa ruk'exel utz nikiben xa ja ri etzelal ri más nikiben. Kan man nikajo' ta nikibij chi ja yin ri in ki-Dios.

Wuj Richin ri Q'axanri'il 11:20

xa kan richin jun ik', kan xtikitej k'a ti'ij k'a toq xtikiben na xib y kan jumul k'a xtikixowaj, roma man xkiya' ta wejqalen yin Jehová ri ink'o chi'ikojol, y xa xe'oq' janila chinuwech y xkibij chi achike roma xe'el-pe pa ruwach'ulew Egipto. Keri' tabij chike, xcha' ri Jehová.

Wuj Richin ri Q'axanri'il 16:13

Roma man xaxe ta xojawelesaj-pe ri pa ruwach'ulew ri akuchi jebel xojwa' y wakami nawajo' yojakamisaj kan chi wayjal chupan re tz'iran ruwach'ulew re'. Y man xaxe ta ri', roma kan nawajo' chi yak'oje' pa qawi', richin yapa'e' chiqij rik'in ri aq'atbel-tzij.

Wuj Richin ri Q'axanri'il 20:3

Y kan xkichop k'a chi oyowal ri Moisés y xkibij chire: Xa más ta utz xojken kan, toq ri Jehová xerukamisaj ri qach'alal.

Wuj Richin ri Q'axanri'il 21:5

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

Hechos 7:39

Xa ja chik k'a ri qati't-qamama' ri man xeniman ta chire ri Moisés. Ri kánima rije' chi'anin xtzolin k'a chila' pa ruwach'ulew Egipto.

Deut 1:39

Stape' rix xich'ob chi ri e etzelanel iwichin xkekik'uaj-el ri taq iwalk'ual, re ak'uala' k'a re', ri k'a man jani k'o kina'oj, xa chike k'a rije' xtinya-wi ri ruwach'ulew, xke'ok-apo y kan xtikichinaj kan.