Wuj Richin ri Q'axanri'il 14:10 - Kaqchiquel Bible

¹⁰ Y kan jari' toq konojel ri winaqi' ri kimolon-ki' chiri', xkich'ob richin yekikamisaj chi abej, y kan jari' toq ri Jehová xuk'ut-ri' rik'in ruq'ij-ruk'ojlen pa ruwi' ri rachoch ri richin molojri'il chikiwech konojel rije'.

Wuj Richin ri Q'axanri'il 14:10 Iomraidhean Croise

Ex 16:10

Y ri Aarón kan xubij k'a chike ri kiwinaq chi kepe konojel, y ketzu'un k'a apo akuchi k'o-wi ri tz'iran ruwach'ulew y jari' toq ri ruk'ojlen ri Jehová xbek'ulun-pe chupan ri sutz' ri'.

Ex 16:7

Y toq xtiseqer chua'q, rix xtitz'et ri ruk'ojlen ri Jehová, roma rija' kan xixrak'axaj-pe toq xixxebexot chirij. Roj xa choj oj rusamajel rija' y chiqij roj xixxebexot-wi-pe.

Ex 17:4

Jari' toq ri Moisés xch'on chik rik'in ri Jehová y xubij chire: ¿Achike k'a xtinben rik'in re tinamit re'? Roma rije' xa kan jari' ek'o chik richin chi yinkikamisaj chi abej, xcha'.

Ex 40:34

Y toq xk'achoj ronojel re', jari' toq ri sutz' xumatzej rij ri rachoch ri Dios y ri ruk'ojlemal ri Dios kan xunojisaj ri rachoch.

Wuj Richin ri Chojmirisabelri'il 9:23

K'ari' ri Moisés y ri Aarón xe'ok-apo chupan ri rachoch ri Dios richin molojri'il y toq rije' xe'el-pe, xekurtisaj chik ri winaqi' y jari' toq ri ruk'ojlemal ri Jehová xuk'ut-ri' chikiwech konojel ri winaqi'.

Wuj Richin ri Q'axanri'il 16:19

Y toq ri Coré e rumolon chik k'a ri e 250 rachibil y e pa'el chik chiri', jari' toq xorepero' ri rusaqil ri ruk'ojlemal ri Jehová chikiwech konojel rije'.

Wuj Richin ri Q'axanri'il 16:42

Jak'a toq ri winaqi' xkimol-ki' richin yeyakatej chikij ri Moisés y ri Aarón, kan jari' xebe-apo chuchi' ri rachoch ri Jehová. Y kan jari' toq ri achi'el sutz' xumatzej rij ri jay ri' y xorepero' k'a ri rusaqil ri ruk'ojlemal ri Jehová.

Wuj Richin ri Q'axanri'il 17:7

Y xeri' ri Moisés xeberuya-apo ri ch'ame'y chuwech ri Jehová chupan ri rachoch.

Wuj Richin ri Q'axanri'il 20:6

Y ri Moisés y ri Aarón xekiya' k'a kan ri kiwinaq y xebe k'a chuchi' ri rachoch ri Jehová, y kexukuk xeqaqa pan ulew. Jari' toq ri Jehová xuk'ut-ri' chikiwech, y kan xuq'alajirisaj k'a ri' chupan ri ruk'ojlemal.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

Hechos 7:59

Y ri Esteban xch'on rik'in ri Dios toq chapon ruk'aqik chi abej, y nubij k'a: Wajaw Jesús, tak'ulu' k'a ri wánima.

1 Sam 30:6

Ri David janila bis k'o rik'in roma ri achi'a' ri e beneq rik'in nikibij chi nikik'eq chi abej roma ri xbanatej. Chijun k'a tinamit janila niq'axon ri kánima roma ri kalk'ual. Jak'a ri David kan xril ruchuq'a' rik'in ri Jehová ri ru-Dios.