Wuj Richin ri Q'axanri'il 13:22 - Kaqchiquel Bible

²² Rije' xe'ok k'a el ri chiri' pa xokon chire ri ruwach'ulew Canaán y pa jun tinamit rubini'an Hebrón, chiri' xe'apon-wi nabey. Y ja ri chiri' ek'o-wi oxi' achi'a' ri e rijatzul kan ri Anac. Y ri achi'a' ri' kibini'an Ahimán, Sesai y Talmai. Ri tinamit Hebrón wuqu' juna' nabey xban-q'anej chuwech ri tinamit Soan ri k'o pan Egipto.

Wuj Richin ri Q'axanri'il 13:22 Iomraidhean Croise

Wuj Richin ri Rutikeribel 13:18

K'ari' ri Abram xuq'axaj ri rachoch banon rik'in tzieq ri chiri' rik'in ri li'aj paten-che' ri k'o pa rulew ri jun achin rubini'an Mamré, ri k'o pa tinamit Hebrón; y chiri' xupaba-q'anej jun porobel richin xusuj kamelabel chuwech ri Jehová.

Wuj Richin ri Rutikeribel 23:2

y xken pa Quiriat-arbá ri wakami nibix Hebrón chire ri k'o pa ruwach'ulew Canaán. Y ri Abraham kan janila xroq'ej y xubisoj.

2 Sam 2:1

Chirij k'a ronojel re' ri David xuk'utuj chire ri Jehová wi ruk'amon nitzolej chupan jun chike ri tinamit richin ri Judá. Y ri Jehová xubij chire chi utz nibe. Y xuk'utuj chik k'a achike chi tinamit ri k'o chi nibe-wi. Y ri Jehová xubij chi tibe pan Hebrón.

2 Sam 2:11

Jak'a ri David xuq'et-tzij wuqu' juna' y waqi' ik' pa kiwi' ri winaqi' aj-Judá. Y pan Hebrón xk'oje-wi ri ruq'atbal-tzij.

2 Sam 21:16

Chikikojol ri aj-Filistea k'o k'a jun achin nim rupalen, rubini'an Isbí-benob. Y ri rukum ralal más juba' waqxaqi' libra, y banon rik'in q'enq'oj-pueq. Y xerupan ruk'uan k'a jun ru-espada k'ak'a', y re achin re' xrajo' ta xukamisaj ri David.

Wuj Richin Bix Chire ri Dios 78:12

Re meyel taq banobel re' kan xuben k'a chikiwech ri ojer qati't-qamama' chupan k'a ri ruwach'ulew Egipto, ri chiri' pa tinamit Soan.

Wuj Richin Bix Chire ri Dios 78:43

Xa xkimestaj ri meyel taq banobel ri xuben pa ruwach'ulew Egipto, man xoqaqa ta chikik'u'x ri meyel taq banobel ri xeruben ri chiri' pa Soan.

Wuj Richin ri Isaías 19:11

Chupan ri q'ij ri' ri e tata'al richin ri tinamit Soan kan xke'ok e nakaneq, roma man xketikir ta chik xtikiya' pixabanik. Konojel ri e rupixabanela' ri rey richin Egipto xa kan man xtik'oje' ta chik kina'oj. Y man xketikir ta chik xtikibij chire ri rey chi rije' e alk'ualaxela' kichin achi'a' aj-na'oj, o e tzeqelibey kichin e ojer taq rey.

Wuj Richin ri Isaías 19:13

Ri e tata'al ri ek'o pa Soan kan maneq chik kina'oj; ri e tata'al ri ek'o pa tinamit Menfis xa xkeq'olotej. Xa kan xkisech kik'u'x ri winaqi' aj-Egipto.

Wuj Richin ri Isaías 30:4

Stape' itaqon chik el aj-raqen ri chiri' pa tinamit Soan ri k'o pa xaman, y ye'apon k'a pa tinamit Hanés ri k'o pa xokon,

Wuj Richin ri Q'axanri'il 13:17

Y ri Moisés xeruteq k'a el ri achi'a' richin nibekinik'oj jebel ri ruwach'ulew y xubij-el chike: Kixbiyin-q'anej chunik'oxik ri ruwach'ulew Canaán. Tinik'oj kan jebel ri pa xokon chire ri ruwach'ulew ri' y k'ari' kixjote-el chuwi' taq juyu'.

Wuj Richin ri Q'axanri'il 13:28

Jak'a ri winaqi' ri e chapayon ri ruwach'ulew ri', janila kuchuq'a'; y ri tinamit janila e nima'q y e tz'apen-kij chi tz'aq; y ri chiri' xeqatz'et chuqa' kan ri e rijatzul kan ri Anac, ri janila nima'q kipalen.

Wuj Richin ri Q'axanri'il 13:33

Y chiri' chuqa' xeqatz'et kan ri achi'a' ri e rijatzul kan ri Anac, ri achi'a' ri más nima'q kipalen chikiwech ri ch'aqa' chik. Y roj roma kan taq oj kokoj ok, xqana-qa-qi' chi oj achi'el ok taq sak' y achi'el xa kan keri' ri xojkitz'et rije', xecha'.

Deut 9:2

Ri winaqi' ri ek'o chiri' kan nima'q kipalen y e rijatzul kan ri achin rubini'an Anac, rix kan iwak'axan k'a chi kere' nibix: Kan man jun nitikir kik'in ri e rijatzul kan ri Anac, yecha'.

Wuj Richin ri Josúe 10:36

K'ari' ri Josué y ri aj-labal xe'el-pe chiri' pan Eglón y xebe pa tinamit Hebrón; xkichop k'a oyowal kik'in rije'.

Wuj Richin ri Josúe 21:13

Y keri' xya'ox kan ri tinamit Hebrón chike ri e rijatzul ri sacerdote Aarón. Y ri tinamit ri' richin tobel kichin ri winaqi' ri chaq k'ate' nikiben jun kamik. Y chuqa' xya'ox kan ri tinamit Libná,

Wuj Kichin ri To'onela' 1:10

Chuqa' xebe chikij ri winaqi' ri aj pa tinamit Hebrón, ri chuqa' nibix Quiriat-arbá chire ojer kan; y chiri' xekikamisaj-wi ri Sesai, ri Ahimán y ri Talmai.

1 Sam 30:31

y pan Hebrón. Xuya' chike konojel ri akuchi e q'axineq-wi-el ri David e rachibilan ri achi'a' ri e beneq rik'in.