Wuj Richin ri Q'axanri'il 13:17 - Kaqchiquel Bible

¹⁷ Y ri Moisés xeruteq k'a el ri achi'a' richin nibekinik'oj jebel ri ruwach'ulew y xubij-el chike: Kixbiyin-q'anej chunik'oxik ri ruwach'ulew Canaán. Tinik'oj kan jebel ri pa xokon chire ri ruwach'ulew ri' y k'ari' kixjote-el chuwi' taq juyu'.

Wuj Richin ri Q'axanri'il 13:17 Iomraidhean Croise

Wuj Richin ri Rutikeribel 12:9

Y ri Abram xel-el chiri' y eqal-eqal xapon-qa ri pa xokon.

Wuj Richin ri Rutikeribel 13:1

Ri Abram xel-pe pan Egipto rachibilan-pe ri rixjayil y chuqa' ri Lot, y ronojel ri e ruk'uan. Y xetzolej ri pa xokon ri nibix chuqa' Négueb chire.

Wuj Richin ri Rutikeribel 13:17

Kayakatej k'a el richin yabe chunik'oxik ri ruwach'ulew y tatzu' ri raqen y ri ruwech, roma jare' ri xtinya' kan chawe rat.

Wuj Richin ri Rutikeribel 13:3

Y xel k'a el pa Négueb, y niyuq'un, y eqal xapon chunaqaj ri Betel e rachibilan ri ek'o rik'in; y k'ari' xebek'oje' akuchi xk'oje-wi pa nabey chukojolil ri Betel y ri Ai,

Wuj Richin ri Rutikeribel 14:10

Chupan ri ruwa-taq'aj Sidim k'iy petróleo e rimil y ri rey richin ri Sodoma, richin ri Gomorra y ri aj-labal xe'animej chupan ri oyowal ri' y jujun chike rije' xebetzaq chupan ri petróleo ri e rimil chiri' y ri ch'aqa' chik xe'animej-el pa taq juyu'.

Wuj Richin ri Q'axanri'il 13:18

Tinik'oj kan jebel ri ruwach'ulew ri achike rubanon y titzu' kan jebel ri achike kibanik ri winaqi' ri ek'o chiri', wi kan k'o kuchuq'a' o xa maneq, wi e k'iy o xa man e k'iy ta.

Wuj Richin ri Q'axanri'il 13:29

Y ri keri' pa xokon chire ri Canaán, chiri' ek'o-wi ri amalecita; y ri chuwi' taq juyu', chiri' ek'o-wi ri winaqi' hitita, ri jebuseo y ri amorreo; y chunaqaj ri palou, chiri' ek'o-wi ri winaqi' cananeo y rije' chuqa' kiq'atapun ronojel ri ruwach'ulew k'a chuchi' ri raqen-ya' Jordán, xecha'.

Wuj Richin ri Q'axanri'il 14:40

Y pa ruka'n q'ij nimaq'a' yan xkibij: Jare' ojk'o, richin chi yojbe-el ri chiri' pa ruwach'ulew ri akuchi rubin-wi ri Jehová chi nuya' chiqe. Roj kan oj makuwineq-wi chuwech rija', xecha'. Y keri' xkichojmirisaj-ki' richin yebe-el chuwi' taq juyu' richin ri ruwach'ulew ri'.

Deut 1:44

Jak'a ri winaqi' amorreo ri ek'o chiri' xa xixkik'ul chi oyowal y k'ari' xixkoqotaj-pe, kan e achi'el k'a q'atz'utuj ri xebejopojo-pe chiwij y kan xixkich'ek k'a chiri' pa ruwach'ulew Seír y xixkitzeqelibej k'a pa tinamit Hormá.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.

Wuj Richin ri Josúe 15:3

Ri pa xokon nel k'a pe rik'in ri ruwa-juyu' Acrabim, niq'ax rik'in ri Sin y nijote-q'anej pa xokon, napon k'a pa tinamit Cadés-barnea, niq'ax k'a pa tinamit Hesrón y nijote-q'anej k'a pa tinamit Adar y nuchojmij-ri' pa qajbel-q'ij chire ri tinamit Carcá.

Wuj Richin ri Josúe 2:1

Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.

Wuj Kichin ri To'onela' 1:15

Y rija' xubij-apo chire ri rutata': Tabana' utzil taya' jun chik sipanik chuwe. Kan qitzij na wi chi asipan chik wulew ri k'o pa xokon chire ri awulew, jak'a re wakami ninwajo' richin naya' ta chik juba' wulew ri ek'o ralaxbel taq ya' chupan, xcha'. Y ri Caleb kan xuya' k'a ri ulew ri ek'o alaxibel taq ya' chupan ri k'o pa xulan y ri k'o pa jotol chire ri rulew.

Wuj Kichin ri To'onela' 1:9

K'ari' ri ka'i' tzobaj ri' xebe chik chikij ri aj-Canaán ri ek'o-el chuwi' taq juyu', ri ek'o pa xokon y chuqa' ri ek'o pa taq'aj chuchi' ri palou.