Wuj Richin ri Q'axanri'il 11:7 - Kaqchiquel Bible

⁷ Ri aj-chikajil-wey ri' achi'el k'a nitzu'un ri ija'tz ri richin ri culantro, k'aqo'j k'a nitzu'un y nich'ich'an achi'el nich'ich'an ri q'ol.

Wuj Richin ri Q'axanri'il 11:7 Iomraidhean Croise

Wuj Richin ri Rutikeribel 2:12

Ri q'anapueq ri k'o chiri' chupan ri ruwach'ulew ri' janila jebel; y chuqa' ri chiri' k'o jun ruwech abej ri jebel ok rubini'an ónike y ri jun ruwech che' ri k'o ruq'olil y kan jubul-wi.

Ex 16:23

Y ri Moisés xubij k'a chike: Ri Jehová kan rubin chik k'a: Chua'q, jari' ri q'ij richin uxlanen richin ri Jehová. Roma ri' kan ja re wakami tibana' kan ri ikaxlan-way y chuqa' tiroqowisaj kan ri k'o chi nitej chua'q y ronojel ri man nikusaj ta qa, utz chi niyek kan richin chua'q, xcha' ri Moisés.

Ex 16:31

Y ri winaqi' israelita xkibij k'a maná chire ri aj-chikajil-wey, y re' kan achi'el k'a rubanik ri ruwech culantro taq seq-seq y kan achi'el k'a ruki'il ri taq wotz'otz' ri ya'on kab kichin ri taq chikopi' rik'in.

Wuj Richin ri Q'axanri'il 11:8

Y ri aj-chikajil-wey niqaqa k'a pe ri chaq'a' toq ri raxq'ab niqaqa-pe pa ruwi' ri akuchi ek'o-wi-qa. Y ri winaqi' ye'el k'a chumolik. K'ari' nikike'ej o nikiweq-ruwi'. Xeri' nikipon o nikiroqowisaj pa jun bojo'y; y ri ruki'il achi'el ri wotz'otz' banon rik'in ri aceite k'ak'a'.

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.