Wuj Richin ri Q'axanri'il 11:25 - Kaqchiquel Bible

²⁵ Y toq ri Jehová xqaqa-pe, kan chupan k'a ri sutz' peteneq-wi y xch'on rik'in ri Moisés. Xeri' ri Jehová xuya' chuqa' chike ri e oxk'al lajuj achi'a' ri Espíritu achi'el ri ruya'on chire ri Moisés. Jari' toq ri achi'a' ri' xebech'on-pe achi'el yech'on ri e q'alajirisey ruch'abel ri Dios. Jak'a xaxe jun bey ri keri' xkiben.

Wuj Richin ri Q'axanri'il 11:25 Iomraidhean Croise

2 Rey 2:15

Y toq k'o chik chiri', ri tzobaj e q'alajirisey ruch'abel ri Dios ri aj-Jericó, xkibij-qa: Ri Eliseo xk'oje' kan pa ruk'exel ri Elías, xecha'. Y xbekik'ulu' y xexuke-qa chuwech.

Wuj Richin ri Nehemías 9:20

Kan xateq k'a pe ri utzilej a-Espíritu richin xerutijoj. Chuqa' kan beneq k'a ruwech xaya' ri kiway ri xpe chila' chikaj toq xenum, y xaya' kiya' toq xchaqi'j kichi'.

Wuj Richin Bix Chire ri Dios 99:7

Chupan k'a jun sutz' pa'el chikaj xch'on kik'in. Ri pixa' ri xuya' rija' chike, kan jari' ri xkitaqej.

Ex 32:32

Ajaw, jak'a re wakami nink'utuj utzil chawe richin xtayoj ta jumul ri kimak. Roma wi rat man naben ta keri', xa kan más k'a utz tayojo' ri nubi' chupan ri wuj ri akuchi tz'ibatel wi ri kibi' ri kan e awichin rat, xcha' ri Moisés.

Ex 34:5

Y ri Jehová kan xqaqa k'a pe chupan ri sutz' y xk'oje' junan rik'in ri Moisés y xuq'alajirisaj ri rubi' chuwech.

Ex 40:38

Ri sutz' ri richin ri Dios kan xk'oje' k'a pa ruwi' ri rachoch ri richin molojri'il y ri chi'aq'a', ri sutz' ri' nok ruxaq q'aq' chikiwech konojel ri e rijatzul kan ri Israel, chupan ri kibinen. Janipe' k'a juna' ri xebiyin ri israelita, xkitz'et ri sutz' jotol chikaj pa ruwi' ri rachoch ri Dios y ri chi'aq'a' ri sutz' ri' kan nok ruxaq q'aq'.

Wuj Richin ri Isaías 63:11

Jak'a rije' xa xoqaqa k'a chikik'u'x ri xkiq'axaj ojer toq xk'oje' ri Moisés. Xoqaqa k'a chikik'u'x toq ri Dios xerukol ri qati't-qamama' chupan ri Kaqa-Palou, y ri Moisés xeruk'uaj achi'el nuben jun yuq'unel kik'in ri rawej. Chuqa' xoqaqa chikik'u'x toq ri Dios xuteq-pe ri ru-Espíritu pa kiwi'.

Ez 8:11

Y chikiwech k'a rije' e pa'el-apo e oxk'al lajuj achi'a' ri k'o kiq'ij y pa kinik'ajal rije' k'o ri Jaazanías ruk'ajol ri Safán. Y rije' kan nikiya' k'a kiq'ij ri wachibel ri'. Chikijujunal k'a ri achi'a' ri' kik'uan jun porobel-pom y ri rusibil y ri rujubulil kan nijote-el.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Wuj Richin ri Q'axanri'il 12:5

Y jari' toq ri Jehová xqaqa-pe chupan jun achi'el sutz' y xok'oje-qa ri chiri' chuchi' ri rachoch, y kan jari' xeroyoj ri Aarón y ri María. Y chi e ka'i' rije' xebepa'e-apo chuwech.

Wuj Richin ri Q'axanri'il 16:25

Y ri Moisés kan jari' xyakatej-el y xbe k'a akuchi ek'o-wi ri Datán y ri Abiram. Jak'a man ruyon ta xbe, xa kan xebe k'a ri achi'a' ri k'o kiq'ij chirij.

Wuj Richin ri Q'axanri'il 24:2

y toq xtzu'un-qa ri pa xulan, xutz'et k'a chi ri tinamit Israel e uxlawineq pa taq tzobaj y jari' toq ri Espíritu richin ri Jehová xqaqa pa ruwi' rija' richin xubij:

Wuj Richin ri Q'axanri'il 27:18

K'ari' ri Jehová xubij chire ri Moisés: Tak'ama-pe ri Josué, roma rija' kan k'o-wi ri Espíritu wichin yin rik'in y taya' ri aq'a' pa ruwi'.

Hechos 11:28

Y jun k'a chike ri qach'alal ri', ja ri Agabo. Y roma ri Loq'olej Espíritu kan ruya'on-wi ch'abel chire, roma ri' toq xbepa'e-pe chikiwech ri qach'alal, y kan xuq'alajirisaj chi xtipe jun nimalej wayjal pa ruwi' re ruwach'ulew; y ri nimalej wayjal ri' kan xpe na wi ri pa ruq'ijul ri q'atoy-tzij Claudio César.

1 Corintios 14:32

Keri' ri qach'alal ri k'o nikiq'alajirisaj, tikibana' ronojel pa ruchojmilal.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

2 Pedro 1:21

roma kan ja ri Loq'olej Espíritu ri xbin chike ri k'o chi xkibij ojer kan, y man kiyon ta xkitz'uk-el.

Wuj Kichin ri To'onela' 3:10

Ri Espíritu richin ri Jehová xpe rik'in ri Otoniel richin nuya' ruchuq'a', y xuq'et-tzij pa kiwi' ri ruwinaq, y xbe pan oyowal, y xuchop oyowal rik'in ri Cusán-risataim rey richin Siria, y ri Jehová xujech pa ruq'a' ri Otoniel, re rey re'.

1 Sam 10:10

Toq rija' y ri rusamajel xe'apon pa Guibeá, kan xekik'ul k'a ri jun tzobaj q'alajirisey ruch'abel ri Dios. Y ri Espíritu richin ri Dios xpe rik'in ri Saúl, richin xuya' ruchuq'a'. Y kan xok chuqa' jun q'alajirisey ruch'abel ri Dios kik'in ri ch'aqa' chik.