Wuj Richin ri Q'axanri'il 11:12 - Kaqchiquel Bible

¹² ¿Ja kami yin ri xinalk'ualan kichin konojel re winaqi' re'? ¿Ja kami yin xibanon chi rije' xe'alex chuwech re ruwach'ulew? ¿Nabij chuwe richin yench'elej-el, achi'el niban kik'in ri ne'y ri k'a yetz'uman na? ¿Y k'o chi yenk'uaj k'a chupan ri ruwach'ulew ri akuchi asujun chike ri qati't-qamama'?

Wuj Richin ri Q'axanri'il 11:12 Iomraidhean Croise

Wuj Richin ri Rutikeribel 13:15

roma ronojel la ulew natz'et, xtinya' chawe rat y chike ri awijatzul richin q'asen.

Wuj Richin ri Rutikeribel 24:7

Roma ri Jehová Dios, ri rajaw ri kaj, ri xinelesan-pe chupan ri rachoch ri nata', y ri xinelesan-pe chiri' chupan ri ruwach'ulew kichin ri wach'alal, rija' kan rujikiban rutzij chuwe chi chike ri wijatzul yin xtuya-wi re ruwach'ulew Canaán. Y rija' kan xtuteq-pe jun ángel richin chi xkaruto', richin chi k'a chila' xtak'en-pe ri xten ri xtok rixjayil ri nuk'ajol,

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Rutikeribel 50:24

Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.

2 Rey 10:1

Chiri' pa tinamit Samaria k'a ek'o k'a kan e oxk'al lajuj rijatzul ri ánima Acab. Y roma ri' ri Jehú xerutz'ibaj wuj, y xeruteq pa Samaria chike ri achi'a' ri k'o kiq'ij chiri' pa Jezreel y chike ri yechajin y yetijon kichin ri e rijatzul kan ri Acab, y xubij-el chike:

2 Rey 10:5

K'ari' ri samajel ri k'o pa ruwi' ri jay richin q'atbel-tzij, ri aj-raqen pa ruwi' ri tinamit, ri achi'a' ri k'o kiq'ij, ri yechajin y ri yetijon kichin ri e aj pa rachoch ri Acab; konojel rije' xkiteq rubixik chire ri Jehú, y xkibij-el: Roj kan oj asamajel rat rey; y xtiqaben k'a ronojel ri xtabij chiqe; jak'a roj man xtiqacha' ta qa jun chik rey. Roma ri', kan tabana' k'a ri achike niqa' chawech rat, xecha-el.

Ex 13:11

Y toq ri Jehová xqojrukusaj-apo chupan ri ruwach'ulew kichin ri cananeo, ri ruwach'ulew ri kan rujikiban chik chike ri qate-qatata', y chuqa' chiqe roj, chi kan xtuya-wi chiqe,

Ex 13:5

Kan ja k'a q'ij ri' y ja ik' ri' xqojnimaq'ijun toq ri Jehová xqojrukusaj chupan ri ruwach'ulew ri rusujun chike ri qati't-qamama', richin nuya' chiqe roj, ri kiruwach'ulew ri winaqi' cananeo, ri hitita, ri amorreo, ri heveo y ri jebuseo, ruwach'ulew ri akuchi niwachin ronojel ruwech tiko'n.

Ex 33:1

Ri Jehová xch'on chik k'a jun bey rik'in ri Moisés y xubij chire: Kabiyin y ke'ak'uaj-el ri tinamit ri xawelesaj-pe pan Egipto k'a chupan ri ruwach'ulew ri nusujun kan chike ri Abraham, ri Isaac y ri Jacob, toq xinbij chi chike ri kijatzul ninya-wi kan.

Ex 6:8

Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Ez 34:23

Xtinteq-pe jun rijatzul kan ri rey David ri nusamajel richin nok yuq'unel pan iwi'. Rija' xkixruchajij jebel.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

1 Corintios 4:15

Rix xikuquba' ik'u'x rik'in ri Cristo Jesús roma ri ch'abel ri xintzijoj chiwe, y roma ri' yin xinok achi'el jun tata'aj chiwe rix. Y stape' ta e janila ri yetijon iwichin chirij ri Cristo, man xtik'oje' ta k'iy itata'.

Gálatas 4:19

Toq rix man jani tikuquba' ik'u'x rik'in ri Cristo, yin kan janila q'axo'n xink'owisaj, achi'el ruq'axo'n jun ixoq ri nibe'alex yan ti ral. Y wakami jun bey chik ja q'axo'n ri' ninna' pa wánima. Ri q'axo'n ri' jantape' xtink'uaj, k'a toq rix xtiya' q'ij chi ri Cristo xtiq'alajin chi utz chupan ri ik'aslen.

Deut 1:31

Y ri pa tz'iran ruwach'ulew, rix xitz'et chi ri Jehová ri qa-Dios xojruk'en-pe, achi'el jun tata'aj toq nuk'uaj ri ti ruk'ajol. Kan keri' k'a rubanon-pe qik'in chupan ri qabey ri qabanon-pe, k'a re akuchi xojoqaqa-wi, xicha' chiwe.

1 Tesalonicenses 2:7

stape' kan ruk'amon ta chi keri' roma kan oj taqon-pe roma ri Cristo. Jak'a pa ruk'exel ri' roj xa janila xixqajo', achi'el nuben jun te'ej kik'in ri taq ral.