Wuj Richin ri Q'axanri'il 11:1 - Kaqchiquel Bible

¹ K'o k'a jun q'ij, roma ri ruk'ayewal ri nikiq'axaj ri winaqi', rije' xeyakatej k'a y xexebeloj chirij ri Jehová. Y rija' kan xerak'axaj-pe y roma ri' xyakatej janila royowal y xuteq-pe q'aq' pa kiwi'; y ri q'aq' ri' kan xuk'is k'a ri q'ayis ri k'o chikichi' ri akuchi ek'o-wi-qa.

Wuj Richin ri Q'axanri'il 11:1 Iomraidhean Croise

Wuj Richin ri Rutikeribel 38:10

Y ri xuben ri Onán man xqa' ta chuwech ri Jehová y roma ri' ri Jehová xrelesaj ri ruk'aslen.

2 Sam 11:27

Toq xq'ax yan ri q'ij richin bis, jari' toq ri David xuteq ruk'amik ri Betsabé richin xbek'oje' pa rachoch. Xok k'a rixjayil y xalex jun kalk'ual. Jak'a ri xuben ri David, kan itzel xutz'et ri Jehová.

2 Rey 1:12

Y ri Elías xubij chuqa' chire: Wi yin kan in jun achin richin ri Dios, tiqaqa-pe q'aq' chila' chikaj, y karuk'isa' rat y ri e kawineq lajuj aj-labal, xcha'. Y xqaqa k'a pe q'aq' chila' chikaj, y xeruk'is ri e kawineq lajuj achi'a' y ri aj-raqen.

Wuj Richin ri Achin Job 1:16

Kan k'a man jani k'a titane-qa chi ch'owen ri samajel ri' toq kan jari' xoqaqa chik jun samajel y xberubij chire ri Job: Toq roj ojk'o chiri' e qachajin ri karne'l, k'o k'a jun koyopa' ri xbeqaqa-pe chikaj, xeruk'is konojel ri karne'l y ri yuq'unela'. Xaxe chik k'a yin ri xikolotej kan, y roma ri' nonya' rutzijol chawe, xcha'.

Wuj Richin Bix Chire ri Dios 106:18

Xpe k'a ri ruxaq q'aq' chila' chikaj pa kiwi' ri winaqi' ri'. Ri q'aq' ri' kan xeruporoj k'a konojel ri itzel taq winaqi' ri'.

Wuj Richin Bix Chire ri Dios 78:21

Y ronojel re' kan xrak'axaj k'a ri Jehová y xpe royowal; rija' kan xuya' k'a pe q'aq' pa kiwi' ri e rijatzul kan ri Jacob kan janila k'a xnimer ri royowal chikij ri israelita.

Wuj Richin Bix Chire ri Dios 78:63

Ri q'aq' kan xeruk'is k'a konojel ri alaboni'; roma ri' ri xtani' man xbixex ta chik ri bix richin k'ulubik chikij.

Ex 16:7

Y toq xtiseqer chua'q, rix xtitz'et ri ruk'ojlen ri Jehová, roma rija' kan xixrak'axaj-pe toq xixxebexot chirij. Roj xa choj oj rusamajel rija' y chiqij roj xixxebexot-wi-pe.

Ex 16:9

Y ri Moisés xubij chire ri Aarón chi tubij chike ri kiwinaq chi kepe konojel chuwech ri Jehová, roma rija' xrak'axaj ronojel ri nikixebela' chirij.

Wuj Richin ri Isaías 10:17

Ri Dios kan nusaqirisaj ri kibey ri winaqi' israelita. Jak'a chike ri aj-Asiria xa kan xtok jun achi'el ruxaq-q'aq'. Kan pa jun q'ij k'a xkeruporoj konojel, achi'el nuben ri q'aq' toq nuk'et ri k'ix y ri ruxulu-kiej.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Isaías 33:14

Ri pa tinamit Sión konojel winaqi' ri e aj-maki' kan janila xtikixibij-ki'. Konojel ri winaqi' ri maneq Dios chikiwech kan yebaybot roma xibinri'il. Rije' nikibij ri achike xtitikir xtikoch'on ri q'aq' ri', ri kan yaruk'is y man jun bey nichup.

Wuj Richin ri K'uxla'anik 3:39

¿Achike k'a roma roj chaq yojwolol y ri Dios kan k'a ruya'on na qak'aslen stape' xa oj aj-maki'?

Ez 20:36

Achi'el k'a toq xinq'et-tzij pa kiwi' ri ite-itata' chupan ri tz'iran ruwach'ulew chiri' pan Egipto, keri' chuqa' xtinq'et-tzij pan iwi' rix re wakami.

Wuj Richin ri Chojmirisabelri'il 10:2

Y roma ri keri', xrepero-pe jun q'aq' rik'in ri Jehová richin xuk'is ri kik'aslen. Rije' kan chuwech k'a apo ri Jehová xeken-wi.

Wuj Richin ri Nahum 1:5

Ri juyu' yebaybot chuwech rija', y ri ch'uti'n taq juyu' xa yek'is-qa. Ri ruwach'ulew kan nisilon chuwech rija', keri' chuqa' ronojel ri ek'o chuwech.

Wuj Richin ri Habacuc 3:5

Chuwech rija' ik'owineq-pe nimalej taq yabil Y toq rija' niq'ax, yerukamisaj kan ri winaqi'.

Wuj Richin ri Q'axanri'il 10:33

Y keri' k'a rubanik toq rije' xkiya' kan ri juyu' richin ri Jehová y oxi' k'a q'ij ri xebiyin y kan ja ri káxa ri richin ri rujikibel-tzij ri Jehová ri ik'owineq chikiwech rije' y nuk'utula' k'a chikiwech ri akuchi utz chi ye'uxlan-wi.

Wuj Richin ri Q'axanri'il 11:18

Y chike ri awinaq tabij chi tikich'ajch'ojirisaj-ki' richin chua'q, roma jari' toq xtitej ti'ij. Roma yin kan xinwak'axaj ri koq'ej y xinwak'axaj chuqa' toq xech'ojin richin chi k'o ta niya'on juba' ti'ij chike y chuqa' xkibij chi kan jebel kibanon ri pan Egipto. Wakami k'a, yin ninbenya-pe ti'ij chike richin nikitej.

Wuj Richin ri Q'axanri'il 14:2

Y konojel k'a xkichop yech'on chirij ri Moisés y chuqa' chirij ri Aarón y nikibila' k'a: Más ta utz xa ta xojken kan pan Egipto, o re wawe' pa tz'iran ruwach'ulew.

Wuj Richin ri Q'axanri'il 14:22

Jak'a konojel re winaqi' re' kitz'eton ri nuk'ojlen; kitz'eton ronojel ri nima'q taq banobel ri xinben pan Egipto; kitz'eton chuqa' ri xinben ri chiri' chupan ri tz'iran ruwach'ulew. Man rik'in ri' xa xinkitejtobej yan lajuj bey y man nikinimaj ta nutzij.

Wuj Richin ri Q'axanri'il 14:27

¿K'a jampe' k'a xketane' re itzel taq winaqi' re', ri e rijatzul kan ri Israel chi itzel yech'on chuwij? Yin xenwak'axaj toq rije' yech'ojin.

Wuj Richin ri Q'axanri'il 14:28

Tibij chike ri winaqi' ri', chi yin qitzij ri ninbij chi achi'el ri nikibij, kan keri' ri xtinben kik'in.

Wuj Richin ri Q'axanri'il 16:11

Rat y ri e tzeqelibeyon awichin, xa man chirij ta ri Aarón xixyakatej-wi, achi'el ri xich'ob-qa rix. ¿Achike ta k'a rumak rija' richin yixch'ojin chire rija'? Jak'a rix kan chire ri Jehová xixch'ojin-wi, xcha'.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Q'axanri'il 17:5

Y ri ch'ame'y ri richin ri achin ri xtincha', xtijotayin chi'anin, y rik'in ri' xtintz'apej kichi' ri winaqi' ri jantape' yeyakatej chuwij, xcha'.

Wuj Richin ri Q'axanri'il 21:5

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

1 Corintios 10:10

Ek'o ch'aqa' roma xexebeloj chirij, roma ri' ri Dios xuteq-pe jun ángel richin xerukamisaj. Roma ri' roj man k'a qojxebeloj chirij ri Dios.

Deut 25:18

Chi rije' man xkixibij ta ki' chuwech ri Dios. Rije' xojkichop chi oyowal toq janila oj kosinaqi' chik y maneq chik quchuq'a', y ja ri ek'o kan chiqij ri xekichop nabey.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Deut 9:22

Y chuqa' ri qate-qatata' xkiyek royowal ri Jehová pa Taberá, pa Masá y pa Quibrot-hataavá.

Hebreos 12:29

Roma ri qa-Dios kan achi'el q'aq' ri kan nuk'is ronojel.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Judas 1:16

Keri' chuqa' ri itzel taq tijonela' ri ek'o chi'ikojol, yexebexot k'a chirij ronojel. Kan xaxe k'a nikisujula-ki', y xaxe ri itzel taq rayinik ri k'o kik'in. Rije' yekibila' k'a chuqa' ch'abel richin nikinimirisaj-ki'. Yekinimirisaj k'a ch'aqa' chik winaqi', xaxe richin yech'akon kan chikij.