Wuj Richin ri Q'axanri'il 10:36 - Kaqchiquel Bible

³⁶ Y toq nikipaba' k'a qa ri káxa richin chi ye'uxlan, ri Moisés nubij: Kak'oje' k'a qik'in qajaw, katok'oje' chiqakojol roj ri oj atinamit, ri man oj ajlatel ta, nicha'.

Wuj Richin ri Q'axanri'il 10:36 Iomraidhean Croise

Wuj Richin ri Rutikeribel 24:60

Xkiya' k'a urtisanik pa ruwi' ri Rebeca y xkibij chire: Qach'alal roj, xkatok ta k'a te'ej kichin e 1,000 winaqi' y ri awal-awiy xke'ichinan kan ri tinamit ri ye'etzelan kichin, xecha'.

Wuj Richin Bix Chire ri Dios 132:8

Katok k'a apo chupan ri awachoch, Jehová, richin junan yak'oje' rik'in ri káxa ri retal ri awuchuq'a'. Y chiri' xkak'oje-wi tibe-q'ij tibe-seq.

Wuj Richin ri Isaías 63:17

¿Achike roma Jehová naya' q'ij chiqe chi roj yojsach kan chupan ri abey, y kan niqakowirisaj ri qánima richin chi man niqaya' ta awejqalen? Pa ruk'exel re' tabana' utzil tajala' ri ach'obonik pa qawi', roma ja roj ri oj asamajela' ri janila yojawajo', y ri tzobaj ri akuchi e eleneq-pe ri awijatzul.

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.