Wuj Richin ri Q'axanri'il 10:13 - Kaqchiquel Bible

¹³ Keri' k'a ri xkiben toq pa nabey mul xkichop-el ri kibey, kan xkiben k'a achi'el ri rutzij ri Jehová, ri rubin chire ri Moisés.

Wuj Richin ri Q'axanri'il 10:13 Iomraidhean Croise

Wuj Richin ri Q'axanri'il 10:14

Konojel k'a ri xebe nabey, ja ri winaqi' ri yetzeqeliben ri tzieq ri ruk'exewach ri tzobaj richin ri Judá y ri aj-raqen pa kiwi' rije', ja ri Nahasón, ri ruk'ajol ri Aminadab.

Wuj Richin ri Q'axanri'il 9:20

Y k'o k'a jujun bey ri sutz' nik'oje' pa ruwi' ri jay, richin jun ka'i-oxi' q'ij y kan man nisilon ta el. Y toq keri' nuben, ri winaqi' kan chiri' yek'oje-wi-qa. Chuqa' k'o k'a jujun bey ri sutz' ja ri tiqaq'ij nipa'e' y man nisilon ta chik el y ri nimaq'a', ja yan chik ri' niyakatej-el, richin chi ri israelita nikichop chik el kibey. Toq ri sutz' niyakatej-el, stape' chaq'a' o paq'ij ri israelita kan jari' nikichop-el bey. Re' kan jari' ri retal ri xuya' ri Jehová chike richin yek'oje-qa, o nikichop binen.

Wuj Richin ri Q'axanri'il 9:23

Kan rutzij k'a ri Jehová toq yek'oje' chiri' y kan rutzij chuqa' ri Jehová toq yebe. Kan xkitaqej k'a ri rutzij ri Jehová, achi'el ri rubin chire ri Moisés.

Deut 1:6

Ri Jehová ri qa-Dios, xch'on qik'in pan Horeb y xubij: Janila ix yalojineq-qa, chuxe-pe re juyu' re'.