Wuj Richin ri Q'axanri'il 10:10 - Kaqchiquel Bible

¹⁰ Y chuqa' chupan ri q'ij toq ninimaq'ijuj toq nalex ri ik' y toq ye'iben ri ch'aqa' chik kiwech inimaq'ij, jari' toq kan ruk'amon chi ye'ixupuj ri ka'i' trompeta, rokik nisuj ri chikop ri niporox chijun y toq nisuj ri sipanik ri niq'alajirisan chi junan iwech wik'in. Jari' ri xtibanon chi yixoqaqa chinuk'u'x. Ja yin Jehová, ri i-Dios, ri yibin, xcha'.

Wuj Richin ri Q'axanri'il 10:10 Iomraidhean Croise

2 Rey 4:23

Y ri rachijil xubij: ¿Achike roma nabetz'eta' re wakami? Roma wakami man nimaq'ij ta richin ri k'ak'a' ik', ni man q'ij ta richin uxlanen, xcha'. Y rija' xubij chire ri rachijil: Man taxibij-awi', xcha'.

1 Crón 15:24

Y ri yexupun ri trompeta chuwech ri káxa ja ri sacerdote Sebanías, ri Josafat, ri Natanael, ri Amasai, ri Zacarías, ri Benaías y ri Eliézer. Ri Obed-edom y ri Jehías chuqa' nikichajij ri káxa.

1 Crón 15:28

Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

1 Crón 16:42

Rije' nikixupuj trompeta, nikiq'ojomaj ri platillo y ri ch'aqa' chik kiwech q'ojom richin chi nikibixaj rubi' ri Dios. Ri e ruk'ajol ri Jedutún, jari' ri yechajin ri ruchi' ri rachoch ri Dios.

2 Crón 29:26

Ri e levita e pa'el chiri' y kik'ualon pa kiq'a' ri q'ojom ri richin kan ri David; y ri e sacerdote chuqa' kik'uan ri ki-trompeta.

2 Crón 29:28

Konojel k'a ri winaqi' xkiqasaj-ki' k'a pan ulew richin xkiya' ruq'ij ri Dios rokik ri bixanela' yebixan, y ri e sacerdote nikixupuj trompeta. Ronojel re' xtane', k'a toq xk'is na ri chikop ri xporox jumul pa ruwi' ri porobel.

2 Crón 7:6

Y ri e sacerdote kan jari' ek'o pa taq kisamaj. Chuqa' ri e levita nikiq'ojomaj jalajoj kiwech taq q'ojom richin nikiya' ruq'ij ri Jehová. Y re q'ojom re' kan ja ri rey David banayon kan richin nikibixaj rubi' ri Jehová rik'in ri bix ri nubij: Roma ri rujoyowanik ri Jehová kan richin q'asen, yecha'. Y ri e sacerdote ek'o-apo chikiwech y nikixupuj ri ki-trompeta. Y konojel ri winaqi' e pa'el-apo kik'in.

Wuj Richin ri Esdras 3:10

Toq ri samajela' xek'achoj richin xkiya-qa ri ruch'okolibal ri rachoch ri Jehová, jari' toq ri e sacerdote xek'oje' chiri' richin xkiya' ruq'ij ri Jehová, achi'el ri pixa' ri xuya' kan ri David, rey richin Israel. Ri e sacerdote xkikusaj ri kitziaq ri kan ch'aron, y kik'uan ki-trompeta. Y ri e levita ri e rijatzul ri Asaf kik'uan platillo.

Wuj Richin ri Nehemías 12:35

e kachibilan chuqa' ri sacerdote ri kik'uan trompeta, chuqa' ri Zacarías ri ruk'ajol ri Jonatán, ri Jonatán ruk'ajol kan ri Semaías, ri Semaías ruk'ajol kan ri Matanías, ri Matanías ruk'ajol kan ri Micaías, ri Micaías ruk'ajol kan ri Zacur, ri Zacur ruk'ajol kan ri Asaf.

Wuj Richin Bix Chire ri Dios 150:3

Tibixaj ri rubi' ri Dios rik'in ri xupubel. Tibixaj ri rubi' rik'in ri salterio y ri arpa.

Wuj Richin Bix Chire ri Dios 81:3

Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.

Wuj Richin Bix Chire ri Dios 81:4

Roma re' kan jare' ri pixa' ri ya'on chike ri qati't-qamama'. Jare' ri ruq'aton kan ri qa-Dios pa qawi'.

Wuj Richin Bix Chire ri Dios 89:15

Jebel ruwa-kiq'ij ri nikiya' aq'ij rik'in bix, kan yebiyin k'a rik'in ri awutzil.

Ex 28:29

Y keri' k'a, toq ri Aarón nok-apo chupan ri wachoch, ri kibi' ri e ruk'ajol kan ri Israel e beneq chikiwech ri taq abej chuwech ri ti peqes, chunaqaj ri ránima. Richin xtok jun natabel chuwe yin richin jantape'.

Ex 30:16

Ri méro ri xtak'ul chuwi-kiq'a' ri awinaq, roma ri kik'aslen, xtakusaj k'a richin xtukusex chupan ri wachoch ri richin molojri'il. Re méro re' kan xtik'atzin k'a richin chi ye'oqaqa chinuk'u'x y richin chi nok pa ruk'exel ri kik'aslen.

Wuj Richin ri Isaías 27:13

Chupan ri q'ij ri' kan xtixupux k'a ri trompeta; ri ek'o chiri' pan Asiria y ri e beneq pan Egipto xkepe richin xtokiya' ruq'ij ri Jehová chupan ri juyu' ri chiri' pa Jerusalem.

Wuj Richin ri Chojmirisabelri'il 23:24

tubij chike ri ruwinaq: Ri nabey q'ij richin ri ruwuq ik' k'o chi yixuxlan y kan xkixnimaq'ijun richin natabel wichin, y toq xtixupux ri trompeta, jari' toq xtimol-iwi' richin niya' nuq'ij.

Wuj Richin ri Q'axanri'il 10:9

Toq ixk'o chik chupan ri iruwach'ulew y ri etzelanel iwichin xkixkichop chi oyowal y rix yixel-el richin nibebana' oyowal kik'in, xtixupuj k'a ri ka'i' trompeta richin chi niya' rutzijol. Y keri' yin Jehová, ri i-Dios, xkixoqaqa k'a chinuk'u'x y kan xkixinkol pa kiq'a' rije'.

Wuj Richin ri Q'axanri'il 28:11

Ri nabey q'ij chire ri ik' xtikisuj chinuwech yin, ka'i' nima-alaj achij wákix, jun achij karne'l y wuqu' achij karne'l ri jujun kijuna' y konojel re' kan e tz'aqet.

Wuj Richin ri Q'axanri'il 29:1

Ri nabey q'ij richin ri ruwuq ik' k'o chi xtiya'ox rutzijol rik'in trompeta y nimol-iwi' richin niya' nuq'ij. Y ri q'ij ri' man jun kowilej samaj niben,

San Mateo 11:28

Roma ri' kixanpe wik'in chi'iwonojel rix ri janila ralal ri ejqa'n qajineq chiwij, roma yin xtinya' uxlanen chiwe.

Hechos 10:4

Ri Cornelio rutzuliben k'a ri ángel, y janila ruxibin-ri'. Y xuk'utuj chire ri achike nrajo'. Ri ángel xubij chire: Ri ach'owen rik'in ri Dios kan janila qajineq chuwech, y keri' chuqa' kan qajineq chuwech ri ye'ato' ri winaqi' ri nik'atzin kito'ik. Roma ri' rija' yarunataj-pe re wakami.

1 Corintios 15:52

Xtibanatej k'a chi xa pa jun ti ramaj xqojjalatej-el, achi'el pa jun ruyupik runaq'-wachaj. Kan jak'a toq xtuya' rutzijol ri ruk'isibel trompeta, jari' xkek'astej-el ri kaminaqi' rik'in chik kich'akul ri man k'isel ta. Y roj ri k'a oj k'es kan, xqojjalatej-el chuqa'.

1 Tesalonicenses 4:16

Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

1 Tesalonicenses 4:18

Roma ri' tikuqubala' ik'u'x chi'iwachibil-iwi', rik'in re ch'abel re'.

Wuj Richin ri Josúe 4:7

jari' toq xtikibij chike: Toq ri káxa ri akuchi beneq-wi ri rujikibel-tzij ri Dios xapon chuchi' ri raqen-ya', jari' toq xch'aratej ri raqen-ya' Jordán, xkecha'. Y kan keri' k'a xtiben, roma ri' re jun molaj abej re' xtik'atzin richin natabel chike ri iwiy-imam richin q'asen, xcha' ri Josué.

Wuj Richin ri Josúe 6:4

Y wuqu' sacerdote xtikik'uaj jujun xupubel ri banon rik'in uk'a' richin karne'l. Rije' xkebe chuwech ri káxa ri k'o ri nujikibel-tzij chupan. Y chupan k'a ri ruwuq q'ij, wuqu' mul xtisutij-rij ri tinamit, rokik ri sacerdote xtikixupuj ri xupubel.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

1 Sam 20:5

K'ari' ri David xubij chire ri Jonatán: Ri chua'q jari' ri niban ri nimaq'ij roma xalex ri ik', y yin ri q'ij ri' k'o chi yitz'uye' junan rik'in ri rey pa ru-mesa richin yiwa' rik'in. Tabana' jun utzil taya-el q'ij chuwe, richin ninwewaj-el-wi' pa juyu' ka'i' q'ij y k'a ri tiqaq'ij ri kabij, k'ari' yitzolin-pe.