Wuj Richin ri Q'axanri'il 1:54 - Kaqchiquel Bible

⁵⁴ Y ri winaqi' richin ri tinamit Israel, kan xkitaqej k'a ri ch'abel richin ri Moisés ri bin chire roma ri Jehová.

Wuj Richin ri Q'axanri'il 1:54 Iomraidhean Croise

Ex 12:28

Y ri achi'a' ri k'o kiq'ij richin ri Israel, xetzolin y xbekibij chike ri winaqi', ri rubin ri Jehová chike ri Moisés y ri Aarón.

Ex 39:32

Keri' xk'achoj ronojel ri samaj richin ri rachoch ri Dios, ri richin molojri'il. Ri winaqi' kan xkiben k'a achi'el ri xubij ri Jehová chire ri Moisés.

Ex 39:43

Y ri Moisés xutz'et k'a chi ronojel ri samaj kan utz xuben, kan xel k'a achi'el ri xbix chire roma ri Jehová. Xeri' ri Moisés xuya' urtisanik pa kiwi' ri winaqi' ri xebanon ri samaj.

Ex 40:16

Ri Moisés kan xuben k'a ronojel ri xbix chire roma ri Jehová.

Ex 40:32

Ronojel mul toq ye'ok-apo chupan ri rachoch ri Dios y toq yejel-apo rik'in ri porobel, kan k'o chi nikich'ej ri kiq'a' y ri kaqen; roma kan keri' rubin ri Jehová chire ri Moisés.

Wuj Richin ri Q'axanri'il 1:19

Ri Moisés kan xuben-wi k'a ri tz'iban bi'aj ri rubin ri Jehová chire, ri chiri' chupan ri tz'iran ruwach'ulew Sinaí.

Wuj Richin ri Q'axanri'il 1:53

Jak'a ri levita kan xkekipabala-q'anej ri kachoch y xtikisutij-rij ri wachoch richin ri nujikibel-tzij, richin nikichajij chi man yixjel-apo, richin chi man niqaqa ta ri woyowal pan iwi'. Kan ja rije' ri xke'ok chajinela' richin ri wachoch richin ri nujikibel-tzij, xcha' ri Jehová.

Wuj Richin ri Q'axanri'il 2:1

Ri Jehová xch'on k'a kik'in ri Moisés y ri Aarón y xubij:

Wuj Richin ri Q'axanri'il 2:34

Y ri winaqi' richin ri tinamit Israel xkitaqej k'a ri ch'abel richin ri Moisés ri bin chire roma ri Jehová. Roma ri' toq xek'olon-el, xebe pa tzobaj achi'el ri kach'alal-ki'. Y toq xe'apon ri akuchi yek'oje-wi-qa, xek'oje' pa taq kitzobaj, chunaqaj ri tzieq ri ruk'exewach ri kitzobaj.

Wuj Richin ri Q'axanri'il 36:10

Achi'el ri xubij ri Jehová Dios chire ri Moisés, kan keri' xkiben ri e rumi'al kan ri Selofhad.

Wuj Richin ri Q'axanri'il 8:20

Ri Moisés y ri Aarón y konojel ri winaqi' richin ri tinamit Israel xkiben ri xubij ri Jehová chire ri Moisés, ri kan k'o chi nikiben ri levita.

Wuj Richin ri Q'axanri'il 9:22

Wi ri sutz' nipa'e' pa ruwi' ri rachoch ri Dios jun ka'i' q'ij, o jun ik', o jun juna'; rokik pa'el chiri', ri winaqi' israelita yek'oje' chiri' y man yesilon ta el. Jak'a toq ri sutz' niyakatej-el, rije' chuqa' ye'el-el chiri' y yebe.

Wuj Richin ri Q'axanri'il 9:5

Y rije' xkinimaq'ijuj k'a ri q'ij ri', achi'el ronojel ri rubin ri Jehová chire ri Moisés.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.