Wuj Richin ri Q'axanri'il 1:53 - Kaqchiquel Bible

⁵³ Jak'a ri levita kan xkekipabala-q'anej ri kachoch y xtikisutij-rij ri wachoch richin ri nujikibel-tzij, richin nikichajij chi man yixjel-apo, richin chi man niqaqa ta ri woyowal pan iwi'. Kan ja rije' ri xke'ok chajinela' richin ri wachoch richin ri nujikibel-tzij, xcha' ri Jehová.

Wuj Richin ri Q'axanri'il 1:53 Iomraidhean Croise

1 Crón 23:32

Y keri' ri e levita kan xkiben k'a ri xbix chike richin ri rachoch ri Dios richin molojri'il y chuqa' richin ri jay ri akuchi k'o-wi ri Dios. Re levita re' xek'oje' chuxe' kitzij ri e rijatzul kan ri Aarón.

2 Crón 13:10

Jak'a roj, kan ja ri Jehová ri qa-Dios y man qamalin ta kan. Ri e sacerdote ri yesamej chupan rachoch ri Jehová ja ri e rijatzul kan ri Aarón, y ri yeto'on kichin ja ri e levita.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

Wuj Richin ri Jeremías 23:15

Roma ri' yin Jehová ri k'o ronojel uchuq'a' pa nuq'a' kere' ninbij chiwe rix ri nibananej chi ix q'alajirisey nuch'abel: Xtinben chiwe chi xtitej xaqixaq. Chuqa' kan xtinya' k'a ya' chiwe ri yixrukamisaj. Iwoma rix qajineq ri etzelal pa ruwi' chijun ri ruwach'ulew.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Wuj Richin ri Q'axanri'il 1:50

Roma ri levita jari' ri xkebesamej chupan ri wachoch richin ri nujikibel-tzij y xkek'oje' chuqa' pa ruwi' ri samajibel y ronojel ri ch'aqa' chik ri ek'o chiri'. Ja chuqa' rije' ri xke'uk'uan ri wachoch banon rik'in tzieq y ronojel ri k'o chupan, toq k'o chi nuk'uex-el juk'an chik. Kan ja wi k'a rije' ri e aj samaj ri pa wachoch y ri kachoch rije' kan chunaqaj ok ri wachoch yin xkekipabala-wi.

Wuj Richin ri Q'axanri'il 1:54

Y ri winaqi' richin ri tinamit Israel, kan xkitaqej k'a ri ch'abel richin ri Moisés ri bin chire roma ri Jehová.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Wuj Richin ri Q'axanri'il 16:9

Ri Jehová kan ix rucha'on k'a pe rix chikikojol ri qawinaq, y kan chunaqaj rija' ix ruya'on-wi richin yixsamej chupan ri rachoch, y kan ix rucha'on richin nisamajij ri tinamit. ¿Kan man jun k'a rejqalen chiwech rix re samaj re ruya'on ri Jehová chiwe?

Wuj Richin ri Q'axanri'il 17:7

Y xeri' ri Moisés xeberuya-apo ri ch'ame'y chuwech ri Jehová chupan ri rachoch.

Wuj Richin ri Q'axanri'il 2:17

Y chikij ri ye'el-el pa ruka'n, k'ari' nibe ri wachoch richin molojri'il uk'uan-el koma ri levita y ri kitzobaj. Toq rix yixk'olon-el, chijun ri tinamit k'o chi yebiyin rik'in re ruchojmilal re' chirij ri tzieq ri ruk'exewach ri tzobaj, y toq yixapon ri akuchi yixk'oje-wi-qa, k'o chi ninuk'-qa-iwi'.

Wuj Richin ri Q'axanri'il 3:23

Kan konojel k'a rije' xek'oje-qa chiri' pa qajbel-q'ij chire ri rachoch ri Jehová ri banon rik'in tzieq.

Wuj Richin ri Q'axanri'il 3:29

Kan konojel k'a ri e rijatzul kan ri Quehat xek'oje-qa pa xokon chire ri rachoch ri Dios.

Wuj Richin ri Q'axanri'il 3:35

Ri aj-raqen ri k'o pa kiwi' rije', ja ri Suriel ruk'ajol ri Abihail. Y rije' xek'oje-qa pa xaman chire ri rachoch ri Dios.

Wuj Richin ri Q'axanri'il 3:38

Ri xebek'oje' chuwech-apo ri rachoch ri Dios ri chiri' pa relebel-q'ij, ja ri Moisés y ri Aarón, kachibilan ri e ruk'ajol ri Aarón. Ja rije' k'a xkek'oje' pa ruwi' ri samajibel richin ri rachoch ri Dios pa kibi' ri ch'aqa' chik israelita. Y wi ta k'o jun ri xa man sacerdote ta y nijel-apo chubanik ri kisamaj rije', kan xtikamisex.

Wuj Richin ri Q'axanri'il 31:30

Y ri nik'aj chik kichin ri awinaq, k'o chi tich'ara' kan juba' richin xtiya' chike ri e levita ri yechajin ri wachoch banon rik'in tzieq. Xtik'en k'a kan jun chire ri e kawineq lajuj chike ri winaqi' y ri nima'q y kokoj taq kawej, xcha'.

Wuj Richin ri Q'axanri'il 8:19

Yin xencha-pe ri levita chi'ikojol. K'ari' xinjech pa kiq'a' ri Aarón y ri e ruk'ajol. Ri levita ja rije' ri yesamej chiri' pa kik'exel ri ch'aqa' chik awinaq, richin rije' yesuju ri kamelabel richin chi yin nink'en chik kiwech ri awinaq. Richin keri' man jun xtik'uluwachij toq yixjel-apo rik'in ri wachoch, xcha' ri Dios.

2 Timoteo 4:2

chi jantape' tatzijoj ri ruch'abel ri Dios, kan tatija' aq'ij natzijoj stape' pa ruq'ijul o man pa ruq'ijul ta. Tabij chike ri winaqi' chi titzolej-pe kik'u'x, ke'apixabaj y ke'atijoj rik'in koch'onik.

1 Sam 6:19

Jak'a ri Dios xuben chike richin xeken e oxk'al lajuj achi'a' ri ek'o chiri' roma xkinik'oj-qa rupan ri káxa richin ri rujikibel-tzij ri Jehová. Y ri winaqi' richin ri tinamit janila xe'oq' roma ri Jehová kan xuya' ruk'ayewal pa kiwi'.